មូលហេតុទូទៅទាំងនេះ អាចនាំឲ្យស្រីៗមានបញ្ហាប្លោកនោម!

ប្លោកនោមផ្ទុកទឹកនោម ដោយមានជំនួយពីសាច់ដុំផ្សេងៗ រហូតដល់ខួរក្បាលបញ្ជូនសញ្ញាប្រាប់ថា ដល់ពេលត្រូវបញ្ចេញចោល។ យ៉ាងណាមិញ ដូចទៅនឹងប្រព័ន្ធដទៃទៀតនៃរាងកាយ ប្លោកនោមក៏អាចប្រឈមនឹងបញ្ហាដូចគ្នា ហើយបញ្ហាប្លោកនោមទូទៅទាំង៣ ដែលប៉ះពាល់ចំពោះស្រីៗយើងមានដូចខាងក្រោម។

១. នោមទាស់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មានស្ត្រីរាប់លាននាក់ដែលកើតមានបញ្ហានោមទាស់។ ប្រភេទផ្សេងៗនៃការនោមទាស់មាន លេចនោមជាប់រហូត នោមញឹកញាប់ជាងធម្មតា និងហូរទឹកនោមជាប់រហូត ហើយប្រភេទនោមទាស់ដែលកើតឡើងញឹកញាប់បំផុតគឺ លេចនោមជាប់រហូត ដូចជានៅពេលដែលយើងក្អក សើច ហាត់ប្រាណ ឬលើកវត្ថុធ្ងន់ៗ។
មូលហេតុនៃការនោមទាស់រួមមាន៖

ការមានផ្ទៃពោះ និងសម្រាលកូន៖ ពេលពពោះ សម្រាលកូនអាចពង្រីកសាច់ដុំអាងត្រគាក។ នៅពេលដែលសាច់ដុំទាំងនោះលាតសន្ធឹង ប្លោកនោមអាចយារធ្លាក់ ជាហេតុនាំឲ្យមាត់បង្ហួរនោមមានសភាពយឺតដូចគ្នា។
អស់រដូវ៖ អ័រម៉ូនEstrogen ជួយរក្សាជាលិកាជុំវិញប្លោកនោម និងបង្ហួរនោមឲ្យមានសុខភាពល្អ។ នៅពេលដែលយើងចូលដល់វ័យអស់រដូវ ស្រីៗយើងនឹងផលិតអ័រម៉ូនមួយនេះកាន់តែតិចទៅ ដែលកត្តានេះធ្វើឲ្យប្លោកនោមចុះខ្សោយ។
ខូចសរសៃប្រសាទ៖ ខួរក្បាលបញ្ជូនសញ្ញាទៅសរសៃប្រសាទនៅក្នុងប្លោកនោមនៅពេលដែលប្លោកនោមពេញ។ ការខូចសរសៃប្រសាទអាចរំខានដល់សញ្ញានេះ ដែលនាំឲ្យខួរក្បាលមិនអាចឲ្យដំណឹងដល់យើងថាត្រូវបញ្ចេញទឹកនោមចោលពីប្លោកនោម។ ជំងឺផ្សេងៗអាចបណ្ដាលឲ្យខូចសរសៃប្រសាទ ដូចជាជំងឺទឹកនោមផ្អែម ជំងឺក្រិនសរសៃប្រសាទ ឬគ្រោះថ្នាក់សរសៃឈាមខួរក្បាល។ ជាមួយគ្នានេះដែរ ការវះកាត់ ឬរបួសលើខ្នង ឬឆ្អឹងត្រគាកក៏អាចបំផ្លាញសរសៃប្រសាទដែលគ្រប់គ្រងប្លោកនោមផងដែរ។
ការប្រើប្រាស់ថ្នាំ៖ ថ្នាំមួយចំនួនអាចធ្វើឲ្យសាច់ដុំប្លោកនោមសម្រាក និងរារាំងវាពីការបញ្ជូនសញ្ញារបស់ខួរក្បាលថាប្លោកនោមពេញ។ ថ្នាំទាំងនេះរួមមានថ្នាំងងុយគេង ថ្នាំប្រឆាំងនឹងជំងឺបាក់ទឹកចិត្ត ឬថ្នាំបញ្ចុះទឹកនោម។
គ្រឿងស្រវឹង និងជាតិកាហ្វេអ៊ីន៖ ភេសជ្ជៈទាំងនេះអាចធ្វើឲ្យប្លោកនោមឆាប់ពេញ និងធ្វើឲ្យយើងមិនអាចគ្រប់គ្រងបាន។
លើសទម្ងន់៖ នៅពេលដែលយើងលើសទម្ងន់ វាអាចដាក់សម្ពាធដល់ប្លោកនោម ដែលអាចបង្កជាបញ្ហានោមទាស់។
ហាត់ប្រាណ៖ ស្រីៗអាចប្រឈមនឹងការលេចនោម អំឡុងពេលធ្វើលំហាត់ប្រាណខ្លាំងក្លា ជាពិសេស លំហាត់ប្រាណលោត និងរត់។

២. ឈឺក្នុងប្លោកនោម បណ្ដាលមកពីមុខងាររបស់អាងត្រគាកធ្វើការមិនល្អ

ជំងឺប្លោកនោមមួយទៀតដែលកើតឡើងចំពោះស្រីៗយើង គឺបញ្ហាមុខងារអាងត្រគាកធ្វើការមិនល្អ នេះដោយសារតែប្លោកនោមរលាក។ ការរលាកអាចធ្វើឲ្យជញ្ជាំងប្លោកនោមរឹង ហើយមិនអាចពង្រីកបាន នៅពេលដែលវាពេញដោយទឹកនោម។ ដូចគ្នានេះដែរ បរិមាណទឹកនោមក៏មិនច្រើនដូចធម្មតាដែរ ពីព្រោះប្លោកនោមមិនអាចទប់ទឹកនោមបានច្រើន។

៣. ការបង្ករោគលើប្រព័ន្ធទឹកនោម

ស្ត្រីជាច្រើនអាចឆ្លងមេរោគមួយនេះ ដែលអាចបណ្ដាលឲ្យមានបញ្ហាគ្រប់គ្រងប្លោកនោម។ មេរោគអាចចូលទៅក្នុងផ្លូវទឹកនោម និងបង្កការឆ្លងមេរោគតាមវិធីផ្សេងៗគ្នា។ ហេតុនេះហើយ ដើម្បីបង្ការការបង្ករោគលើប្រព័ន្ធទឹកនោម គ្នាយើងគប្បី៖

ជូតសម្អាតពីខាងមុខទៅខាងក្រោយ បន្ទាប់ពីប្រើប្រាស់បន្ទប់ទឹករួច
ជៀសវាងទប់នោម
រួមភេទដោយមានការការពារ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

១. នោម​ទាស់

២. ឈឺ​ក្នុង​ប្លោក​នោម បណ្ដាល​មក​ពីមុខ​ងារ​របស់​អាង​ត្រគាក​ធ្វើ​ការ​មិន​ល្អ

៣. ការ​បង្ក​រោគ​លើ​​ប្រព័ន្ធ​ទឹក​នោម​

In Case You Missed It

១. នោមទាស់

២. ឈឺក្នុងប្លោកនោម បណ្ដាលមកពីមុខងាររបស់អាងត្រគាកធ្វើការមិនល្អ

៣. ការបង្ករោគលើប្រព័ន្ធទឹកនោម