អាហារ ៧ ប្រភេទ ដែលអ្នកមិនគួរញ៉ាំ នៅព្រលានយន្តហោះ

យល់ដឹង៖ ពិតណាស់ នៅពេលដែលអ្នកធ្វើដំណើរទៅទីណាក៏ដោយ មិនថាទាំងជិតឬទីឆ្ងាយៗ ដោយជិះយានយន្តគ្រប់ប្រភេទ ឬការធ្វើដំណើរតាមអាកាសដោយជិះយន្តហោះ ទាមទារឲ្យយើងចេះរៀបចំនិងប្រុងប្រយ័ត្នខ្លួនស្ទើរតែគ្រប់មុខ។

ជាក់ស្ដែង ការហូបចុកទៀតសោត ក៏ជាអ្វីដែលយើងត្រូវត្រៀមខ្លួន និងគួរចៀសវាងនូវប្រភេទអាហារមួយចំនួនផងដែរ។ ជាពិសេសនោះ អាហារខាងក្រោមទាំង ៧ នេះ អាចធ្វើឲ្យអ្នកមិនស្រួលក្នុងអំឡុងពេលហោះហើរនោះទេ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១.Salad

ត្រូវបានគេស្គាល់ថាជាអាហារដែលមានជាតិសរសៃខ្ពស់ និងមានសុខភាពល្អ។ ទោះជាយ៉ាងណាក៏ដោយ ម្ហូបនេះក៏ជាជម្រករបស់បាក់តេរីជាច្រើន រួមទាំងប្រភេទដែលអាចបណ្តាលឲ្យពុលអាហារផងដែរ។ យោងតាម ​​CDC របស់សហរដ្ឋអាមេរិក បន្លែបៃតងគឺជាផ្នែកសំខាន់នៃរបបអាហារដែលមានសុខភាពល្អ ប៉ុន្តែអាហារទាំងនេះមានជាតិពុល។ ការលាងបន្លែមិនអាចកម្ចាត់បាក់តេរីបានទេ ព្រោះវាអាចជាប់នឹងផ្ទៃស្លឹក ហើយថែមទាំងជ្រាបចូលស្លឹកខាងក្នុងទៀតផង។

២.កាហ្វេ

សម្រាប់មនុស្សជាច្រើន កាហ្វេក្តៅមួយពែងគ្រាន់តែជាអ្វីដែលពួកគេត្រូវការមុនពេលចេញដំណើរនៅពេលព្រឹកព្រលឹមប៉ុណ្ណោះ។ ទោះជាយ៉ាងណាក៏ដោយ ភេសជ្ជៈដែលមានជាតិកាហ្វេអ៊ីនមានឥទ្ធិពល diuretic ដែលមានន័យថា អ្នកត្រូវទៅបន្ទប់ទឹកឲ្យបានញឹកញាប់។ លើសពីនេះ ជាតិកាហ្វេអ៊ីនអាចបណ្តាលឲ្យឈឺក្បាល និងគេងមិនលក់ចំពោះមនុស្សមួយចំនួន។ វានឹងធ្វើឲ្យអ្នកមានការលំបាកក្នុងការគេងពេញមួយយប់អំឡុងពេលហោះហើរ។

៣.អាហារសម្រន់ដែលមានជាតិប្រៃ

អាហារដែលមានជាតិប្រៃដូចជា ដំឡូងបន្ទះបំពង អាចស្តាប់ទៅមានរសជាតិឆ្ងាញ់ ប៉ុន្តែពួកវាក៏ជាសត្រូវនៃឧស្ម័នផងដែរ។ យោងតាម សារព័ត៌មាន US News សម្ពាធខ្យល់ថយចុះនៅពេលអ្នកឡើង មានន័យថាឧស្ម័នរួមទាំងឧស្ម័ននៅក្នុងពោះរបស់អ្នកពង្រីក។ នៅពេលដែលយន្តហោះឡើងខ្ពស់ ឧស្ម័ននៅក្នុងពោះវៀនរបស់អ្នកនៅពេលញ៉ាំអាហារប្រៃ ផឹកភេសជ្ជៈដែលមានជាតិកាបូន ឬស្រូបខ្យល់ចូល សុទ្ធតែសម្ពាធទៅលើពោះវៀន ដែលបណ្តាលឲ្យអ្នកផោមញឹក។

៤.ទឹកដោះគោជូរដែលមានជាតិស្ករខ្ពស់

ប្រសិនបើអ្នកប្រញាប់ ឬត្រូវការអាហារសម្រន់រហ័សដើម្បីបំពេញក្រពះរបស់អ្នក ទឹកដោះគោជូរអាចជាជម្រើសដ៏ត្រឹមត្រូវ។ ប៉ុន្តែ​ត្រូវ​ប្រយ័ត្ន ចៀសវាងប្រភេទមានជាតិ​ស្ករ​ខ្ពស់។ ទឹកដោះគោជូរ ឬសូម្បីតែទឹកផ្លែឈើអាចផ្ទុកទៅដោយជាតិស្ករដែលអាចថ្លឹងទម្ងន់ដល់ពោះវៀនរបស់អ្នក។ ជំនួសមកវិញ អ្នកគួរតែជ្រើសរើសអាហារដែលផ្តល់ប្រូតេអ៊ីនច្រើន ជាតិសរសៃ ឬខ្លាញ់ដែលមានសុខភាពល្អ ដូចជាគ្រាប់ធញ្ញជាតិ ឬសូកូឡាជាដើម។

៥.ស្រាក្រឡុក

ការផឹកស្រាបៀរ ឬស្រាក្រឡុកក្នុងអាកាសយានដ្ឋានមុនពេលហោះហើរ គឺជាទម្លាប់របស់មនុស្សមួយចំនួនដែលចង់មានអារម្មណ៍ស្រួល។ ទោះជាយ៉ាងណាក៏ដោយ ឥទ្ធិពលនៃខ្យល់នៅក្នុងយន្តហោះនឹងធ្វើឲ្យអ្នកមានអារម្មណ៍មិនស្រួល។ ក្នុងអំឡុងពេលហោះហើរ សម្ពាធក្នុងកាប៊ីនគឺទាបជាងកន្លែងភាគច្រើននៅលើផែនដី។ បរិយាកាសដែលមានសម្ពាធនេះនឹងកាត់បន្ថយសមត្ថភាពរបស់រាងកាយក្នុងការស្រូបយកអុកស៊ីសែន និងបង្កើតអារម្មណ៍នៃការឈឺក្បាលប្រភេទស្រាល។ ដូច្នេះហើយ បើអ្នកចូលចិត្តផឹកស្រា ត្រូវប្រាកដថារក្សាជាតិទឹក រវាងភេសជ្ជៈនីមួយៗ ដើម្បីឲ្យអ្នកមានអារម្មណ៍ស្រួលខ្លួន។

៦.សាច់ឆៅ ឬត្រជាក់

យោងតាម ​​CDC របស់សហរដ្ឋអាមេរិក សាច់ខ្ចប់ សាច់ deli អាចផ្ទុកបាក់តេរី Listeria ដែលបង្កគ្រោះថ្នាក់។ នេះគឺជាបាក់តេរីដែលមានជាតិពុល necrotic ដែលជារឿយៗមាននៅក្នុងធម្មជាតិដូចជា ដី លាមក បន្លែដែលខូច ទឹកដោះគោ ឈីស និងអាហារកំប៉ុងដែលគ្មានអនាម័យមួយចំនួន។ CDC របស់សហរដ្ឋអាមេរិកក៏បានណែនាំផងដែរ ឲ្យចៀសវាងការបរិភោគអាហារដូចជា Hotdog សាច់ត្រជាក់ សាច់កំប៉ុងគ្រប់ប្រភេទ លុះត្រាតែពួកវាត្រូវបានកំដៅយ៉ាងតិចប្រហែល 75 អង្សាសេ ទើបញ៉ាំទៅមានសុវត្ថិភាព។

៧.ស៊ូស៊ី

ជាមុខម្ហូបដែលមិនអាចខ្វះបានក្នុងម្ហូបជប៉ុន គ្រឿងផ្សំរួមមានអាហារសមុទ្រស្រស់ៗ រុំជាមួយសារ៉ាយសមុទ្រ និងបន្លែ។ ទោះជាយ៉ាងណាក៏ដោយ អ្នកគួរតែចៀសវាងត្រីឆៅ ឬមិនទាន់ចម្អិន និងអាហារសមុទ្រ ព្រោះវាមានផ្ទុកបាក់តេរី និងប៉ារ៉ាស៊ីតដែលបង្កគ្រោះថ្នាក់ជាច្រើន។ ស៊ូស៊ីក៏បង្កើនបរិមាណអំបិលក្នុងខ្លួនផងដែរ នៅពេលត្រាំវាក្នុងទឹកស៊ីអ៊ីវ (ជិត ៤០% នៃការទទួលទានអំបិលប្រចាំថ្ងៃដែលបានណែនាំ) ដែលអាចធ្វើឲ្យអ្នកផោមយ៉ាងងាយស្រួលក្នុងអំឡុងពេលហោះហើរ។

ប្រភព៖ zingnews

• រូបភាព