រោគសញ្ញាវីរុសអូមីក្រុង ២អាចលេចចេញ សូម្បីកំពុងញ៉ាំអាហារក៏អាចមើលដឹង!

ចក្រភពអង់គ្លេស បានរកឃើញថា អ្នកដែលឆ្លងវីរុសអូមីក្រុងលេចចេញនូវរោគសញ្ញាទាក់ទងនឹងប្រព័ន្ធរំលាយអាហារច្រើនរួមមាន រាករុស ឬឈឺចុកពោះ និងមានអារម្មណ៍មិនស្រួលខ្លួនជាដើម។ ក្រុមអ្នកស្រាវជ្រាវ ZOE Covid Study ជឿជាក់ថា រោគសញ្ញារបស់វីរុសអូមីក្រុងមានសភាពខុសប្លែកគ្នាតិចតួចពីជំងឺកូវីដ ១៩ និងវីរុសបំប្លែងមុនៗ ត្បិតតែរោគសញ្ញាទូទៅនៅតែជាអាការៈក្ដៅខ្លួន អស់កម្លាំង និងបាត់បង់ក្លិន ឬរសជាតិ។ ចំណែកឯ រោគសញ្ញា ២ យ៉ាងរបស់វីរុសអូមីក្រុងដែលអាចលេចចេញឡើងពេលកំពុងញ៉ាំអាហារនោះគឺ បាត់បង់ចំណង់អាហារ ឬរំលងពេលអាហារ។

សេវាសុខភាពជាតិរបស់ចក្រភពអង់គ្លេស (UK National Health Services) បានកត់ចំណាំទុកនូវរោគសញ្ញាទូទៅថ្មី ២ ខាងលើនេះ និងបានឲ្យដឹងថា មនុស្សមួយចំនួនធំទទួលបានរោគសញ្ញាបាត់បង់ចំណង់អាហារ ឬញ៉ាំអាហារបានតិចជាងមុនពេលកំពុងឈឺដោយសារជំងឺកូវីដ ១៩ និងក្រោយពេលជាសះស្បើយបានមួយរយៈ។ NHS បានណែនាំឲ្យអ្នកជំងឺចេញរោគសញ្ញាទាំង២ខាងលើ (បាត់បង់ចំណង់អាហារ ឬរំលងពេលអាហារ) ឃ្លាំមើលទម្ងន់របស់ខ្លួនឲ្យបានដិតដល់ និងតាមដានសញ្ញាស្រកទម្ងន់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រោគសញ្ញាដទៃត្រូវប្រយ័ត្ន

រោគសញ្ញាចាស់ៗដូចជាបាត់បង់ក្លិន ឬរសជាតិ និងពិបាកដកដង្ហើមកម្រនឹងកើតឡើងណាស់ក្នុងករណីឆ្លងវីរុសអូមីក្រុង។ ដោយសារហេតុផលនេះហើយ ទើបមនុស្សភាគច្រើនគិតថា វីរុសអូមីក្រុងមិនសូវបង្កហានិភ័យឲ្យធ្លាក់ខ្លួនឈឺធ្ងន់ធ្ងរដូចវីរុសកូរ៉ូណា ឬវីរុសបំប្លែងមុនៗ។ ទោះយ៉ាងណាក៏ដោយ ដូចនឹងអ្នកជំនាញជាច្រើនតែងព្រមានអ៊ីចឹង យើងគ្រប់គ្នាមិនត្រូវធ្វេសប្រហែសឡើយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

រោគសញ្ញាវីរុសអូមីក្រុង ២អាចលេចចេញ សូម្បីកំពុងញ៉ាំអាហារក៏អាចមើលដឹង!

រោគ​សញ្ញា​ដទៃ​ត្រូវ​ប្រយ័ត្ន

In Case You Missed It

រោគសញ្ញាដទៃត្រូវប្រយ័ត្ន