មួយឈុតនេះ មាស សុខសោភា ស្អាតដូចទេពអប្សរ

ភ្នំពេញ៖ ច្រើនឆ្នាំកន្លងមកហើយ ដែលកំពូលតារាចម្រៀងស្រីសម្លេងផ្អែមកញ្ញា មាស សុខសោភា ទទួលបានការចាប់អារម្មណ៍ពីមហាជន និងមានប្រជាប្រិយភាពខ្លាំងយ៉ាងដូច្នេះ។ ក្រៅពីភាពល្បីល្បាញក្នុងប្រទេស ថ្មីៗនេះតារារូបនេះ ក៏ធ្លាប់ទៅច្រៀងនៅក្រៅប្រទេសលើឆាកអន្តរជាតិ ព្រមទាំងទទួលបានការចាប់អារម្មណ៍ខ្លាំងថែមទៀតផង។   

ពិតណាស់ ក្រៅពីមានសម្លេងពីរោះអាចច្រៀងបានគ្រប់ទម្រង់នោះ មួយរយៈចុងក្រោយនេះ គេសង្កេតឃើញកញ្ញា មាស សុខសោភា បានផ្លាស់ប្ដូរស្ទាយ៍តុបតែងខ្លួនឯងខុសឆ្ងាយពីមុនសឹង១៨០ដឺក្រេតែម្ដង។ ម្យ៉ាងគ្រប់ពេលដែលតារារូបនេះ បញ្ចេញបទថ្មីម្ដងៗតែងតែស្លៀកនូវឈុតសម្លៀកបំពាក់ថ្មីប្លែក អមជាមួយការរចនាច្នៃម៉ូតយ៉ាងប្រណីត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង អ្វីដែលកាន់តែចាប់អារម្មណ៍ និងគួរឲ្យនឹកស្មានមិនដល់នោះកញ្ញា មាស សុខសោភា បានស្លៀកឈុតតំណណាងឲ្យសត្វស្លាប ហើយឈុតមួយនោះបានរំលេចឡើងយ៉ាងស្អាតអស្ចារ្យតែម្ដង។ ក្នុងនោះដែរ បន្ទាប់ពីនាងបានស្លៀកឈុតមួយនេះ គេសម្លឹងឃើញសម្រស់តារារូបនេះ រឹតតែស្រស់សោភា លេចធ្លា ជួយបង្កើនសម្រស់នាងឲ្យស្រស់ស្អាតដូចទេពអប្សរយ៉ាងដូច្នោះដែរ។ 

ជាមួយគ្នានេះដែរ ទន្ទឹមនឹងកំបូលតារាចម្រៀងសម្លេងផ្អែមរូបនេះស្លៀកឈុតសត្វស្លាបពណ៌សនេះរួច មានអ្នកលេងបណ្ដាញសង្គម និងហ្វេនជាច្រើន បានបញ្ចេញអារម្មណ៍ក្នុងCommentសរសើរពីរូបសម្ផស្សតារារូបនេះគ្រប់គ្នាសឹងមិនដាច់ពីមាត់៕

ប្រភពរូបភាព៖ Oliva Kong

សូមទស្សនារូបភាពខាងក្រោម៖ 

• មាស សុខសោភា
• ម៉ូត
• រូបភាព
• តារាខ្មែរ