ភ្នំពេញ៖ អភិបាលរងខណ្ឌច្បារអំពៅ លោក ណុប ផា បានឱ្យដឹងថា កាលពីថ្ងៃទី១៣ ខែកញ្ញា ចាប់ពីម៉ោង៧៖៣០នាទីព្រឹក រហូតដល់ម៉ោង៧យប់ នៅក្នុងបរិវេណវត្តព្រែកប្រា ដែលមានទីតាំងស្ថិតនៅតាមបណ្តោយផ្លូវលេខ៣៦៩ ភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅរាជធានីភ្នំពេញ ក្រុមគ្រូពេទ្យស្ម័គ្រចិត្តសម្តេចតេជោ បានសហការណ៍ជាមួយអាជ្ញាធរខណ្ឌ ចុះយកសំណាកប្រជាពលរដ្ឋ និងកម្លាំងប្រជាការពារសរុប សង្កាត់ច្បារអំពៅទី១ សង្កាត់ច្បារអំពៅទី២ សង្កាត់និរោធ សង្កាត់ព្រែកប្រា និងសង្កាត់ព្រែកថ្មី សរុប ១,៤២៧នាក់ និងរកឃើញអ្នកវិជ្ជមានកូវីដ១៩ចំនួន ១០នាក់។
ការចុះទៅយកសំណាកប្រជាពលរដ្ឋរស់នៅក្នុងខណ្ឌច្បារអំពៅនេះ គឺដើម្បីចង់ដឹងពីសុខភាព ពិសេសស្វែងរកអ្នកកើតជំងឺកូវីដ១៩។ បន្ថែមពីនេះ លោកអភិបាលរង បានអំពាវនាវដល់បងប្អូនប្រជាពលរដ្ឋដែលពុំទាន់បានមកយកសំណាកសូមមកទទួលការសំណាកនៅថ្ងៃទី១៦ ខែកញ្ញា បន្តទៀត នៅក្នុងបរិវេណវត្តព្រែកប្រា។ ដោយឡែក ចំពោះអ្នកជំងឺទាំង ១០នាក់ខាងលើ ត្រូវបានបញ្ជូនទៅសម្រាកព្យាបាលនៅមន្ទីរពេទ្យ៕
ប្រភព៖ កម្ពុជាថ្មី
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
