ម៉ាល់ឌីវ៖ ប្រជុំកោះនៅមហាសមុទ្រឥណ្ឌាដាច់ស្រយាលនៃម៉ាល់ឌីវ កំពុងមានគម្រោងសាងសង់ទីក្រុងបណ្តែតទឹកដំបូងបង្អស់លើពិភពលោក ដែលយកគំរូតាមរូបរាងដូចខួរក្បាលរបស់មនុស្ស។
ជាក់ស្ដែង ដោយមានជំនួយតិចតួចពីប្រទេសហូឡង់ ដែលកំពុងប្រយុទ្ធតាមកម្រិតទឹកសមុទ្រ ទីក្រុងបណ្តែតទឹកម៉ាល់ឌីវ បានទទួលភ្លើងខៀវសម្រាប់លំនៅដ្ឋានចម្រុះពណ៌ចំនួន៥,០០០ខ្នង នឹងត្រូវសាងសង់ឡើង និងចងភ្ជាប់ទៅជាន់នៃបឹង មានទំហំ៥០០ហិកតា។ ហើយភ្ញៀវទេសចរ ឆ្ពោះទៅកាន់ទីក្រុងអណ្តែតទឹកថ្មី នឹងត្រូវជិះទូករយៈពេល១០នាទីពីរដ្ឋធានី Malé និងអាកាសយានដ្ឋានអន្តរជាតិ ជាកន្លែងដែលពួកគេនឹងស្វែងរកសណ្ឋាគារ ផ្ទះ ហាង ភោជនីយដ្ឋាន និងទីតាំងកម្សាន្តផ្សេងៗទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង នៅលើទីក្រុងបណ្ដែតទឹក នឹងមិនមានរថយន្តទេ ប៉ុន្តែភ្លៀវទេសចរទាំងអស់ អាចធ្វើដំណើរតាមផ្លូវខ្សាច់សដោយថ្មើរជើង កង់ធម្មតា កង់អគ្គិសនី ម៉ូតូស្កូតឺ ឬឡើងទូក និងជិះទូកតាមព្រែកជាដើម។ ហើយគម្រោងនេះអះអាងថា ទីក្រុងបណ្ដែតទឹក នឹងជម្រុញកំណើនផ្កាថ្ម ជាមួយនឹងធនធានផ្កាថ្មសិប្បនិម្មិត ដែលភ្ជាប់ទៅនឹងផ្នែកខាងក្រោមរបស់វា និងអាចការពារផ្កាថ្មមានស្រាប់ ខណៈនឹងដើរតួជាអ្នកបំបែករលកធម្មជាតិផងដែរ។
យ៉ាងណាមិញ ងាកទៅកាន់ប្រទេសកូរ៉េខាងត្បូង ក៏បានប្រកាសពីគម្រោងនៃការសាងសង់ទីក្រុងបណ្ដែតទឹកដែរ កាលពីចុងឆ្នាំ២០២១ និងគ្រោងថា នឹងអាចរួចរាល់ក្នុងឆ្នាំ២០២៥។ ហើយចំពោះម៉ាល់ឌីវវិញ នឹងត្រូវសាងសង់ដោយកាលបរិច្ឆេទចាប់ផ្តើមបានកំណត់នាខែមករា ឆ្នាំ២០២៣ខាងមុខ និងមានគោលបំណងបញ្ចប់ទីក្រុងក្នុងរយៈពេល៥ឆ្នាំផងដែរ៕
ប្រភព: Daily Mail
សូមទស្សនារូបភាពគំរូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]