កម្មវិធីវះកាត់ដោយសុវត្ថិភាពឆ្នាំ២០២០ បានជួយដល់កម្ពុជាក្នុងការពង្រឹងនូវសមត្ថភាពវះកាត់ និងសមត្ថភាពនានារបស់ខ្លួន!

រាជធានីភ្នំពេញ៖ ថ្ងៃទី ១៤ ខែធ្នូ ឆ្នាំ២០២១ គ្រូពេទ្យផ្នែកវះកាត់ គ្រូពេទ្យទូទៅ  និងគិលានុបដ្ឋាយិកាកម្ពុជា ជិត ៩០០ នាក់ បានពង្រឹងនូវជំនាញផ្នែកវះកាត់ ការប្រើប្រាស់ថ្នាំសណ្តំ នីតិវិធីនៃជំនាញវះកាត់សម្រាលកូន និងជំនាញជាច្រើនទៀតឲ្យកាន់តែប្រសើរឡើង តាមរយៈការបណ្តុះបណ្តាលពីកម្មវិធីវះកាត់ដោយសុវត្ថិភាពឆ្នាំ២០២០ ដែលបានបញ្ចប់រួចរាល់កាលពីខែឧសភាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កម្មវិធីវះកាត់ដោយសុវត្ថិភាពឆ្នាំ២០២០ ត្រូវបានបង្កើតឡើងក្នុងឆ្នាំ២០១៥ ជាផ្នែកមួយនៃការប្តេជ្ញារបស់មូលនិធិក្រុមហ៊ុន GE ដែលបានផ្តល់ជាទឹកប្រាក់ចំនួន ២៥លានដុល្លារសហរដ្ឋអាមេរិក ក្នុងគោលបំណងពន្លឿននូវ​សេវាវះកាត់ និងការប្រើប្រាស់ថ្នាំសណ្តំប្រកបដោយសុវត្ថិភាពនៅទូទាំងពិភពលោក។ កម្មវិធីនេះត្រូវបានដាក់ឱ្យដំណើរការនៅក្នុងប្រទេសកម្ពុជាកាលពីដើមឆ្នាំ២០១៩ ដើម្បីជួយប្រទេសក្នុងការពន្លឿននូវការអភិវឌ្ឍលើសមត្ថភាពវះកាត់ និងសមត្ថភាពនានារបស់ខ្លួនឱ្យបានឆាប់រហ័ស។

ប្រទេសកម្ពុជា គឺជាប្រទេសដែលមានអាទិភាពខ្ពស់សម្រាប់កម្មវិធីវះកាត់ដោយសុវត្ថិភាពឆ្នាំ២០២០ ពីព្រោះប្រទេសនេះស្ថិតក្នុងចំណោមប្រទេស ដែលមានចំណាត់ថ្នាក់ទាបបំផុតក្នុងក្របខណ្ឌនៃនិតិវិធីវះកាត់ក្នុងចំណោមប្រជាជន ១០០,០០០នាក់ គឺមានត្រឹមតែ ៤១៩នាក់ប៉ុណ្ណោះ។ ខណៈពេលដែលនៅសហរដ្ឋអាមេរិកមានចំនួនជាមធ្យមនេះលើសពី ២១,០០០ នាក់។

ស្របតាមគោលដៅគម្រោង កម្មវិធីវះកាត់ដោយសុវត្ថិភាពឆ្នាំ២០២០ បានជួយលើកកម្ពស់ជំនាញដល់បុគ្គលិកផ្នែកវះកាត់នៅទូទាំងប្រទេសកម្ពុជា ព្រមទាំងគាំទ្រដល់កិច្ចខិតខំប្រឹងប្រែងរបស់ក្រសួងសុខាភិបាលក្នុងការពង្រឹងប្រព័ន្ធវះកាត់ និងអភិវឌ្ឍលើដំណោះស្រាយតាមមាត្រដ្ឋានដែលបានកំណត់ ដើម្បីជម្នះលើបញ្ហាប្រឈមនានា។​

លោកវេជ្ជបណ្ឌិត ​ខាត់ ភូ ប្រធានផ្នែកប្រព័ន្ធសសៃប្រសាទនិង ប្រព័ន្ធរំលាយអាហារ នៅមន្ទីរពេទ្យខេត្តកំពង់ចាមបានថ្លែងថា៖

លើសពីនោះលោកវេជ្ជបណ្ឌិត ​ខាត់ ភូ បានថ្លែងថា៖

យោងតាមលោក David Barash ជានាយកប្រតិបត្តិមូលនិធិ GE បានមានប្រសាសន៍ថា៖

លោកវេជ្ជបណ្ឌិត Barash ក៏បានបន្ថែមទៀតថា៖

លោកវេជ្ជបណ្ឌិត Barash បានមានប្រសាសន៍ថា៖

លោកស្រី Cheri Reynolds នាយកផ្នែកសុខភាពពិភពលោកនៃអង្គការ Assist International បានមានប្រសាសន៍ថា៖

កម្មវិធីបណ្តុះបណ្តាលផ្នែកវះកាត់ដោយសុវត្ថិភាពឆ្នាំ២០២០ ចំនួន ៨ដង ត្រូវបានដំណើរការក្នុងឆ្នាំ២០១៩ ដោយធ្វើការផ្តោតលើសូចនាករលទ្ធផលសំខាន់ៗ ដូចជាភាពជាអ្នកដឹកនាំ និងការណែនាំ ការបណ្តុះបណ្តាលសម្រាប់ គ្លីនិក ការប្រើប្រាស់ថ្នាំសណ្តំប្រកបដោយសុវត្ថិភាព ការសម្លាប់មេរោគលើសម្ភារបរិក្ខារ វិស្វកម្មជីវវេជ្ជសាស្ត្រ   ការណែនាំអំពីការថតឆ្លុះអេកូ និងវគ្គបណ្តុះបណ្តាលវះកាត់តាមរយៈកម្មវិធីទូរស័ព្ទ (Touch Surgery App Training)។ ខាងក្រោមនេះជាកម្មវិធីសង្ខេប៖

· វគ្គបណ្តុះបណ្តាលវះកាត់ដែលសិក្សាតាមរយៈកម្មវិធីទូរស័ព្ទទាក់ទងនឹងការប្រើប្រាស់កម្មវិធីទូរសព្ទដៃដើម្បីបង្រៀនពីការរៀបចំវះកាត់ នីតិវិធីថ្មីៗ និងការធ្វើតេស្ត។ ដោយសារការផ្ទុះរីករាលដាលនៃជម្ងឺកូវីដ នៅដើមឆ្នាំ២០២០ ការដាក់ឱ្យប្រើបច្ចេកវិទ្យាណែនាំសន្និសីទតាមវីដេអូ និងការណែនាំតាមប្រព័ន្ធអេឡិចត្រូនិកដែលបានភ្ជាប់ទំនាក់ទំនងជាមួយបុគ្គលិកមន្ទីរពេទ្យ និងគ្រូពេទ្យជាង ៧៥០នាក់ នៅ ៦០កន្លែងនៅទូទាំងប្រទេស។

· សវនកម្មគម្រោងពង្រឹងសមត្ថភាពជុំវិញការវះកាត់ (Perioperative Enhancement Project) ក៏ត្រូវបានដំណើរការផងដែរដើម្បីកំណត់ពីសម្ភារៈបរិក្ខារ និងការបណ្តុះបណ្តាលដែលត្រូវការបន្ទាន់បំផុត។ មានគ្រូពេទ្យចំនួន ២៧រូប បានទទួលការបណ្តុះបណ្តាលនៅតាមមណ្ឌលចំនួន ៧កន្លែង និងមានកញ្ចប់បរិក្ខារសម្រាប់បន្ទប់វះកាត់ចំនួន៧ ត្រូវបានដំឡើងនៅតាមមន្ទីរពេទ្យទាំង៧នោះ។

· ខណៈមន្ទីរពេទ្យកាល់ម៉ែតដើរតួនាជាទីស្នាក់ការកណ្តាលរបស់កម្មវិធីនេះ មានមន្ទីរពេទ្យខេត្តចំនួន៥ និងមន្ទីរពេទ្យជាតិចំនួន២ (មន្ទីរពេទ្យបង្អែកជ័យជំនះ មន្ទីរពេទ្យបង្អែកខេត្តកំពង់ចាម មន្ទីរពេទ្យបង្អែខេត្តកំពង់ស្ពឺ មន្ទីរពេទ្យបង្អែកខេត្តតាកែវ មជ្ឈមណ្ឌលជាតិគាំពារមាតា និងទារក និងមន្ទីរពេទ្យមិត្តភាពខ្មែរ-សូវៀត) បានចូលរួមក្នុងកម្មវិធីដែលបានផ្តួចផ្តើមនេះផងដែរ។

ការវះកាត់សុវត្ថិភាពឆ្នាំ 2020 គឺជាកម្មវិធីពហុសមាសភាគដែលបានចាប់ផ្តើមនៅក្នុងឆ្នាំ ២០១៥ហើយបានស្វែងរកគំរូច្នៃប្រឌិតសម្រាប់ពង្រីកការថែទាំវះកាត់ប្រកបដោយសុវត្ថិភាព។ ក្នុងរយៈពេលប្រាំឆ្នាំ ការវះកាត់ប្រកបដោយសុវត្ថិភាពឆ្នាំ​២០២០ បានជះឥទ្ធិពលដល់មនុស្សរាប់សិបលាននាក់ តាមរយៈការសហការជាមួយមូលនិធិ អង្គការមិនរកប្រាក់ចំណេញ ស្ថាប័នអប់រំ និងរដ្ឋាភិបាលក្នុងតំបន់ ដែលចង់ធ្វើឱ្យការវះកាត់មានសុវត្ថិភាព តម្លៃសមរម្យ និងអាចចូលដំណើរការបាននៅទូទាំងពិភពលោក។ កម្មវិធីវះកាត់សុវត្ថិភាពឆ្នាំ ២០២០ ត្រូវបានអនុវត្តនៅក្នុងប្រទេសចំនួនបី៖ អេត្យូពី តង់ហ្សានី និងកម្ពុជា៕

ស្វែងយល់បន្ថែមនៅ  www.safesurgery2020.org។

សម្រាប់ការសាកសួរព័ត៌មានផ្សេងៗ សូមទំនាក់ទំនងទៅកាន់៖
លោកស្រី​ លឹម ស៊ាងហេង                             
Two Way Public Relations    
ទូរសព្ទលេខ៖ +៨៥៥ ៦៩ ​៧៧៣​ ៩៦១                       
អ៊ីម៉ែល៖[email protected]