សាមញ្ញ តែមិនធម្មតា វណ្ណដា ដឹកដៃគូស្នេហ៍ចូលរោងការរបស់បងប្រុសយ៉ាងសង្ហារ

កម្សាន្ត៖ ប្រិយមិត្តច្បាស់ជាបានជ្រាបហើយថា តារារ៉េបដ៏ល្បីល្បាញដែលជាគ្រាប់ពេជ្រកម្ពុជា លោក វណ្ណដា មានបងប្រុសម្នាក់ ឈ្មោះថា ម៉ាន់ វណ្ណឌី ដែលថ្ងៃនេះផងដែរ គឺជាថ្ងៃមង្គលការរបស់លោក។ ជាពិសេស មុនថ្ងៃការមួយថ្ងៃ វណ្ណដា បានបង្ហាញការអបអរទៅកាន់បងប្រុសរបស់លោកយ៉ាងកក់ក្ដៅផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រឡេកមកមើលថ្ងៃមង្គលការក្នុងថ្ងៃនេះផ្ទាល់ ដែលត្រូវនឹងថ្ងៃទី២៥ ខែមេសា​ ឆ្នាំ២០២៤ គេឃើញអ្នកលេងបណ្ដាញសង្គមបានបង្ហោះរូប លោក វណ្ណដា ក្នុងឈុតបុរាណ ពណ៌ទឹកប៊ិច យ៉ាងសង្ហារ អង្គុយក្នុងរោងការ និយាយលេងជាមួយញាតិមិត្តមីងៗ។

មិនតែប៉ុណ្ណោះ វណ្ណដា បានបង្ហាញខ្លួនយ៉ាងសាមញ្ញ ជាមួយនឹងគូស្នេហ៍របស់លោក កញ្ញា ឡូរិន ដែលរូបនាងក៏តុបតែងខ្លួនយ៉ាងសាមញ្ញដែរ។ ជាមួយគ្នានេះ អ្នកលេងបណ្ដាញសង្គមហ្វេសប៊ុក​ ក្រោយពីឃើញរូបភាពទាំងនេះហើយ ក៏បានចូលខមិនសរសើរគ្រប់ៗគ្នា៕

ប្រភព៖ ម៉ាណា មង្គល សំអាងការ

• វណ្ណដា
• រូបភាព
• តារាខ្មែរ