បរទេស៖ ក្រុមហ៊ុន Xiaomi បានប្រញាប់បញ្ចេញទូរសព្ទ 12 និង 12 Pro របស់ខ្លួនទៅកាន់ទីផ្សារក្នុងខែធ្នូ ឆ្នាំ2021 ដូច្នេះគេអាចនិយាយថា វាស្ថិតនៅក្នុងចំណោមស្មាតហ្វូន Android ថ្មីដំបូងគេ ដែលប្រើបន្ទះឈីប Snapdragon 8 Gen 1 ចុងក្រោយបង្អស់។ ឥឡូវនេះ ក្រុមហ៊ុននេះត្រូវបានគេនិយាយថា កំពុងធ្វើដូចគ្នាជាមួយនឹងស៊េរី 13 ជំនាន់បន្ទាប់របស់ខ្លួន។
ស៊េរី 13 ត្រូវបានគេព្យាករណ៍ម្ដងទៀតថា នឹងបង្ហាញខ្លួន (ប្រសិនបើមានតែនៅក្នុងប្រទេសចិន) នៅដើមខែវិច្ឆិកា ឆ្នាំ2022 អមជាមួយ Snapdragon 8 Gen 2។ ការរំពឹងថ្មីនេះបានកើតឡើង ដោយសារការអះអាងថ្មីរបស់ប្រភព Digital Chat Station ដែលថាស្មាតហ្វូនបានឈានដល់ដំណាក់កាលសាកល្បងកម្រិតខ្ពស់ ការវេចខ្ចប់ ក៏ដូចជាការធ្វើតេស្ដបន្ថែមទៀតនៃផ្ទៃ MIUI ថ្មីរបស់ពួកគេ ដោយផ្អែកលើ Android 13។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះហើយ ទូរសព្ទកំពូលស៊េរីថ្មី ប្រហែលជាកំពុងដំណើរការហើយ។ ម្យ៉ាងវិញទៀត អ្នកលេចធ្លាយនេះផ្ដល់តម្រុយថា មានតែឧបករណ៍ថ្មីចំនួន2ប៉ុណ្ណោះ ដែលក្រុមហ៊ុន Xiaomi គ្រោងនឹងបញ្ចេញដំបូងបំផុត នោះគឺ 13 និង 13 Pro។ តារាឯកប្រចាំកម្មវិធីអាចនឹងជាប្រភេទមានអេក្រង់ធំ ជាមួយបន្ទះបង្ហាញ 2K៕
ប្រភព: Notebookcheck
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
