កូនមួយហើយ ពេជ្រ សូលីកា និងស្វាមី បញ្ចេញរូបថតលើកនេះសង្ស័យPre-Wedding

ភ្នំពេញ៖ ក្រឡេកឃើញថា ជីវិតរស់នៅក្នុងគ្រួសារ របស់ តារាចម្រៀងស្រី អ្នកនាង ពេជ្រ សូលីកា កាន់តែផ្អែមល្ហែមឡើងជាលំដាប់ ជាមួយនឹងសកម្មភាពដ៏មានក្ដីសុខជាច្រើនរវាងនាង និងស្វាមីបណ្ដូលចិត្ត ដែលតែងតែលើកយកមកបង្ហាញជូនឲ្យហ្វេនៗបានទស្សនានៅលើបណ្ដាញសង្គម។

ជាក់ស្ដែង បន្ទាប់ពីទទួលបានចំណងស្នេហ៍ដ៏មុតមាំ ដែលកូនប្រុសជាទីស្រលាញ់រួចមក ទំនាក់ទំនងក៏ដូចជាភាពល្អូកល្អើនរបស់អ្នកទាំងពីរ ហាក់មិនមានភាពថមថយនោះទេ ជាពិសេសរឹតតែបញ្ចេញនូវភាពស្និទ្ធស្នាលដែលធ្វើឲ្យអ្នកគាំទ្រកាន់តែតាមដានពីរឿងរ៉ាវរបស់ប្ដីប្រពន្ធមួយគូនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ ថ្មីៗនេះ អ្នកនាង ពេជ្រ សូលីកា និងស្វាមី ក៏បានធ្វើឲ្យមហាជនជាច្រើនផ្ដោតអារម្មណ៍សារជាថ្មីម្ដងទៀត ក្រោយពីបានបង្ហោះនូវបណ្ដុំរូបភាពរបស់អ្នកទាំងពីរ ជាមួយនឹងការលេងស្ទាយ៍យ៉ាងស៊ីអារម្មណ៍ ក្នុងពេលដែលអ្នកទាំងពីរតែងខ្លួនក្នុងឈុតគេង បង្ហាញកាយវិការយ៉ាងរ៉ូមែនទិកជាមួយនឹងទឹកមុខសើចសប្បាយរីករាយ ដែលអាចបញ្ជាក់បានពីទំនាក់ទំនងនៅក្នុងគ្រួសារដ៏ល្អប្រសើរ និងពោរពេញទៅដោយសុភមង្គល ផងដែរ៕ 

សូមទស្សនារូបភាពខាងក្រោម៖ 

• ពេជ្រ សូលីកា
• តារាខ្មែរ