នេះរោគសញ្ញាអាឡែហ្សីជាមួយអាកាសធាតុត្រជាក់ និងវិធីការពារខ្លួន

អាការៈអាឡែហ្សី ជាមួយនឹងអាកាសធាតុត្រជាក់(Cold urticaria) គឺជាជំងឺម្យ៉ាងដែលអ្នកជំងឺអាចមានអាការៈប្រតិកម្មស្បែកដូចជាជំងឺផ្តាសាយដែលលេចឡើងក្នុងរយៈពេលប៉ុន្មាននាទីបន្ទាប់ពីការប៉ះពាល់នឹងធាតុត្រជាក់ ដូចជាកន្តួលរមាស់ ស្រដៀងនឹងប្រទាលត្រអាកជាដើម។

ជាការពិតណាស់ ចំពោះអ្នកដែលមានជំងឺអាឡែហ្សីជាមួយនឹងធាតុត្រជាក់ អាចនឹងមានរោគសញ្ញាខុសៗគ្នា។ អ្នក​ខ្លះ​មាន​អាការៈធ្វើទុក្ខតិច​តួច​ ចំណែក​ខ្លះ​ទៀត​មានអាការៈធ្វើទុក្ខធ្ងន់ធ្ងរ។ ចំពោះ​អ្នក​ខ្លះ​ដែល​មាន​ជំងឺ​នេះ ការ​ហែល​ទឹក​ក្នុង​ទឹក​ត្រជាក់​អាច​នាំ​ឱ្យ​មាន​សម្ពាធ​ឈាម​ចុះទាប​ខ្លាំង រហូតដល់​សន្លប់ក៏អាចនឹងកើតមានផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជម្ងឺអាឡែហ្សីនឹងធាតុត្រជាក់ កើតមានជាញឹកញាប់បំផុតចំពោះមនុស្សដែលមានវ័យជំទង់។ ប្រសិនបើអ្នកគិតថាអ្នកមានជម្ងឺនេះ សូមពិគ្រោះជាមួយវេជ្ជបណ្ឌិតដែលមានជំនាញ។ ការព្យាបាលជាធម្មតារួមបញ្ចូលវិធានការបង្ការដូចជាការប្រើថ្នាំAntihistamines តាមវេជ្ជបញ្ជាពេទ្យ និងជៀសវាងប៉ះពាលធាតុត្រជាក់ និងទឹកដែលត្រជាក់។

អាការៈចំពោះអ្នកដែលជំងឺអាឡែហ្សីជាមួយធាតុត្រជាក់មានដូចខាងក្រោម៖

កន្តួលរមាស់ (ប្រទាលត្រអាក) នៅ ជុំវិញស្បែកដែលបានប៉ះពាល់ជាមួយធាតុត្រជាក់
ស្បែកឡើងកម្តៅ  ឬហើមនៅ ដែលប៉ះពាល់ជាមួយនឹងរបស់ត្រជាក់
បបូរមាត់ហើម នៅ ពេលទទួលទានអាហារ ឬភេសជ្ជៈ ដែលត្រជាក់។

អាការៈធ្វើទុក្ខកម្រិតធ្ងន់ធ្ងរអាចរួមមាន៖

មានអារម្មណ៍ថារាងកាយទាំងមូលប្រតិកម្ម ដែលអាចបណ្តាលឱ្យ បេះដូងលោតញាប់ ហើមចំណុចអវយវៈណាមួយ នៃដងខ្លួន ឬដួលសន្លប់។
អាការៈហើមត្រង់ចំណុចអណ្តាត និងបំពង់ក ដែលអាចធ្វើឱ្យអ្នកជំងឺពិបាកដកដង្ហើម។

មូលហេតុដែលបង្កឱ្យ​មានជំងឺអាឡែហ្សីជាមួយធាតុត្រជាក់៖

គ្មាន​នរណា​ដឹង​ច្បាស់​ពី​មូលហេតុអ្វី​ដែល​បង្ក​ឱ្យ​កើត​ជំងឺ​នេះឡើយ។ បើមើលតាមភាពជាក់ស្តែងមនុស្សមួយចំនួនមានកោសិកាស្បែកដែលងាយប្រតិកម្មខ្លាំង ដោយសារតែមូលហេតុចំបងដូចជាតំណពូជ ស្ថានភាពសុខភាព និងអាយុជាដើម។ 

ការបង្ការ៖

ពិគ្រោះ និងលេបថ្នាំតាមវេជ្ជបញ្ជារបស់គ្រូពេទ្យ។
ការពារស្បែករបស់អ្នកពីភាពត្រជាក់ ឬការផ្លាស់ប្តូរសីតុណ្ហភាពភ្លាមៗ។
ប្រសិនបើអ្នកនឹងទៅ ហែលទឹក សូមធ្វើការជ្រលក់ដៃរបស់អ្នកទៅក្នុងទឹកជាមុនសិន ហើយរង់ចាំមួយសន្ទុះ ថាតើអ្នកមានប្រតិកម្មឬអត់។
ជៀសវាងអាហារត្រជាក់ និងភេសជ្ជៈ ដែលដាក់ទឹកកក។
ស្លៀកពាក់ខោអាវក្រាស់ៗ ជិតៗ នៅ ពេលអាកាសធាតុចុះត្រជាក់។

សូមចូលទស្សនារូបភាពខាងក្រោម៖