បរទេស៖ គំរូរថយន្ត SUV អគ្គិសនី BMW Flow អាចផ្លាស់ប្ដូរពណ៌បាន ពេលចុចប៊ូតុង ដោយចាប់ផ្ដើមពីពណ៌សទៅពណ៌ប្រផេះឬខ្មៅ ហើយសារឡើងវិញម្ដងទៀត ក្នុងរយៈពេលខ្លី។ វិធីនេះមិនត្រូវបានធ្វើឡើង ដោយការលាបពណ៌ថ្នាំទាល់តែសោះ ប៉ុន្តែមានការកាត់រុំ ដែលបង្កើតឡើងយ៉ាងពិសេស ដើម្បីធ្វើឲ្យសមស្របនឹងបន្ទះតួរថយន្ត SUV។
ការរុំបានប្រើបច្ចេកវិទ្យា e-ink ដែលឃើញមាននៅក្នុងឧបករណ៍អានអេឡិចត្រូនិច។ បន្ទះពណ៌ត្រូវបានកាត់យ៉ាងជាក់លាក់ ដើម្បីធ្វើឲ្យស៊ីគ្នានឹងរូបរាងបន្ទះតួរថយន្ត SUV ហើយបន្ទាប់មកខ្សែភ្លើងត្រូវបានភ្ជាប់ ទៅផ្នែកនីមួយៗ។ ផ្ទៃបន្ទះមានកន្សោមតូចៗរាប់លាន ដែលនីមួយៗមានបន្ទុកអវិជ្ជមានពណ៌ស និងបន្ទុកវិជ្ជមានពណ៌ខ្មៅ។ ចរន្តអគ្គិសនីនាំសារធាតុពណ៌មួយ ឬសារធាតុពណ៌ផ្សេងទៀតទៅលើផ្ទៃ បង្កើតបានរាងបែបស្រមោល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅពេលដែលការផ្លាស់ប្ដូរពណ៌ត្រូវបានបញ្ចប់ បន្ទះទាំងនេះនឹងរក្សា tone របស់វា ដោយមិនចាំបាច់មានបន្ទុកអគ្គិសនីទៀតទេ។ រថយន្ត SUV នេះអាចប្ដូរពណ៌មួយទាំងស្រុង ឬពណ៌ផ្សេងៗទៅតាមផ្នែក។ សូម្បីតែកង់ក៏អាចផ្លាស់ប្ដូរពណ៌បានដែរ។ លោក Adrian van Hooydonk ប្រធានផ្នែកឌីហ្សាញរបស់ BMW បានរៀបរាប់អំពីបច្ចេកវិទ្យា BMW iX Flow នេះថា ជាគម្រោងស្រាវជ្រាវនិងរចនាកម្រិតខ្ពស់។
ក្រុមហ៊ុន BMW មិនបានប្រកាសពីគម្រោងនាំយកបច្ចេកវិទ្យាប្រភេទនេះ ទៅផលិតរថយន្តឡើយ។ ប្រសិនបើផលិតវាចេញ ការចំណាយលើការជួសជុលការខូចខាតលើតួខ្លួន អាចនឹងប៉ះពាល់ដល់ឥទ្ធិពលការប្ដូរពណ៌ដែរ៕
ប្រភព: CNN
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យានជំនិះ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]