គ្នាយើងខ្លះបានដឹងហើយថា អាការៈឈឺទ្រូង ឬឈឺចាប់នៅជិតបេះដូង ជាសញ្ញាព្រមាននៃបញ្ហាគាំងបេះដូង។ ប៉ុន្តែ ក្រៅពីនេះក៏នៅមានរោគសញ្ញាផ្សេងទៀតជាច្រើននៃជំងឺបេះដូងផងដែរ។ ជាទូទៅ រោគសញ្ញាទាំងនេះ អាចមានសភាពស្រាល ទៅធ្ងន់ធ្ងរ អាស្រ័យទៅលើកត្តាអាយុ ភេទ និងបញ្ហាសុខភាពផ្សេងទៀត។
ប្រភេទនៃជំងឺ ឬបញ្ហាបេះដូង៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស- ជំងឺសរសៃឈាមបេះដូង (បណ្ដាលមកពីគ្រប់គ្រងកូលេស្តេរ៉ូលអាក្រក់មិនបានល្អ)
- ជំងឺខ្សោយបេះដូង (បណ្ដាលមកពីសាច់ដុំបេះដូងខ្សោយ)
- ចង្វាក់បេះដូងលោតមិនទៀង
- សម្ពាធឈាមខ្ពស់ ឬទាប
- ជំងឺក្រិនសរសៃឈាមបេះដូង (បណ្ដាលមកពីកំណកខ្លាញ់កើតនៅលើជញ្ជាំងសរសៃឈាម)
- ជំងឺប្រឹសបេះដូង (បណ្ដាលមកពីការឈប់ដំណើរការនៃថតណាមួយនៃបេះដូង)។
សញ្ញាព្រមាននៃជំងឺបេះដូង
រោគសញ្ញាទូទៅមួយចំនួន ដែលបញ្ជាក់ថាបេះដូងយើងកំពុងតែមានបញ្ហា៖
- អស់កម្លាំងខ្លាំង
អាការៈអស់កម្លាំងជាប្រចាំ និងដោយគ្មានមូលហេតុ អាចជាសញ្ញាបង្ហាញថាបេះដូងរបស់យើងច្របាច់មិនបានល្អ ឬមានការកកស្ទះណាមួយនៅក្នុងបេះដូង។
- ពិបាកដកដង្ហើម ឬដកដង្ហើមខ្លីៗ
អាការៈមួយនេះបង្ហាញថា យើងកំពុងតែប្រឈមនឹងជំងឺក្រិនសរសៃឈាម ជំងឺសរសៃឈាមបេះដូង ឬខ្សោយបេះដូង ដែលគួរតែពិគ្រោះជាមួយនឹងគ្រូពេទ្យ ទើបជាការប្រសើរ។
រោគសញ្ញាទាំង១០បញ្ជាក់ពីបញ្ហាខ្សោយសាច់ដុំបេះដូង
- ដកដង្ហើមខ្លីៗ
- ឈឺទ្រូង
- អស់កម្លាំង
- មិនឃ្លានអាហារ
- ហើមជើង កជើង ឬប្រអប់ជើង
- ឡើងទម្ងន់យ៉ាងឆាប់រហ័ស
- ចង្អោរ
- ពិបាកផ្ចង់អារម្មណ៍
- ប្រែប្រួលចង្វាក់បេះដូង
- ក្អកមិនបាត់។
ថ្វីដ្បិតតែបញ្ហាខ្សោយសាច់ដុំបេះដូងមិនអាចព្យាបាលជាដាច់ ប៉ុន្តែការព្យាបាលអាចជួយឲ្យអ្នកជំងឺគ្រប់គ្រងស្ថានភាពជំងឺ និងបង្ការផលវិបាកផ្សេងៗបាន។ ដូចគ្នាដែរ មិនមែនគ្រប់អ្នកជំងឺខ្សោយសាច់ដុំបេះដូងសុទ្ធតែត្រូវការការព្យាបាលនោះទេ ពោលគឺអ្នកដែលមានបញ្ហាកម្រិតស្រាលគ្រាន់តែត្រូវផ្លាស់ប្ដូរបែបបទនៃការរស់នៅ ដូចជាញ៉ាំអាហារល្អចំពោះសុខភាព រក្សាទម្ងន់ឲ្យនៅល្អ កុំជក់បារី គ្រប់គ្រងស្ត្រេស និងជៀសវាង ឬកាត់បន្ថយគ្រឿងស្រវឹង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
