រកឃើញ​​ភេស៊ូម៉ាត្រា ​ប្រភេទសត្វកម្របំផុត នៅតំបន់ព្រៃលិចទឹកបឹងទន្លេសាបកម្ពុជា

ភ្នំពេញ៖ ​ភេ​រោមច្រមុះ ​ឬ​មាន​ឈ្មោះវិទ្យាសាស្ត្រថា លូត្រា ស៊ូម៉ាត្រាណា (Lutra sumatrana)  ដែលជាសត្វកម្របំផុតក្នុងចំណោមសត្វភេទាំង១៣ប្រភេទ​នៅលើពិភពលោក ត្រូវបានរកឃើញវត្តមានរស់នៅ​​​ជុំវិញតំបន់ព្រៃលិចទឹកនៃបឹងទន្លេសាប​។ នេះបើតាមអង្គការ Wondors of the Mekong។

បច្ចុប្បន្នអង្គការ IUCN បានដាក់បញ្ជូលពួកវាក្នុងបញ្ជីក្រហមថាជាសត្វជិតផុតពូជ នឹងចំនួនរបស់វាមាននិន្នាការថយចុះ ខណៈកាលពីឆ្នាំ១៩៩៨ សត្វភេនេះ ត្រូវបានគេគិតថាផុតពូជទៅហើយ ចាប់តាំងពីពួកវាមិនត្រូវបានគេប្រទះឃើញនៅក្នុងព្រៃអស់រយៈពេលជាច្រើនឆ្នាំកន្លងមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តាមរយៈ​វិធីសាស្ត្រតាមដានទំនើបៗ ដូចជាកាមេរ៉ាថតចាប់សត្វស្វ័យប្រវត្តិ  សត្វប្រភេទនេះ ​ត្រូវបានរកឃើញឡើងវិញ​នៅតំបន់អាស៊ីអាគ្នេយ៍ ក៏មានន័យថាវាមានតែក្នុងតំបន់អាស៊ីអាគ្នេយ៍ប៉ុណ្ណោះ ហើយគ្មាននៅកន្លែងណាផ្សេងទៀតទេក្នុងពិភពលោក។ ពួកវារស់នៅរាយប៉ាយ តែក្នុងចំនួនតិចក្បាល និងនៅក្បែរប្រភពទឹក។ នៅក្នុងប្រទេសកម្ពុជា គេបានកំណត់អត្តសញ្ញាណវាថា នៅជុំវិញតំបន់ព្រៃលិចទឹកនៃបឹងទន្លេសាប។

​សត្វភេ​​ប្រភេទនេះ ពួកវាស៊ីត្រី និងសត្តវន្តជាតិ (ពពួកកំពឹស ក្តាម) ជាប្រភពអាហារចម្បងរបស់ពួកវា ប៉ុន្តែក៏ចូលចិត្តស៊ីពស់ ថ្លែនបង្គួយ កង្កែប និងសត្វផ្សេងទៀតដែលពួកវាអាចរកបាននៅជុំវិញទន្លេ​ ​ក៏គេធ្លាប់បានប្រទះឃើញ​វា រស់នៅជាក្រុមតូចៗពី ៤ ទៅ ៦ក្បាលផងដែរ៕

• បរិស្ថាន
• ធម្មជាតិ