ណាត់គ្នាទេដឹង! តារាស្រីស៊ិចស៊ីទាំង២រូបនេះ សម្រេចចិត្តមានផ្ទៃពោះ មុនរៀបការ

ភ្នំពេញ៖ អាចនិយាយបានថាច្រើនឆ្នាំកន្លងមកហើយ ដែលអតីតតារាសម្ដែងស្រីស៊ិចស៊ី សាច់សខ្ចីអ្នកនាង ដេននី ក្វាន់ និងអ្នកនាង បេនី យុាំង ឈប់ទទួលការងារថត លែងបង្ហាញមុខក្នុងវិស័យសិល្បៈដូចមុន ក៏ព្រោះតែតារាទាំងពីរូបនេះ បានបើកនូវមុខជំនួញត្រូវការគ្រប់គ្រងការងារដោយខ្លួនឯង។ ម្យ៉ាងវិញទៀត ស្របពេលដែលបើកមុខរបររកស៊ី គេដឹងថាមានភាពជោគជ័យខ្លាំង បន្ទាប់ពីទទួលបានអតិថិជនច្រើនគាំទ្រជាបន្តបន្ទាប់។ 

ក្នុងនោះដែរ បើក្រឡេកមើលជីវិតឯកជនអ្នកនាង ដេននី ក្វាន់ និងអ្នកនាង បេនី យុាំង គេដឹងថាជីវិតរស់នៅសព្វថ្ងៃរបស់អ្នកទាំងពីរពិតជាមានជីវភាពល្អ ប្រើជីវិតរស់នៅយាយហាយសូរ ខណៈមុខជំនួញជោគជ័យ ស្នេហាក៏សមតាមបំណងទៀតផង។ មិនតែប៉ុណ្ណោះ គេឃើញអ្នកទាំងពីរតែងតែប្រើជីវិតធ្វើការជាជាងដើរកម្សាន្ត ខុសពីតារាផ្សេងៗដទៃសទៀតផងដែរ។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង អ្វីដែលគេកត់សម្គាល់ឃើញអ្នកនាង ដេននី ក្វាន់ និងអ្នកនាង បេនី យុាំង នោះគឺ ថ្មីៗនេះអ្នកទាំងពីរប្រកាសដំណឹង​ជាសាធារណៈដោយមិនលាកលៀមឡើយ ដោយអ្នកទាំងពីរកំពុងពរពោះកូនក្នុងផ្ទៃជាច្រើនខែទៅហើយ។ ប៉ុន្តែស្របពេលមានផ្ទៃពោះ គេដឹងថាតារាស្រីពីររូបនេះមិនទាន់ប្រកាសថ្ងៃរៀបការជាមួយគូស្នេហ៍នៅឡើយនោះទេ។​ ក្រោយមហាជន និងហ្វេនបានដឹងដំណឹងមួយនេះ ពួកគេបានជូនពរឲ្យតារាស្រីពីររូបនេះ និងកូនមានសុខភាពល្អគ្រប់ៗគ្នា៕ 

សូមទស្សនារូបភាពខាងក្រោម៖ 

• បេនី យ៉ាំង
• ដេននី ក្វាន់
• ផ្ទៃពោះ
• រូបភាព
• តារាខ្មែរ