ក្រោយSmallworld Small band បានរំសាយក្រុម អតីតសមាជិក ម៉ម ពេជ្ជរិទ្ធ ចេញបទថ្មី សម្លេងប្លែកជាងមុន (មានវីដេអូ)

ភ្នំពេញ៖ កន្លងមកប្រមាណជាប៉ុន្មានខែមុននេះ ក្រុមចម្រៀង Small World Small Band បានសម្រេចចិត្តរំសាយក្រុម ដោយសមាជិកទាំងអស់សម្រេចចិត្តបំបែកគ្នាទៅធ្វើបទចម្រៀងទោលរៀងៗខ្លួនវិញម្តង។

ដោយឡែក ក្រោយពីបានសម្រាកមួយរយៈរួចមក អតីតសមាជិកក្រុមចម្រៀងរូបនេះ លោក ម៉ម ពេជ្ជរិទ្ធ ក៏បានចេញបទថ្មីមួយមានចំណងជើងថា ខូចចិត្តដ្បិតព្រាត់អូន ដែលជាស្នាដៃមរតកចម្រៀងសម័យមុន លោក មាស ម៉េងហ៊ាង មកច្រៀងឡើងវិញផងដែរ ដោយលោកក៏បានពោលពាក្យយ៉ាងដូច្នេះដែរ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាលើកដំបូងបំផុតដែលខ្ញុំបាទលើកយកមរតកចម្រៀងសម័យមុនច្រៀងទុកជាបទពិសោធន៍ និង ជូនបងប្អូនស្តាប់កំសាន្ត ។
ខ្ញុំបាទជាសិល្បកជំនាន់ក្រោយសូមសំពះគោរពដល់ លោកតា មាស ម៉េងហ៊ាង ដែលត្រូវជា ប្អូនប្រុសបង្កើត នៃ លោកតា មាស ហុកសេង និងវីរ:សិល្បករនាសម័យមុនដែលរួមចំណែកក្នុងចម្រៀងបទ ខូចចិត្តដ្បិតព្រាត់អូន នេះ ចៅសូមគោរពអស់ពេញមួយជីវិតនៃចៅដែល លោកតាបានបន្សល់នូវចម្រៀងដ៏សែនមានន័យនិងពីរោះជាខ្លាំងគ្មានថ្ងៃសាបសូន្យពីក្រអៅបេះដូងចៅហើយអាចឱ្យចៅរៀនសូត្រក្បួននៃការនិពន្ធនិងច្រៀងមិនចេះអស់មិនចេះហើយ ។ ក៏សូមអភ័យទោសនិងសូមអធ្យាស្រ័យដល់ សិល្បកររៀមច្បងទាំងអស់បើមានកំហុសខុសឆ្គងត្រង់ណាមិនសមរម្យ ហើយ ខ្ញុំបាទ សូមអរគុណអស់ពីដួងចិត្តដែល សិល្បកររៀមច្បងទាំងអស់បានរក្សារនូវចម្រៀងនេះឱ្យបានបន្សល់មកដល់ជំនាន់ប្អូន សូមទទួលសេចក្តីគោរពពីខ្ញុំបាទ ជាប្អូន ជាចៅ ជាសិល្បករជំនាន់ថ្មី វ័យនៅខ្ចី សូមអរគុណ និងសូម រីករាយស្តាប់កំសាន្ត ។

លោក ម៉ម ពេជ្ជរិទ្ធ

យ៉ាងណាមិញ ក្នុងបកស្រាយបទចម្រៀងបទ ខូចចិត្តដ្បិតព្រាត់អូន ធ្វើឱ្យទស្សនិកជនជាច្រើនបានសម្តែងពីការរំភើប ដែលតារាចម្រៀងសម័យថ្មីក៏អាចច្រៀងពីសម័យដើមពីរោះ គួរជាទីពេញចិត្តដូច្នេះដែរ៕

សូមចូលទស្សនារូបភាពខាងក្រោម៖

វីដេអូ

ម៉ម ពេជ្ជរិទ្ធិ

ចម្រៀង

យុវវ័យ

វីដេអូ

តារាខ្មែរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ម៉ម ពេជ្ជរិទ្ធិ