មិនធម្មតាថ្ងៃទី១មង្គលការ នៅ ស៊ីនឿន ភ្ញៀវចូលរួមសុទ្ធតែលំដាប់អភិជន

ភ្នំពេញ៖ ពិតណាស់ ពិធីមង្គលការរបស់តារាចម្រៀងប្រុស លោក នៅ ស៊ីនឿន បានប្រារព្ធឡើងនៅថ្ងៃនេះជាថ្ងៃទី១ នៅឯសណ្ឋាគារលំដាប់ផ្កាយ៥ ភ្នំពេញ សូហ្វីតែល ដែលធ្វើឲ្យមហាជនអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីលោកទើបតែបានថតPre-wedding ថ្ងៃមុនសោះ ពេលនេះស្រាប់តែចូលរោងជ័យបាត់។

ជាមួយគ្នានេះ គេសង្គេតឃើញថា ពិធីមង្គលការតារាចម្រៀងប្រុសរូបនេះបានធ្វើឡើងយ៉ាងអធិកអធម ធំដុំមិនធម្មតា ដោយគ្រាន់តែព្រឹកថ្ងៃទី១ គេសង្គេតឃើញមានភ្ញៀវកិត្តិយសចូលរួមសុទ្ធតែលំដាប់កំពូលៗ ដូចជា លោកជំទាវកិត្តិសង្គហបណ្ឌិត ម៉ែន សំអន លោក ជំទាវ ហ៊ុន ស៊ីណាត និងកំពូលតារាចម្រៀង ឱក សុគន្ធកញ្ញា ពិធីការិនី កែវ ចាន់និមល លោក នី រតនា ក៏ដូចជាតារាល្បីៗប្រចាំប្រទេសកម្ពុជាជាច្រើនទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា មុននឹងឈានដល់ថ្ងៃមង្គលការ តារាចម្រៀងលោក នៅ ស៊ីនឿន តែងតែបានបង្ហាញរូបភាពស្វីតៗជាមួយគូស្នេហ៍យ៉ាងផ្អែមល្ហែម សមជាគូព្រេងពិតៗតែម្តង៕  

សូមទស្សនារូបភាពខាងក្រោម៖

• នៅ ស៊ីនឿន
• តារាខ្មែរ