កម្សាន្ត៖ សណ្ឋាគារមួយ ត្រូវបានបង្កើតឡើងដោយ លោក Frank និង Patrik Riklin នៅក្នុងប្រទេសស្វីស ដែលមានភាពប្លែកពីគេតែមួយគត់មិនធ្លាប់មានពីមុនមក។ ពួកគេបានបង្កើតបន្ទប់គេងគ្មានដំបូល និងគ្មានជញ្ជាំងនៅក្នុងទីតាំងដ៏ចម្លែកៗ។ ជាក់ស្ដែងបន្ទប់ថ្មីបំផុតរបស់ពួកគេ ស្ថិតនៅក្នុងស្ថានីយប្រេងឥន្ធនៈមួយក្នុងភូមិ Saillon ក្រុង Valais ភាគខាងត្បូងប្រទេសស្វីស។
ក្រៅពីបន្ទប់នៅជាប់ស្ថានីយ៍ប្រេងឥន្ធនៈ ពួកគេ (Frank និង Patrik Riklin) បានសាងសង់បន្ទប់ចំនួន ៣ប្រភេទបន្ថែមទៀត នៅក្នុងបរិយាកាសធម្មជាតិដ៏ស្រស់បំព្រង ដូចជាក្នុងចម្ការទំពាំងបាយជូរ និងតាមជម្រាលភ្នំ។ ហើយបន្ទប់នោះ ក៏មានអ្នកបម្រើដែលនៅប្រចាំការទីនោះដើម្បីជួយ ស្វាគមន៍ភ្ញៀវ និងបម្រើអាហារពេលព្រឹក។ ហើយប្រសិនបើមានភ្លៀងធ្លាក់ អ្នកបម្រើនឹងជួយរកជម្រកឲ្យភ្ញៀវ។ ហើយប្រសិនបើភ្ញៀវឃ្លាន មេផ្ទះនឹងរៀបចំអាហារឆ្ងាញ់ៗជូនពួកគេផងដែរ។
ទោះជាបន្ទប់នៃសណ្ឋាគារនេះ ខ្លះស្ថិតនៅក្បែរស្ថានីយប្រេងឥន្ធនៈ ក្នុងចម្ការទំពាំងបាយជូរ និងតាមជម្រាលភ្នំ យ៉ាងណាក៏ដោយ ក៏សណ្ឋាគាររបស់ លោក Frank និង Patrik Riklin មិនដែលទទួលបានការរិះគន់ ពីអតិថិជននោះឡើយ។ ហើយជាទូទៅ សណ្ឋាគារនេះ មានតម្លៃមួយយប់ ៣៣៨ ដុល្លារ/បន្ទប់ ជាមួយនឹងគ្រែពីរ តុក្បែរគ្រែពីរ និងភ្លើងពេលយប់៕
ប្រភព៖ kenh14.vn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យុវវ័យ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
