ភ្លៀងអាចលាងជម្រះចោលល្អងធូលីដែលនៅក្នុងខ្យល់អាកាសបានក៏ពិតមែន ប៉ុន្តែក៏អាចបំបែកលំអងធូលីនៅលើដី និងរាលដាលកាន់តែខ្លាំងថែមទៀតដែរ។ គ្រាប់លំអងទាំងនោះអាចប្រេះបែក និងស្ថិតនៅក្នុងខ្យល់មួយរយៈ ហើយវាក៏អាចចូលទៅក្នុងច្រមុះ និងសួតរបស់យើង ដែលជាហេតុបង្កជារោគសញ្ញាអាលែកហ្ស៊ីផងដែរ។
ក្រោយភ្លៀងយូរប៉ុណ្ណា ទើបរោគសញ្ញាអាលែកហ្ស៊ីកាន់តែធ្ងន់ធ្ងរ?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាទូទៅ រោគសញ្ញាអាចនឹងលេចឡើងកាន់តែខ្លាំងរហូតដល់១២ម៉ោង ក្រោយភ្លៀងធ្លាក់ ដោយអាស្រ័យទៅលើលក្ខខណ្ឌខ្យល់។ ចំណែកឯព្យុះក៏អាចបង្កឲ្យមានប្រតិកម្មអាលែកហ្ស៊ី ដែលអូសបន្លាយជាច្រើនថ្ងៃ ឬច្រើនសប្ដាហ៍។
តើយើងគួរធ្វើយ៉ាងណាំដើម្បីកាត់បន្ថយរោគសញ្ញាអាលែកហ្ស៊ីក្រោយភ្លៀង?
បិទបង្អួច៖ ដើម្បីរារាំងលម្អងធូលីចូលមកក្នុងផ្ទះ ដែលជាហេតុនាំឲ្យកើតមានបញ្ហាអាលែកហ្ស៊ី
បើកម៉ាស៊ីនត្រជាក់៖ ម៉ាស៊ីនត្រជាក់អាចជួយច្រោះយកល្អងធូលី ដែលតោងជាប់នៅក្នុងខ្យល់អាកាស និងជួយឲ្យយើងមានអារម្មណ៍ត្រជាក់ស្រួល ដោយមិនចាំបាច់បើកបង្អួច។
នៅក្នុងផ្ទះ អំឡុងពេលភ្លៀង៖ ការជៀសផុតពីព្យុះមានសារសំខាន់ណាស់ ជាពិសេសអំឡុងពេលមានភ្លៀងធ្លាក់ខ្លាំង ពីព្រោះអំឡុងពេលនេះ បំណែកល្អងធូលីអាចនឹងបញ្ចេញភ្លាមៗទៅក្នុងបរិយាកាស។
ប្រើថ្នាំអាលែកហ្ស៊ី៖ គួរប្រើថ្នាំអាលែកហ្ស៊ីទៅតាមវេជ្ជបញ្ជារបស់គ្រូពេទ្យ។
ពាក់ម៉ាសនៅពេលចេញក្រៅ៖ ជាក់ស្ដែង ម៉ាសមិនត្រឹមតែអាចការពារយើងពីវីរុសកូវីដ-១៩នោះទេ វាក៏អាចការពារយើងពីកម្ទេចល្អងនៅក្នុងខ្យល់អាកាសយ៉ាងមានប្រសិទ្ធភាពដូចគ្នា។
ពាក់វ៉ែនតាការពារកម្ដៅថ្ងៃ៖ ការពាក់វ៉ែនតាអាចជួយរារាំងលម្អងធូលីមិនឲ្យមកប៉ះផ្ទៃមុខ និងភ្នែកបាន។
យ៉ាងណាមិញ ប្រសិនបើរោគសញ្ញាអាលែកហ្ស៊ីមិនបានធូរស្រាលទេនោះ គ្នាយើងគួរតែពិគ្រោះយោបល់ជាមួយនឹងគ្រូពេទ្យ ទើបជាការប្រសើរ។
ចំណុចសំខាន់
ភ្លៀងអាចលាងជម្រះចោលលម្អងធូលីដែលនៅក្នុងខ្យល់អាកាសបានក៏ពិតមែន ប៉ុន្តែវាក៏អាចបំបែកលម្អងធូលីនៅលើដី និងរាលដាលកាន់តែខ្លាំងក្លាថែមទៀត។ ដើម្បីកាត់បន្ថយរោគសញ្ញាអាលែកហ្ស៊ី ក្រោយភ្លៀងរួច យើងគួរ៖
- បិទបង្អួច
- បើកម៉ាស៊ីនត្រជាក់
- នៅក្នុងផ្ទះអំឡុងពេលភ្លៀង
- ប្រើថ្នាំអាលែកហ្ស៊ី
- ពាក់ម៉ាសនៅពេលចេញក្រៅ
- ពាក់វ៉ែនតាការពារកម្តៅថ្ងៃ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
