កម្ពុជា៖ ត្រីបបែលយក្សទឹកសាប របស់កម្ពុជាដែលមានឈ្មោះថា «បូណ៌មី» ត្រូវបានទទួលស្គាល់ជាផ្លូវការដោយ Guinness World Records ថា ជាប្រភេទត្រីទឹកសាបដ៏ធំបំផុតនៅក្នុងពិភពលោក។
យោងតាមកំណត់ត្រាពិភពលោករបស់ Guinness World Records ត្រីបបែលយក្សនេះមានទម្ងន់ ៣០០គីឡូក្រាម និងមានប្រវែងពីកន្ទុយទៅដល់ក្បាល ៣,៩៨ម៉ែត្រ បានយកឈ្នះលើត្រីរាជដែលជាប់ចំណាត់ថ្នាក់លេខ១ ចាប់តាំងពីឆ្នាំ២០០៥ (រកឃើញនៅប្រទេសថៃ) ជាត្រីទឹកសាបដ៏ធំបំផុត ដែលមានទម្ងន់ ២៩៣គីឡូក្រាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រជានេសាទនៅខេត្តស្ទឹងត្រែង ដែលបានចាប់ត្រីបបែលយក្សនេះភ្លាម បានរាយការណ៍ទៅសមត្ថកិច្ចជំនាញ ហើយក្រុមការងាររបស់រដ្ឋបាលជលផល រួមជាមួយនឹងគម្រោងអច្ឆិយភាពទន្លេមេគង្គ (Wonders of the Mekong) បានទៅដល់ទីតាំង និងបានថ្លឹងទម្ងន់ និងវាស់ប្រវែងរបស់បូណ៌មី មុនពេលលែងចូលទៅក្នុងទន្លេវិញ ដោយភ្ជាប់ជាមួយនឹងឧបករណ៍តាមដានផងដែរ។
គួរឱ្យដឹងដែរថា ត្រីបបែលយក្ស គឺជាប្រភេទសត្វរស់នៅខាងក្រោមបាតទន្លេ ដោយចំណាយពេលភាគច្រើននៃជីវិតរបស់ពួកវារស់នៅបាតនៃជម្រកដែលមានដីខ្សាច់ និងភក់ ហើយវាស៊ីត្រីតូចៗ និងសត្វឆ្អឹងផ្សេងៗទៀត។ អ្នកវិទ្យាសាស្ត្រទស្សន៍ទាយថា បបែលទាំងនេះអាចមានទម្ងន់ដល់ទៅ ១៣០០ផោន (៥៩០ គីឡូក្រាម)! ថ្វីត្បិតតែពួកវាអាចត្រូវបានរកឃើញនៅតាមដងទន្លេធំៗ និងចំនុចប្រសព្វទន្លេក្នុងតំបន់អាស៊ីអាគ្នេយ៍ក៏ដោយ ក៏ត្រីបបែលទឹកសាបយក្សនេះជាសត្វកម្រណាស់ ហើយត្រូវបានចុះក្នុងបញ្ជីក្រហមរបស់អង្គការ IUCN ថាជាប្រភេទសត្វជិតផុតពូជ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]