ប្រើថ្នាំពន្យារកំណើតបន្ទាន់ អាចផ្ដល់ផលប៉ះពាល់ ៤យ៉ាងនេះ!

ការប្រើថ្នាំពន្យារកំណើតបន្ទាន់ ជាជម្រើសតែមួយគត់ ដើម្បីបញ្ចៀសការមានផ្ទៃពោះដោយចៃដន្យ នៅពេលដែលយើងខកខានមិនបានប្រើស្រោមអនាម័យ ឬវិធីសាស្ត្រពន្យារកំណើតដទៃទៀត។ យ៉ាងណាមិញ តើថ្នាំពន្យារកំណើតបន្ទាន់ មានសុវត្ថិភាពចំពោះគ្នាយើងដែរឬអត់?

១. ប្រែប្រួលវដ្ដរដូវ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផលប៉ះពាល់ទូទៅបំផុតនៃការប្រើថ្នាំពន្យារកំណើតបន្ទាន់ មិនថាប្រើលើកដំបូង ឬប្រើច្រើនលើកនោះទេ យើងអាចប្រឈមនឹងការប្រែប្រួលវដ្ដរដូវ។ បញ្ហានេះកើតឡើងដោយសារតែថ្នាំពន្យារកំណើតបន្ទាន់ផ្ទុកសារធាតុដែលរារាំងអ័រម៉ូនភេទស្រី និងការពារការបញ្ចេញពងអូវុល។ អាស្រ័យតាមស្ថានភាពសុខភាពស្រីៗយើង វដ្ដរដូវខ្លះអាចមកយឺត ឬលឿនជាងធម្មតា។ ក្នុងករណីវដ្ដរដូវមកយឺតប្រហែល១សប្ដាហ៍ យើងគួរពិគ្រោះជាមួយគ្រូពេទ្យ និងប្រើតេស្តពិនិត្យផ្ទៃពោះ ឬតេស្តឈាម ដើម្បីដឹងថាយើងមានផ្ទៃពោះឬអត់។

២. ការធ្លាក់ឈាមតាមស្បូនមិនធម្មតា

ទន្ទឹមនឹងនេះដែរ មានស្រីៗជាច្រើនប្រឈមនឹងការធ្លាក់ឈាម ក្រោយប្រើថ្នាំពន្យារកំណើតបន្ទាន់ ដែលនេះជាផលប៉ះពាល់ដ៏ចម្បងមួយ។ យ៉ាងណាមិញ គ្នាយើងមិនគួរបារម្ភពេកឡើយ ពីព្រោះករណីនេះមិនប៉ះពាល់សុខភាពធ្ងន់ធ្ងរឡើយ។ ប៉ុន្តែ បើយើងធ្លាក់ឈាមលើសពី២ថ្ងៃ ក្រោយប្រើថ្នាំពន្យារកំណើតបន្ទាន់ យើងគួរទៅជួបគ្រូពេទ្យ ដើម្បីធ្វើការព្យាបាល ពីព្រោះវាអាចជាសញ្ញាព្រមាននៃបញ្ហាសុខភាពធ្ងន់ធ្ងរ។

៣. វិលមុខ និងក្អួត

ប្រមាណ៥០% នៃអ្នកប្រើថ្នាំពន្យារកំណើតបន្ទាន់ អាចមានអាការៈចង្អោរ។ ផលប៉ះពាល់មួយនេះ អាចនឹងបាត់ទៅវិញក្រោយរយៈពេល ១ទៅ ២សប្ដាហ៍ ឬអាចឆាប់រហ័សជាងនេះ។ ប៉ុន្តែ បើអាការៈចង្អោរនៅតែបន្ត គ្នាយើងគួរផ្លាស់ប្ដូររបបអាហារ ទើបជាការប្រសើរ។

៤. អស់កម្លាំង

មួយវិញទៀត ការប្រើថ្នាំប្រភេទនេះក៏អាចធ្វើឲ្យយើងអស់កម្លាំងដូចគ្នា។ ជាទូទៅ ស្ត្រីដែលទើបប្រើថ្នាំពន្យារកំណើតបន្ទាន់ជាលើកដំបូង អាចមានអារម្មណ៍នឿយហត់នៅពេលព្រឹកព្រលឹម។ ប៉ុន្តែ អាការៈនេះនឹងបាត់ទៅវិញក្នុងរយៈពេល១ថ្ងៃ ឬ២ថ្ងៃប៉ុណ្ណោះ។

បន្ថែមពីនេះ ការប្រើថ្នាំពន្យារកំណើតបន្ទាន់ក៏អាចមានផលប៉ះពាល់ផ្សេងទៀត ដូចជាតឹងក្នុងទ្រូង ឈឺក្បាល ចំណង់ផ្លូវភេទធ្លាក់ចុះ និងឈឺពោះផ្នែកខាងក្រោមផងដែរ។

ផលប៉ះពាល់រយៈពេលវែងនៃការប្រើថ្នាំពន្យារកំណើតបន្ទាន់

ថ្នាំពន្យារកំណើតបន្ទាន់ អាចប្រើបានតែចំពោះស្ត្រីដែលមានសុខភាពល្អប៉ុណ្ណោះ និងមិនគួរប្រើច្រើនជាង២ដងក្នុងមួយខែឡើយ។ ការប្រើថ្នាំប្រភេទនេះលើសកម្រិត អាចបណ្ដាលឲ្យមានផលប៉ះពាល់ និងផលវិបាករយៈពេលវែង ដែលរួមមាន៖

ឡើងទម្ងន់
ជំងឺផ្លូវដង្ហើម
បង្កជាជំងឺបាក់ទឹកចិត្ត
ជំងឺលើសសម្ពាធឈាម
ក្នុងករណីកម្រខ្លះ អតុល្យភាពអ័រម៉ូនដែលបណ្ដាលមកពីប្រើថ្នាំពន្យារកំណើតបន្ទាន់ អាចនាំឲ្យមានបញ្ហាថង់ទឹកប្រមាត់។
ស្ត្រីខ្លះទៀត អាចមានដុំគីសក្រពេញអូវែ អំឡុងពេលប្រើប្រាស់ថ្នាំ
ការមានកូនក្រៅស្បូន។

អ្នកណាខ្លះមិនគួរប្រើថ្នាំពន្យារកំណើតបន្ទាន់?

អ្នកជំនាញបានណែនាំថា អ្នកដែលមានបញ្ហាកំណកឈាម គីសទឹកក្រពេញអូវែ (PCOS) សម្ពាធឈាមខ្ពស់ ឬមានជំងឺបាក់ទឹកចិត្តមិនគួរប្រើថ្នាំពន្យារកំណើតបន្ទាន់នេះឡើយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ប្រើ​ថ្នាំ​ពន្យារ​កំណើត​បន្ទាន់ អាច​​ផ្ដល់​ផល​ប៉ះពាល់​ ៤​យ៉ាង​នេះ!

១. ប្រែប្រួល​វដ្ដ​រដូវ​

២. ​ការ​​ធ្លាក់​​ឈាម​តាម​​ស្បូន​មិន​ធម្មតា

៣. វិល​មុខ​ និង​ក្អួត​

៤. អស់​កម្លាំង

ផល​ប៉ះពាល់​រយៈពេល​វែង​នៃ​ការ​ប្រើ​ថ្នាំ​ពន្យារ​កំណើត​បន្ទាន់​

អ្នក​ណា​ខ្លះ​​មិន​គួរ​ប្រើ​ថ្នាំ​ពន្យារ​កំណើត​បន្ទាន់?​

In Case You Missed It