គ្រោះថ្នាក់សរសៃឈាមខួរក្បាលអាចប៉ះពាល់ផ្លូវចិត្តយ៉ាងម៉េចខ្លះ?

បញ្ហាសុខភាពធ្ងន់ធ្ងរដូចជាគ្រោះថ្នាក់សរសៃឈាមខួរក្បាល អាចបង្កផលប៉ះពាល់រយៈពេលយូរ ហើយមិនត្រឹមតែជះឥទ្ធិពលដល់ការរស់នៅប្រចាំថ្ងៃរបស់អ្នកជំងឺប៉ុណ្ណោះទេ សូម្បីតែគ្រួសារ និងសាច់ញាតិក៏មានជាប់ពាក់ព័ន្ធដែរ។ តើបញ្ហាសុខភាពមួយនេះ អាចប៉ះពាល់ដល់ផ្លូវចិត្តយ៉ាងម៉េចខ្លះ?

ពិតណាស់ កង្វះការផ្គត់ផ្គង់ឈាមទៅកាន់ខួរក្បាល អាចបណ្ដាលឲ្យអ្នកជំងឺពិការខួរក្បាលមួយចំហៀង។ យ៉ាងណាមិញ អាកប្បកិរិយាចម្លែកៗក្រោយជួបបញ្ហាគ្រោះថ្នាក់សរសៃឈាមខួរក្បាលអាចកើតមានឡើង ដូចជាឆេវឆាវ និងឆាប់ខឹង ឬមានអាកប្បកិរិយាដូចកូនក្មេង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រែប្រួលអត្តចរិតក្រោយគ្រោះថ្នាក់សរសៃឈាមខួរក្បាល

គ្រោះថ្នាក់សរសៃឈាមខួរក្បាល បណ្ដាលមកពីការស្ទះ ឬដាច់សរសៃឈាមក្នុងខួរក្បាល ដែលកាត់ផ្ដាច់ការផ្គត់ផ្គង់អុកស៊ីសែនចាំបាច់សម្រាប់ខួរក្បាល ដោយមិនអាចបញ្ជូនសញ្ញាទៅកាន់ផ្នែកផ្សេងៗនៃរាងកាយ។ កត្តានេះហើយដែលជាមូលហេតុនាំឲ្យមានការប្រែប្រួលអាកប្បកិរិយាក្រោយគ្រោះថ្នាក់សរសៃឈាមខួរក្បាល។

តើគ្រោះថ្នាក់សរសៃឈាមខួរក្បាលប៉ះពាល់អាកប្បកិរិយាយ៉ាងម៉េចខ្លះ?

អ្នកជំងឺក្លាយទៅជាស្ងប់ស្ងាត់ និងស្រពាប់ស្រពោន
ឆាប់ខឹងភ្លាមៗ
លែងចាប់អារម្មណ៍លើសកម្មភាពដែលធ្លាប់ចូលចិត្តពីមុន
ប្រែប្រួលអារម្មណ៍ផ្លូវភេទ និងចំណង់អាហារ
និយាយមិនចេញភ្លាមៗ
ធ្វើការសម្រេចចិត្តរហ័ស ដោយមិនគិតពីផលប៉ះពាល់
កាត់បន្ថយទំនាក់ទំនងក្នុងសង្គម។

បញ្ហាគ្រោះថ្នាក់សរសៃឈាមខួរក្បាលកើតឡើងក្នុងពេលតែមួយពព្រិចភ្នែក ដែលធ្វើឲ្យអ្នកដែលធ្លាប់តែមានសុខភាពល្អ ក្លាយទៅជាអសមត្ថភាព និងត្រូវពឹងផ្អែកលើអ្នកដទៃទាំងស្រុង។ ការផ្លាស់ប្ដូរអវិជ្ជមានមួយនេះហើយ ធ្វើឲ្យអ្នកជំងឺប្រឈមនឹងបញ្ហាស្រ្តេស និងវិបត្តិផ្លូវចិត្ត ដែលទាមទារឲ្យមានការយកចិត្តទុកដាក់ និងថែទាំឲ្យបានដិតដល់ពីសមាជិកក្នុងគ្រួសារ។

ចំណុចសំខាន់

ក្រោយគ្រោះថ្នាក់សរសៃឈាមខួរក្បាល អ្នកជំងឺអាចនឹងជួបបញ្ហាអាកប្បកិរិយា ដោយសារតែកត្តារួមជាច្រើន ដូចជាស្ត្រេស និងការបាក់ទឹកចិត្តជាដើម។ ម្យ៉ាងវិញទៀត នៅពេលដែលអ្នកជំងឺអសមត្ថភាពក្នុងការធ្វើអ្វីមួយដោយខ្លួនឯង នោះនឹងមានអារម្មណ៍តប់ប្រម៉ល់ ឆេវឆាវ ក៏ដូចជាឆាប់ខឹងច្រើន ដែលបញ្ហានេះចាំបាច់ត្រូវធ្វើការកំណត់ឲ្យបានច្បាស់ ព្រមទាំងស្វែងរកការព្យាបាលដោយប្រើថ្នាំ ឬការព្យាបាលខាងផ្លូវចិត្ត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

គ្រោះថ្នាក់សរសៃឈាមខួរក្បាលអាចប៉ះពាល់ផ្លូវចិត្តយ៉ាងម៉េចខ្លះ?

ការ​ប្រែប្រួល​អត្តចរិត​ក្រោយ​គ្រោះថ្នាក់​សរសៃ​ឈាម​ខួរ​ក្បាល

តើ​គ្រោះថ្នាក់​សរសៃ​ឈាម​ខួរ​ក្បាល​ប៉ះពាល់​អាកប្បកិរិយា​យ៉ាង​ម៉េច​ខ្លះ?

ចំណុចសំខាន់

In Case You Missed It

ការប្រែប្រួលអត្តចរិតក្រោយគ្រោះថ្នាក់សរសៃឈាមខួរក្បាល

តើគ្រោះថ្នាក់សរសៃឈាមខួរក្បាលប៉ះពាល់អាកប្បកិរិយាយ៉ាងម៉េចខ្លះ?