អត្ថប្រយោជន៍ ៦យ៉ាងបានពីផ្លែកៅឡាក់ល្អចំពោះសុខភាព!

ផ្លែកៅឡាក់ ជាប្រភេទគ្រាប់ធញ្ញជាតិដែលល្អសម្រាប់សុខភាព។ ទោះជាផ្លែកៅឡាក់មានច្រើនប្រភេទ អត្ថប្រយោជន៍ និងជីវជាតិរបស់ផ្លែនេះ គឺដូចគ្នា។ ផ្លែកៅឡាក់ ជាប្រភពដ៏ល្អនៃសារធាតុ ប្រឆាំងអុកស៊ីតកម្ម សូម្បីតែពេលចម្អិនរួចក៏ដោយ។ ផ្លែនេះសម្បូរ អាស៊ីត Gallic និង អាស៊ីត Ellagic សារធាតុប្រឆាំងអុកស៊ីតកម្មពីរអាចកើនឡើងនៅពេលចម្អិន។ សារធាតុប្រឆាំងអុកស៊ីតកម្ម និងសារធាតុរ៉ែ ដូចជា ម៉ាញេស្យូម និងប៉ូតាស្យូមជួយកាត់បន្ថយហានិភ័យនៃបញ្ហា សរសៃឈាមបេះដូង ជំងឺបេះដូង ឬដាច់សរសៃឈាមខួរក្បាល។ ខាងក្រោមនេះជាអត្ថប្រយោជន៍នៃផ្លែកៅឡាក់ ៖

១.ការពារពីជំងឺទឹកនោមផ្អែម

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មានគ្នាយើងភាគតិចណាស់ដែលដឹងអំពីតួនាទីសំខាន់នៃសារជាតិសរសៃ ដែលអាចដើរតួក្នុងការការពារនិងការគ្រប់គ្រងជំងឺទឹកនោមផ្អែម។ ផ្លែកៅឡាក់ មានជាតិសរសៃខ្ពស់ និងមានជាតិស្ករទាប ដូចនេះហើយទើបផ្លែនេះអាចធ្វើឱ្យជាតិស្ករក្នុងឈាមកើនឡើងយឺត បើប្រៀបធៀបទៅនឹងអាហារដែលមានជាតិស្គរខ្ពស់។ ផ្លែកៅឡាក់ជួយការពារការកើនឡើង និងការធ្លាក់ចុះនៃជាតិស្ករក្នុងឈាម ដែលអាចបង្កគ្រោះថ្នាក់ដល់គ្នាយើងដែលមានជំងឺទឹកនោមផ្អែមផងដែរ។

២. ពង្រឹងប្រព័ន្ធភាពស៊ាំ

ការប្រមូលផ្ដុំនៃ វីតាមីន C ខ្ពស់ និងសមាសធាតុប្រឆាំងអុកស៊ីតកម្មដទៃទៀតនៅក្នុងផ្លែកៅឡាក់ ធ្វើឱ្យពួកវាបង្កើនការការពារប្រព័ន្ធការពាររបស់យើង។ វីតាមីន C មិនត្រឹមតែរំញោចដល់ការផលិតកោសិកាឈាមស ប៉ុណ្ណោះទេថែមទាំងដើរតួជា សារធាតុប្រឆាំងអុកស៊ីតកម្ម ជួយតាមរកពពួករ៉ាឌីកាល់សេរី នៅក្នុងរាងកាយ និងបន្សាបរ៉ាឌីកាល់ទាំងនេះមុនពេលពួកវាធ្វើឱ្យកោសិកាដែលមានសុខភាពល្ប្រែប្រួល ឬកាត់បន្ថយoxidative stress នៅក្បែរសរីរាង្គដែលសំខាន់ៗ។ ផ្លែនេះអាចជួយប្រព័ន្ធភាពស៊ាំ ទប់ទល់ភ្នាក់ងារបង្ករោគ និងការពារជំងឺ។

៣. ជួយបំបាត់បញ្ហាប្រព័ន្ធរំលាយអាហារ

ផ្លែកៅឡាក់មានជាតិសរសៃខ្ពស់ មានន័យផ្លែនេះមានឥទ្ធិពលក្នុងការការពារក្រពះពោះវៀន។ ជាតិសរសៃជួយជំរុញចលនានៅក្នុងពោះវៀន ជួយគ្រប់គ្រងការបន្ទោបង់ ការពារពីការរលាក និងអាការៈមិនស្រួលក្នុងពោះ។ ជាតិសរសៃក៏អាចជួយបង្កើនការស្រូបយកសារធាតុចិញ្ចឹមដែលទទួលបានច្រើនពីអាហារយើងញ៉ាំ។

៤.ជួយមុខងារខួរក្បាលប្រសើរឡើង

មុខងារខួរក្បាល និងការចងចាំ ត្រូវបានធ្វើឱ្យប្រសើរឡើងតាមវិធីមួយចំនួនដោយការញាំគ្រាប់កៅឡាក់។ គ្រាប់ទាំងនេះសម្បូរទៅដោយក្រុមវីតាមីន B ដែលត្រូវបានភ្ជាប់ដោយផ្ទាល់ទៅនឹងការអភិវឌ្ឍ និងមុខងារសរសៃប្រសាទ។ លើសពីនេះប៉ូតាស្យូម ដែលមាននៅក្នុងផ្លែនេះក៏អាចបង្កើនលំហូរឈាមទៅកាន់ខួរក្បាល និងលើកកម្ពស់សុខភាពប្រព័ន្ធប្រសាទជួយបង្កើនការផ្ដោតអារម្មណ៍ និងការចងចាំ។

៥. ការពារជំងឺរ៉ាំរ៉ៃ

ជំងឺរ៉ាំរ៉ៃគ្រប់ប្រភេទបណ្ដាលមកពីការបញ្ចេញរ៉ាឌីកាល់សេរីដែលជាធម្មជាតិនៃកោសិកាផ្លូវដង្ហើម។ ទាំងនេះអាចបណ្ដាលឱ្យកោសិកាដែលមានសុខភាពល្អផ្លាស់ប្ដូរ ជាលទ្ធផលអាចកើតមហារីក oxidative stress និងជំងឺរ៉ាំរ៉ៃមួយចំនួន។ បើគ្មានសារធាតុប្រឆាំងអុកស៊ីតកម្ម ដូចមាននៅក្នុងផ្លែកៅឡាក់ នោះរាងកាយរបស់យើងនឹងត្រូវប្រយុទ្ធប្រឆាំងមេរោគច្រើនដូចប្រយុទ្ធច្រើនសមរភូមិអ៊ីចឹងដែរ។ ដូច្នេះការបង្កើនការការពារដោយញាំផ្លែកៅឡាក់បន្តិចបន្តួចក្នុងមួយថ្ងៃ គឺជារឿងល្អ។

៦.ជួយគ្រប់គ្រងសម្ពាធឈាម

នៅពេលនិយាយពីការបញ្ចុះសម្ពាធឈាម សារធាតុរ៉ែមានសារសំខាន់តិចតួចជាងប៉ូតាស្យូម។ ប៉ូតាស្យូមអាចគ្រប់គ្រងចលនាទឹកនៅក្នុងខ្លួន ហើយក៏មានតួនាទីជាថ្នាំរំញោចសរសៃឈាមបង្កើនលំហូរឈាម និងបញ្ចេញភាពតានតឹងលើសរសៃឈាមផងដែរ។ ការកាត់បន្ថយសម្ពាធឈាម អាចបង្កើនសុខភាពសរសៃឈាមបេះដូងទូទៅ និងកាត់បន្ថយហានិភ័យនៃការ គាំងបេះដូង និងដាច់សរសៃឈាមខួរក្បាល។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អត្ថប្រយោជន៍ ៦យ៉ាង​បានពី​ផ្លែ​កៅឡាក់​ល្អចំពោះសុខភាព!

១.ការពារ​ពី​ជំងឺ​ទឹក​នោម​ផ្អែម

២. ពង្រឹង​ប្រព័ន្ធ​ភាព​ស៊ាំ

៣. ជួយ​បំបាត់​បញ្ហា​ប្រព័ន្ធ​រំលាយ​អាហារ

៤.ជួយ​មុខ​ងារ​ខួរ​ក្បាល​ប្រសើរ​ឡើង

៥. ការពារ​​ជំងឺ​រ៉ាំរ៉ៃ

៦.ជួយ​គ្រប់គ្រង​សម្ពាធ​ឈាម

In Case You Missed It