ហ្វេនៗកំពុងចាប់អារម្មណ៍​ តួប្រុស​ក្នុង MV បទ​ មាស​ សុខសោភា​​ «ខ្យល់ចាប់»​ សង្ហាខ្លាំង

ភ្នំពេញ៖ ចាប់តាំងពីឈានជើងចូលផលិតកម្មចម្រៀងថ្មីមក យើងឃើញថាប្រជាប្រិយភាពរបស់កំពូលតារាចម្រៀងជើងចាស់ មាស សុខសោភា កាន់តែល្បីល្បាញនិងទទួលបានការគាំទ្រច្រើនថែមមួយកម្រិតទៀត។ ពិសេសនាងតែងតែបញ្ចេញនូវបទចម្រៀងពីរោះៗ ការថត MV ប្លែកៗគួរជាទីចាប់អារម្មណ៍ជាញឹកញាប់។ ហើយកាលពីពេលថ្មីៗនេះ ខាងផលិតកម្មរាមក៏ទើបតែបានទម្លាក់ MV បទចម្រៀងថ្មីមួយបទទៀត មានចំណងជើងថា «ខ្យល់ចាប់» ដោយ មាស សុខសោភា ច្រៀងនិងសម្ដែងបានល្អមែនទែន។

លើសពីនេះ អ្វីដែលកាន់តែធ្វើឲ្យគ្រប់គ្នាកាន់តែចាប់អារម្មណ៍ខ្លាំងលើបទចម្រៀង នោះគឺតួប្រុសដែលចូលរួមសម្ដែងផ្ទាល់តែម្ដង។ ដោយតួប្រុសដែលបានចូលរួមសម្ដែងរូបនេះ គេមានរូបរាងស្រស់សង្ហា សាច់ដុំមាំមួន មុខក៏មានមន្តស្នេហ៍ខ្លាំង អ្នកណាៗឃើញហើយក៏សរសើរជាហូរហែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបន្ថែមផងដែរថា តារាប្រុសដែលបានសម្ដែងក្នុង MV បទ «ខ្យល់ចាប់» នេះត្រូវបានគេស្គាល់ថា ជាលោក ណាក់ ពិសី ដែលជាម្ចាស់ជ័យលាភីលំដាប់រងលេខ១ នៅក្នុងកម្មវិធី Mister Cambodia 2020 ផងដែរ៕

សូមទស្សនារូបភាពខាងក្រោម៖

• មាស សុខសោភា
• រូបភាព
• តារាខ្មែរ