មិនប្រាកដថាស្នេហាភេទដូចគ្នាត្រូវគេលួចក្បត់ មើលតែស្នេហា ម៉ៃយ៉ា កាន់តែផ្អែមល្ហែម

កំពត៖ តារាសម្ដែង និងពិធីការីកូនកាត់អាល្លីម៉ងកញ្ញា ម៉ៃយ៉ា ក្រោយចូលសិល្បៈបានជាច្រើនឆ្នាំ តារាស្រីរូបនេះកាន់តែទទួលបានការងារច្រើនជាបន្តបន្ទាប់។ មិនតែប៉ុណ្ណោះ ពីមួយឆ្នាំទៅមួយឆ្នាំប្រជាប្រិយភាពរឹតតែខ្លាំងជាងមុនគួរឲ្យកត់សម្គាល់តែម្ដង។ លើសពីនេះទៅទៀត នាងត្រូវបានមហាជនកត់សម្គាល់ឃើញថា មានមុខមាត់ស្រស់ស្អាត មិនថាតែងខ្លួន ឬគ្មានការMake Up។ 

ជាមួយគ្នានេះដែរ បើក្រឡេកទៅមើលជីវិតឯកជន គេដឹងថាតារាស្រីរូបនេះក៏មានមុខជំនួញលក់ផលិតផលតាមអនឡាញផងដែរ។បើនិយាយដល់រឿងស្នេហា គេដឹងទៀតថាកញ្ញា ម៉ៃយ៉ា បានកំពុងសាងស្នេហាជាមួយមនុស្សស្រីដូចគ្នា និងបានរស់នៅយ៉ាងមានសុភមង្គល មិនចាញ់ស្នេហាប្រុសនិងស្រីឡើយ។ ម្យ៉ាងគូស្នេហ៍តារាស្រីរូបនេះ តែងតែយកចិត្តទុកដាក់ បារម្ភពីសុខទុក្ខ និងមើលថែនាងបានយ៉ាងល្អ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ស្នេហារបស់កញ្ញា ម៉ៃយ៉ា និងគូស្នេហ៍បានចាប់ផ្ដើមមកអស់ជាច្រើនឆ្នាំទៅហើយ ប៉ុន្តែគេតែតែឃើញទំនាក់ទំនងស្នេហានាងនៅតែរឹងមាំ មានភាពផ្អែមល្ហែមដដែល។ ក្នុងនោះដែរ ថ្មីៗនេះតារារូបនេះ បានដឹកដៃគូស្នេហ៍ទៅលេងនៅទឹកដីខេត្តកំពត ដោយគេឃើញថា នាងនិងសង្សារបានបង្ហាញស្នាមញញឹមយ៉ាងរីករាយ ហើយអ្នកទាំងពីរមានភាពល្អូកល្អើនស្និទ្ធស្នាលគ្នាខ្លាំង។ ដោយរូបភាពទាំងនេះ អាចបញ្ជាក់បានថា ស្នេហាភេទដូចគ្នារបស់តារាស្រីរូបនេះ កាន់តែរឹងមាំជាងមុនលើសដើម៕

សូមទស្សនារូបភាពខាងក្រោម៖ 

• ម៉ៃយ៉ា
• ស្នេហា
• រូបភាព