ពេទ្យជំនាញណែនាំម៉ាក់ប៉ាឱ្យទម្លាក់ព្រូនឱ្យកុមារឱ្យបានទៀងទាត់ ព្រោះព្រូនរស់នៅក្នុងពោះវៀន ហើយបឺតយកសារធាតុចិញ្ចឹមពីអាហារដែលអាអូនញុំា ឬឈាមដែលធ្វើឱ្យកូន ខ្វះសារធាតុចិញ្ចឹម ខ្វះឈាម ព្រមទាំងប៉ះពាល់ដល់ការលូតលាស់ និងបញ្ញាស្មារតី។ ចុះពេលពេលទម្លាក់ព្រូនឱ្យអាអូន អ្នកផ្ទះទាំងអស់គួរទម្លាក់ដែរឬទេ?
លោកវេជ្ជបណ្ឌិត ហ៊ាង រតនា ឯកទេសជំងឺទូទៅ និងរោគកុមារបានឱ្យដឹងថា ប្រសិនបើក្នុងគ្រួសារមានសមាជិកគ្រួសារណាម្នាក់ឆ្លងព្រូន សមាជិកគ្រួសារផ្សេងទៀតងាយនឹងឆ្លងព្រូនដែរណាស់ ដូច្នេះពេលទម្លាក់ព្រូនឱ្យកូនៗ ម៉ាក់ប៉ា និងសមាជិកគ្រួសារផ្សេងទៀតក៏គួរទម្លាក់ដំណាលគ្នាដែរ ចៀសវាងឆ្លងទៅឆ្លងមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉ាក់ប៉ាអាចទម្លាក់ព្រូនឱ្យអាអូនបាននៅពេលអាអូនមានអាយុចាប់ពី ២ ឆ្នាំឡើងទៅ ហើយគួរទម្លាក់រៀងរាល់ ៦ ខែទៅមួយឆ្នាំម្តង។ ពេលវេលាញុំាថ្នាំទម្លាក់ព្រូនល្អបំផុតគឺនៅម៉ោង ៤ ឬ ៥ ព្រឹក មុនញុំាអាហារដែលជាពេលក្រពះអាអូននៅទទេ។
បើចង់ឱ្យកាន់តែមានប្រសិទ្ធិភាពទៀត ម៉ាក់ប៉ាគួរកុំឱ្យអាអូនញុំាច្រើនពេកនៅពេលល្ងាច ដើម្បីឱ្យក្រពះពោះវៀនអាអូនទំនេរល្អ ហើយជាតិថ្នាំជ្រាបបានល្អ។ ម្យ៉ាងទៀត ព្រូនកំពុងឃ្លានដែរ អ៊ីចឹងពពួកព្រូននឹងនាំគ្នាស៊ីជាតិថ្នាំបានច្រើនបើកូនញ៉ាំថ្នាំនៅពេកព្រឹក ហើយពោះទទេ។
លើសពីនេះទៅទៀត ពេលញុំាថ្នាំទម្លាក់ព្រូន ម៉ាក់ប៉ាគួរឱ្យអាអូនញុំាទឹកតែបន្តិចបានហើយ រួចរងចាំ ២ ម៉ោងក្រោយចាំឱ្យអាអូនញុំាអាហារ។
ជាទូទៅ ព្រូនឆ្លងតាមរយៈលាមក។ ប្រសិនបើកុមារ ឬមនុស្សធំបន្ទោបង់ពាសវាលពាលកាល លាមកដែលមានផ្ទុកព្រូន ឬពងព្រូននោះអាចជាប់នៅលើដី ឬហូរចូលទៅក្នុងទឹកបឹង ឬទន្លេតាមរយៈទឹកភ្លៀងជាដើម។
កុមារតូចៗងាយនឹងឆ្លងព្រូនតាមរយៈការប៉ះពាល់នឹងដី ឬផ្ទៃដែលមានផ្ទុកព្រូន ឬពងព្រូនណាស់ ប្រសិនបើអាអូន៖
- ដើរដោយដោះស្បែកជើង
- លេងដី
- ញុំាទឹកឆៅ
- ចាប់កាន់អាហារញុំាដោយមិនបានលាងសម្អាតដៃឱ្យបានស្អាតជាមុន
លោកវេជ្ជបណ្ឌិតបានបន្ថែមថា ការទម្លាក់ព្រូនរៀងរាល់ ៦ ខែទៅមួយឆ្នាំម្តង និងការរក្សាអនាម័យអាចការពារកុមារពីការកើតព្រូនបាន។
ចំណុចសំខាន់
- ពេលទម្លាក់ព្រូនឱ្យកូនៗ ម៉ាក់ប៉ា និងសមាជិកគ្រួសារផ្សេងទៀតក៏គួរទម្លាក់ដំណាលគ្នាដែរ ចៀសវាងឆ្លងទៅឆ្លងមក
- អាអូនអាចទម្លាក់ព្រូនបាននៅពេលមានអាយុចាប់ពី ២ ឆ្នាំឡើងទៅ ហើយគួរទម្លាក់ព្រូនរៀងរាល់ ៦ ខែទៅមួយឆ្នាំម្តង
- ពេលវេលាញុំាថ្នាំទម្លាក់ព្រូនល្អបំផុតគឺនៅម៉ោង ៤ ឬ ៥ ព្រឹក មុនញុំាអាហារ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
