ការប្រើទូរស័ព្ទដៃច្រើនជ្រុលពេលពពោះ អាចបង្កើនហានិភ័យផ្សេងៗ ជាពិសេសគឺអាចប៉ះពាល់ដល់ការអភិវឌ្ឍខួរក្បាលរបស់ទារកតែម្ដង។ ពិតណាស់ ទន្ទឹមនឹងការរីកចម្រើននៃបច្ចេកវិទ្យា ទូរស័ព្ទដៃជះឥទ្ធិពលដ៏សម្បើមដល់ការរស់នៅប្រចាំថ្ងៃរបស់យើង។ ប៉ុន្តែ បើយើងប្រើប្រាស់មិនត្រឹមត្រូវទេនោះ ទូរស័ព្ទដៃនឹងបង្កជាបញ្ហាទៅវិញ។
ផលប៉ះពាល់នៃបច្ចេកវិទ្យាលើស្ត្រីមានផ្ទៃពោះ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រៅពីការរឹតត្បិតលើរបបអាហារប្រចាំថ្ងៃ ស្ត្រីពពោះចាំបាច់យល់ដឹងពីវិធីសាស្ត្រសុវត្ថិភាព និងការណែនាំផ្សេងៗនៃការប្រើទូរស័ព្ទដៃ ដើម្បីធានាថាគភ៌មានសុខភាពល្អ និងសម្រាលដោយរលូន។
ជាក់ស្ដែង ស្ត្រីពពោះគប្បីកាត់បន្ថយការប៉ះពាល់នឹងវិទ្យុសកម្មក្នុងរយៈពេលដ៏សំខាន់នេះ ពីព្រោះវាអាចកាត់បន្ថយហានិភ័យនៃការខូចទ្រង់ទ្រាយពីកំណើតរបស់ទារកក្នុងផ្ទៃ។ ថ្វីត្បិតតែការប៉ះពាល់នឹងវិទ្យុសកម្មក្នុងកម្រិតតិចតួច មិនបង្កជាការព្រួយបារម្ភក៏ពិតមែន ប៉ុន្តែបើម៉ាក់ៗប៉ះពាល់ក្នុងបរិមាណច្រើនជ្រុល វាអាចបង្កគ្រោះថ្នាក់ដល់ទារកដែលកំពុងលូតលាស់ ក្នុងអំឡុងពេលលូតលាស់ដំបូងរបស់កូន ជាពិសេសនៅចន្លោះសប្ដាហ៍ទី២ ទៅ១៨ នៃការពពោះ។
ទូរស័ព្ទដៃបង្កបញ្ហាអ្វីខ្លះដល់ស្ត្រីមានផ្ទៃពោះ?
ដូចគ្នានេះដែរ ការប្រើទូរស័ព្ទដៃច្រើនជ្រុល អាចនាំឲ្យម៉ាក់ៗគេងមិនលក់ និងនាំឲ្យកំហាប់ឆ្អឹង ព្រមទាំងសកម្មភាពខួរក្បាលចុះខ្សោយ។ កត្តានេះអាចនាំឲ្យមានគ្រោះថ្នាក់ដល់ការអភិវឌ្ឍខួរក្បាលទារក និងបណ្ដាលឲ្យមានបញ្ហាអាកប្បកិរិយា។ លើសពីនេះ ការប៉ះពាល់នឹងវិទ្យុសកម្ម ក៏អាចជះឥទ្ធិពលដល់សកម្មភាពខួរក្បាលរបស់ស្ត្រីពពោះដែរ ដូចជាបណ្ដាលឲ្យអស់កម្លាំង ថប់បារម្ភ និងរំខានដល់ការគេង ព្រមទាំងធ្វើឲ្យការចងចាំថយចុះ។ ជាងនេះទៅទៀត ការប៉ះពាល់នឹងវិទ្យុសកម្ម អំឡុងពេលពពោះ អាចរំខានធ្មួលរបស់រាងកាយ និងអាចបង្កើនហានិភ័យនៃជំងឺមហារីកថែមទៀតផង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
