ម៉ាក់ៗធ្លាប់ដឹងអត់ ហើមជើងពេលពពោះអាចជាសញ្ញាអាសន្ន ឬអត់?

អំឡុងពេលពពោះ រាងកាយរបស់ម៉ាក់ៗនឹងមានការផ្លាស់ប្ដូរច្រើន ហើយជួនកាលអាចនឹងជួបបញ្ហាហើមកជើង ឬជើង ធ្វើឲ្យពិបាកដើរ ឬផ្ដល់អារម្មណ៍មិនស្រណុកដល់ម៉ាក់ៗ។ ការហើមជើងអំឡុងពេលពពោះជារឿងធម្មតា ឬជារឿងម៉ាក់ៗគួរបារម្ភ?

វាជារឿងធម្មតាទេដែលស្ត្រីមានបញ្ហាហើមក្នុងពេលមានផ្ទៃពោះ ជាពិសេសនៅលើ កជើង ជើង និងម្រាមដៃ។ មន្ទីរពេទ្យ កាល់ម៉ែត ឲ្យដឹងថា បញ្ហាហើមជើងអំឡុងពេលពពោះ ឬហើមត្រង់ផ្នែកណាមួយលើរាងកាយអំឡុងពេលនេះអាចកើតឡើងបានដោយមូលហេតុដូចជា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

– លើសជាតិទឹកបណ្ដាលមកពីបម្រែបម្រួលអ័រម៉ូនអំឡុងពេលមានផ្ទៃពោះ– ការសង្កត់ទៅលើសរសៃឈាមធំៗរបស់អាងត្រគាកដោយទម្ងន់កាន់តែធ្ងន់របស់ស្បូន ដែលធ្វើឲ្យលំហូរឈាមពីចុងជើងត្រលប់មកបេះដូង យឺតជាងធម្មតានិងចាល់ឈាមបង្កជាការហើមជើង។ ដោយហេតុផលនេះ ការហើមភាគច្រើនកើតមាននៅអំឡុងត្រីមាសទី៣នៃការពពោះ ចំពោះស្ត្រីមានទឹកភ្លោះច្រើន ឬពពោះកូនភ្លោះ– កង្វះជាតិអាល់ប៊ុយមីន ដែលអាចបណ្ដាលមកពីបាត់ជាតិសាច់តាមទឹកនោម (ជំងឺទឹកនោមប្រៃ)– ជំងឺខ្សោយតម្រងនោម ឬខ្សោយបេះដូង។

សញ្ញាអាសន្ននៃការហើមជើងពេលពពោះ

នៅពេលស្ត្រីមានផ្ទៃពោះហើមជើងបូករួមនឹងសញ្ញាមួយចំនួនរួមមាន៖

លើសសម្ពាធឈាម
ហត់ដង្ហក់
ទឹកនោមតិច
ជើងឡើងក្រហមហើយឈឺ។

ចំពោះការហើមជើងពេលពពោះជាសញ្ញាអាសន្ន ស្ត្រីគួរទៅជួបគ្រូពេទ្យជំនាញឲ្យបានលឿន ដើម្បីវិភាគរកមូលហេតុច្បាស់លាស់ និងរកវិធីព្យាបាលត្រឹមត្រូវ។ ជួនកាល ការហើមជើងពេលពពោះអាចជាសញ្ញានៃជំងឺបម្រុងក្រឡាភ្លើងក៏ថាបាន។ ផ្ទុយទៅវិញ ប្រសិនបើគ្រាន់តែជាការហើមជើងធម្មតាទេនោះ ម៉ាក់ៗអាចសម្រួលអាការៈហើមជើងអំឡុងពេលពពោះបានដោយ៖

១. គេងផ្អៀងទៅខាងឆ្វេង ដើម្បីកាត់បន្ថយការសង្កត់របស់ស្បូនទៅលើសរសៃឈាមធំៗ។
២. ដាក់ជើងឲ្យខ្ពស់ គ្រប់ពេលដែលអាចធ្វើបានដូចជា ពេលធ្វើការ ឬពេលគេង ឬតម្រង់ជើងឲ្យបានញឹកញាប់ពេលអង្គុយលេង។
៣. ចៀសវាងអង្គុយគងអន្ទាក់ខ្លាយូរ។
៤. ឧស្សាហ៍ផ្លាស់ប្ដូរឥរិយាបថ ឬដើរហាត់ប្រាណ ដើម្បីជួយចលនាឈាមហូរបានល្អ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ម៉ាក់ៗធ្លាប់ដឹងអត់ ហើមជើងពេលពពោះអាចជាសញ្ញាអាសន្ន ឬអត់?

សញ្ញា​អាសន្ន​នៃ​ការ​ហើម​ជើង​ពេល​ពពោះ

In Case You Missed It

សញ្ញាអាសន្ននៃការហើមជើងពេលពពោះ