កូនប្រឈមកើតជំងឺទឹកនោមផ្អែមខ្ពស់ បើម៉ាក់ៗធាត់ជ្រុលពេលពពោះ!

ពិតណាស់ បញ្ហាលើសទម្ងន់ ឬធាត់ជ្រុល អាចបង្កើនហានិភ័យក្នុងការកើតជំងឺទឹកនោមផ្អែមប្រភេទទី២។ ជំងឺរ៉ាំរ៉ៃមួយនេះ ត្រូវរំពឹងថានឹងអាចកើតលើមនុស្សចំនួន៦៣០លាននាក់ នៅត្រឹមឆ្នាំ២០៤៥ ហើយដើម្បីកាត់បន្ថយបញ្ហាធាត់ជ្រុល និងជំងឺទឹកនោមផ្អែមប្រភេទទី២ ស្ត្រីយើងមានតួនាទីយ៉ាងសំខាន់។

ការសិក្សាពីសាកលវិទ្យាល័យ Tohoku ប្រទេសជប៉ុន

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកវេជ្ជបណ្ឌិត Joji Kusuyama មកពីវិទ្យាស្ថាន Interdisciplinary Institute for Frontier Sciences នៃសាកលវិទ្យាល័យ Tohoku មានប្រសាសន៍ថា ហានិភ័យនៃជំងឺទឹកនោមផ្អែមអាចបន្តពីមួយជំនាន់ទៅមួយជំនាន់ទៀត។ ចំណែកឯការសិក្សាមួយចំនួនបានបង្ហាញថា ក្មេងដែលកើតពីម្ដាយដែលធាត់ជ្រុល ឬកើតជំងឺទឹកនោមផ្អែមប្រភេទទី២ ងាយនឹងកើតជំងឺទឹកនោមផ្អែមខ្ពស់ជាងក្មេងធម្មតា បើទោះបីជាមានបែបបទរស់នៅល្អក៏ដោយ។ យ៉ាងណាមិញ ដើម្បីដោះស្រាយបញ្ហានេះ ក្រុមអ្នកស្រាវជ្រាវបានណែនាំឲ្យម៉ាក់ៗដែលមានផ្ទៃពោះធ្វើលំហាត់ប្រាណឲ្យបានទៀងទាត់ ដើម្បីកាត់បន្ថយហានិភ័យនៃការកើតជំងឺទឹកនោមផ្អែមពេលពពោះ។

អត្ថប្រយោជន៍នៃលំហាត់ប្រាណអំឡុងពេលពពោះ

ជាក់ស្ដែង ការហាត់ប្រាណផ្ដល់អត្ថប្រយោជន៍ដល់ទាំងម្ដាយ និងទារក។ បើយោងតាមការសិក្សាថ្មីមួយរបស់ទស្សនាវដ្ដីJournal Diabetes លំហាត់ប្រាណអំឡុងពេលពពោះ អាចជួយជំរុញសុកឲ្យបញ្ចេញប្រូតេអ៊ីនសំខាន់ៗ SOD3 ដែលធ្វើឲ្យការធ្វើមេតាបូលីសរបស់កូនប្រសើរឡើង ក៏ដូចជាកាត់បន្ថយហានិភ័យនៃការកើតជំងឺទឹកនោមផ្អែម។

ជារួម ការធ្វើលំហាត់ប្រាណអំឡុងពេលពពោះអាចរារាំងផលប៉ះពាល់នៃរបបអាហារដែលមានជាតិខ្លាញ់ខ្ពស់របស់ម្ដាយទៅលើការរំលាយអាហាររបស់កូន ដែលជាលទ្ធផល វាអាចបញ្ចៀសអត្រានៃការវិវត្តទៅរកភាពធាត់ និងជំងឺទឹកនោមផ្អែមប្រភេទទី២បាន។ទោះជាយ៉ាងនេះក្ដី ក្រុមអ្នកស្រាវជ្រាវបានដាស់តឿនថា ការសិក្សានេះស្ថិតនៅក្នុងដំណាក់កាលដំបូងនៅឡើយ និងទាមទារឲ្យមានការស្រាវជ្រាវបន្ថែមទៀតទៅលើមនុស្ស។

ចំណុចសំខាន់

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

កូនប្រឈមកើតជំងឺទឹកនោមផ្អែមខ្ពស់ បើម៉ាក់ៗធាត់ជ្រុលពេលពពោះ!

ការ​សិក្សា​ពី​សាកលវិទ្យាល័យ​ Tohoku ប្រទេស​ជប៉ុន​

អត្ថប្រយោជន៍​នៃ​លំហាត់​ប្រាណ​អំឡុង​ពេល​ពពោះ

ចំណុចសំខាន់

In Case You Missed It

ការសិក្សាពីសាកលវិទ្យាល័យ Tohoku ប្រទេសជប៉ុន

អត្ថប្រយោជន៍នៃលំហាត់ប្រាណអំឡុងពេលពពោះ