ឥណ្ឌា៖ បុរសម្នាក់ជាពលករចំណាកស្រុក មកពីរដ្ឋ Madhya Pradesh បានចំណាយពេលជីករ៉ែ នៅតំបន់ Krishna Kalyanpur អស់រយៈពេល៩ខែ ដែលទីបំផុត គាត់បានជីកឃើញត្បូងពេជ្រមួយគ្រាប់ទម្ងន់៣.១៥ការ៉ាត់ ពីក្នុងអណ្ដូងរ៉ែ។

ជាក់ស្ដែង លោក Surendrapal Lodhi មានជីវិតភាពក្រីក្រណាស់ និងតែងតែបន់ផ្សងសុំលាភជ័យនៅវិហារមួយកន្លែងជានិច្ច។ ហើយនៅពេលជីកបានត្បូងពេជ្រ គាត់មានអារម្មណ៍សប្បាយរីករាយជាខ្លាំង ដែលជីវិតរបស់គាត់នឹងអាចផ្លាស់ប្ដូរ។ តួយ៉ាង គាត់បាននាំយកត្បូងពេជ្រ ទៅកាន់ការិយាល័យពេជ្រក្នុងស្រុក ដើម្បីពិនិត្យពីគុណភាពរបស់វា ដែលជាលទ្ធផល វាមានគុណភាពល្អ ពណ៌ភ្លឺច្បាស់តែម្ដង និងត្រូវ​ដាក់​ដេញ​ថ្លៃ​នៅ​ប៉ុន្មាន​ថ្ងៃ​ខាង​មុខនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ចំពោះតម្លៃវិញ ត្រូវបានប៉ាន់ស្មានថា នឹងអាចបានចំនួនពី១២.៦៥៥ដុល្លារអាមេរិក ទៅ១៥,១៨៦ដុល្លារអាមេរិក។ ហើយប្រាក់ដែលទទួលបាន ម្ចាស់ត្បូងពេជ្រ នឹងយកទៅសាងសង់ជណ្ដើរជូនវិហារខាងលើ និងប្រាក់នៅសល់ គាត់នឹងទុកសម្រាប់ផ្គត់ផ្គងជីវភាពគ្រួសារ រួមទាំងការសិក្សារបស់កូនៗផងដែរ៕

ប្រភព: Indiatimes

សូមទស្សនារូបភាពខាងក្រោម៖

រូបភាព
រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]