ព្រះកាយច័ន្ទ និងកូនសិស្សរបាំទាំងអស់ កំពុងសមត្រៀមរាំជូនពរបុណ្យ៧ថ្ងៃឪពុក

ភ្នំពេញ៖ កាលពីពេលថ្មីៗនេះ តារាសម្ដែងកញ្ញា ព្រះកាយច័ន្ទ បានជួបរឿងអកុសលមួយ ដោយលោកឪពុកជាទីគោរពរបស់នាង បានទទួលមរណភាព។ ក្នុងនោះដែរ បន្ទាប់ពីទទួលបានដំណឹងថាឪពុករបស់តារាស្រីរូបនេះទទួលមរណភាព មានមហាជន និងមិត្តភក្ដិរួមអាជីពជាច្រើន បានសម្ដែងនូវក្ដីសោកស្ដាយ និងបង្ហោះសារចូលរូមរំលែកទុក្ខគ្រប់គ្នា។

យ៉ាងណាមិញ បន្ទាប់ពីឪពុកទទួលមរណភាព ថ្មីៗនេះនាងកំពុងដឹងដៃកូនសិស្សរបស់នាង សមត្រៀមរាំរបាំជូនបុណ្យ៧ថ្ងៃឪពុកខ្លួនជាលើកចុងចុងផងដែរ។ ពិតណាស់ គេដឹងផងដែរថា កញ្ញា ព្រះកាយច័ន្ទ ជានាថការីរបាំបុរាណខ្មែរមួយរូប ដែលមានសមត្ថភាពពិតប្រាកដ និងច្បាស់លាស់ម្នាក់។ ហើយបច្ចប្បន្នតារាស្រីរូបនេះ ក៏បានបើកក្លឹបសិល្បៈបង្រៀនដល់ប្អូនៗជំនាន់ក្រោយ ដើម្បីហ្វឹតហាត់រៀនពីចំណេះជំនាញសិល្បៈផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរ នៅពីក្រោយភាពជោគជ័យរបស់កញ្ញា ព្រះកាយច័ន្ទ គឺជាលោកឪពុករបស់នាងផ្ទាល់តែម្ដង។ ម្យ៉ាងវិញទៀត គ្រប់ពេលដែលនាងចេញទៅសម្ដែងតែងតែមានឪពុកនៅក្បែរ ចាំជួយមើលថែស្ទើរគ្រប់វិនាទី។ មិនតែប៉ុណ្ណោះ ឪពុកនាងគឺជាអ្នកផ្ដួចផ្ដើមជួយជ្រុមជ្រែងនាងនៅក្នុងវិថីសិល្បៈ ទើបនាងអាចទទួលបានភាពជោគជ័យមកដល់បច្ចុប្បន្ននេះ៕

សូមទស្សនារូបភាពខាងក្រោម៖

• ព្រះកាយច័ន្ទ
• រូបភាព
• តារាខ្មែរ