អេក្វាឌ័រ៖ នារយៈពេលប៉ុន្មានថ្ងៃចុងក្រោយនេះ ស្ត្រីម្នាក់អាយុ២៦ឆ្នាំ មកពីប្រទេសអេក្វាឌ័រ បានទទួលការចាប់អារម្មណ៍ជាខ្លាំង នៅលើបណ្ដាញសង្គមតិកតុក ជុំវិញនូវរឿងរ៉ាវនៃនិស្ស័យស្នេហ៍រវាងនាង និងស្វាមី។

ជាក់ស្ដែង នាង Ailiz Melina Zambrano Pinargote បានទៅលេងផ្ទះម្ដាយក្មេក និងសុំឲ្យម្ដាយក្មេកបង្ហាញពីរូបថតរបស់ស្វាមីកាលពីនៅក្មេងដល់នាង។ ហើយនាងក៏បានប្រទះឃើញរូបនាងផ្ទាល់ នៅក្នុងរូបថតរបស់ស្វាមី ខណៈនាងមានអាយុ១១ឆ្នាំប៉ុណ្ណោះ និងកំពុងឈរដោយមិនដឹងខ្លួនសោះឡើយ ក្នុងការមើលក្មេងប្រុសៗដើរឆ្លងកាត់ផ្លូវ ដែលធ្វើឲ្យនាងមានការភ្ញាក់ផ្អើលជាខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង នាងក៏បានឲ្យដឹងដែរថា អ្នកទាំងពីរមិនដែលស្គាល់គ្នាពីមុនឡើយ រហូតដល់បានជួបគ្នាម្ដងទៀតនៅសកលវិទ្យល័យ និងមិនយូរប៉ុន្មាន បានចាប់ផ្ដើមមានទំនាក់ទំនងស្នេហាជាមួយគ្នាតែម្ដង។ មកទល់បច្ចុប្បន្ននេះ អ្នកទាំងពីររៀបការបានរយៈពេល១ឆ្នាំនិង១០ខែហើយ។

យ៉ាងណាមិញ Ailiz និងស្វាមី ជឿជាក់ថា ព្រះជាម្ចាស់បានកំណត់ឲ្យអ្នកទាំងពីរនៅជាមួយគ្នារួចមកហើយ ដោយរូបថតជាភស្តុតាងមួយនៃក្ដីស្រលាញ់ និង​ការ​រួបរួម​របស់អ្នកទាំងពីរ ក្នុងនាមជាគូស្វាមីភរិយាផងដែរ៕

ប្រភព: Daily Mail

សូមទស្សនារូបភាពខាងក្រោម៖

រូបភាព
រូបភាព
រូបភាព
រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]