ទ្របំណុលលែងរួច! ស្រីខ្ញុង សម្រក់ទឹកភ្នែកប្រកាសលក់ផ្ទះបន្ទាន់ដើម្បីដោះបំណុល(មានវីដេអូ)

ភ្នំពេញ៖ កាលពីពេលថ្មីៗនេះ អ្នកនាង ខ្ញុង ដែលបងប្អូនមហាជនជាច្រើនបានស្គាល់រួចមកហើយថាជាអតីតតារាកំប្លែងដ៏ល្បីម្នាក់ប្រចាំទូរទស្សន៍ CTN បានឡាយផ្ទាល់នៅក្នុងគណនីហ្វេសប៊ុកផ្ទាល់ខ្លួនទាំងទឹកភ្នែកប្រកាសលក់ផ្ទះដើម្បីដោះបំណុល។

ជាការពិត រឿងរ៉ាវជំពាក់បំណុលជាង៥៧ម៉ឺនដុល្លាររបស់ អតីតតារាកំប្លែងរូបនេះបានស្ងប់ស្ងាត់ទៅអស់មួយរយៈធំទៅហើយ ដោយបានធ្វើឲ្យមហាជនគិតថា នាងខ្ញុង កំពុងតែមានពន្លឺជាថ្មីរកស៊ីកាក់កបជាមួយនឹងរបរលក់ប្រហុកផ្អក ក៏ដូចជាចេញកាត់សក់តាមមង្គលការជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែផ្ទុយទៅវិញ ស្រាប់តែថ្មីៗនេះ នាងខ្ញុង បែរជាចេញមកនិយាយទាំងទឹកភ្នែក ប្រកាសលក់ផ្ទះដែលកំពុងរស់នៅជាបន្ទាន់ ពីព្រោះលក់ប្រហុកផ្អកលេងដាច់ដូចមុន គ្មានចំណូលគ្រប់គ្រាន់ដើម្បីសងម្ចាស់បំណុល ដោយអ្នកនាងលើកឡើងថា ម្ចាស់បំណុលមិនព្រមទទួលយកនៅការសងតាមដំណើររបស់នាង ដែលជាហេតុធ្វើឲ្យ នាងខ្ញុង សម្រេចចិត្តប្រកាសលក់ផ្ទះដើម្បីសងបំណុលតែម្ដង៕

សូមទស្សនារូបភាព និងជូនវីដេអូខាងក្រោម៖

• ខ្ញុង
• តារាខ្មែរ