ទីបំផុត បុរសនេះ ឈ្នះក្ដីកាលពីជាង២៣ឆ្នាំមុន ជុំវិញរឿងខ្វះលុយអាប់ ប៉ុន្មានសេនប៉ុណ្ណោះ

ឥណ្ឌា៖ កាលពីសប្ដាហ៍មុននេះ បុរសជនជាតិឥណ្ឌា និងជាមេធាវីម្នាក់ បានឈ្នះក្ដីរបស់គាត់ បន្ទាប់ពីព្យាយាមតស៊ូអស់រយៈជាច្រើនឆ្នាំ ជាមួយនឹងខាងស្ថានីយរថភ្លើងមួយកន្លែង ក្នុងរដ្ឋ Uttar Pradesh នៃប្រទេសឥណ្ឌា។

តាមប្រភពព័ត៌មានអន្ដរជាតិ Daily Mail ចុះផ្សាយកាលពីថ្ងៃទី១១ ខែសីហា ឆ្នាំ២០២២ម្សិលមិញបានឲ្យដឹងថា ក្នុងឆ្នាំ១៩៩៩ លោក Tungath Chaturvedi បានទិញសំបុត្ររថភ្លើងចំនួនពីរសន្លឹក ដើម្បីធ្វើដំណើរពីទីក្រុង Mathura ទៅកាន់ទីក្រុង Moradabad និងត្រូវចំណាយអស់ប្រាក់ចំនួន៣៥រ៉ូពីសម្រាប់សំបុត្រមួយសន្លឹក (ប្រមាណ០.៤៤ដុល្លារអាមេរិក)។ ដូច្នេះ គាត់បានហុចក្រដាស១០០រ៉ូពីទៅកាន់អ្នកលក់សំបុត្រ ដែលអ្នកលក់សំបុត្រត្រូវអាប់ឲ្យគាត់វិញ៣០រ៉ូពី ប៉ុន្ដែបែរជាអាប់ឲ្យគាត់១០រ៉ូពីប៉ុណ្ណោះ ហើយជាហេតុធ្វើឲ្យគាត់សម្រេចចិត្តដាក់ពាក្យ.ប្ដឹ.ង.ទាមទារប្រាក់២០រ៉ូពីទៀតមកវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ក្រោយពីទទួលបានការកោះហៅពីខាងតុលាការជាង១០០ដងមក លោក Chaturvedi បានទទួលប្រាក់ចំនួន២០រ៉ូពីវិញ (ប្រមាណ០.២៥ដុល្លារអាមេរិក) និងតុលាការបានបង់ប្រាក់សំណងដល់គាត់ចំនួន១៥,០០០បន្ថែមផងដែរ (ប្រមាណ១៨៨.៤០ដុល្លារអាមេរិក)។ ហើយតុលាការបានបញ្ជាឲ្យខាងស្ថានីយរថភ្លើង បង់ថ្លៃការប្រាក់១២ភាគរយនៃទឹកប្រាក់២០រ៉ូពី ខណៈទឹកប្រាក់ដែលគាត់ទទួលបានពីការឈ្នះក្ដីសរុបចំនួនប្រមាណ១៩១ដុល្លារអាមេរិក។ យ៉ាងណាមិញ ចំពោះការចង់ឈ្នះក្ដីនេះ គឺគាត់មិនមែនផ្ដោតសំខាន់លើប្រាក់សំណងឡើយ ដោយគាត់ចង់បង្ហាញឲ្យអ្នកដទៃឃើញថា មិនត្រូវចុះចាញ់ទេ បើទោះបីជាការតស៊ូមើលទៅតានតឹង និងលំបាកដ៏ដោយ៕

ប្រភព: Daily Mail

សូមទស្សនារូបភាពខាងក្រោម៖

• រូបភាព