លែងលាក់លៀម ពេជ្រ សោភា បើកចំហភាពផ្អែមល្អែមនឹង សក្កដា ពេញមុខពេញមាត់

រាជធានីភ្នំពេញ ៖ ជឿជាក់ថា បងប្អូនប្រាកដជាជ្រាបរួចមកហើយថា ដើមឆ្នាំ២០២២កន្លងទៅនេះ ផ្ទុះដំណឹងតារាចម្រៀង ពេជ្រ សោភា និងគូស្នេហ៍បែកគ្នាទៅហើយ បន្ទាប់ពីបង្ហោះសារផ្តល់តម្រុយនៅលីវទាំងសងខាង ធ្វើឲ្យហ្វេនៗខកចិត្តមិនស្ទើរ ព្រោះអ្នកទាំំងពីរស្រឡាញ់គ្នាច្រើនឆ្នាំទៅហើយ។

តែផ្ទុយទៅវិញ ប៉ុន្មានថ្ងៃចុងក្រោយនេះ ស្របពេលក្មួយប្រុសត្រូវរៀបការនោះ ស្រាប់តែផ្ទុះដំណឹង តារាចម្រៀងស្រីរូបនេះក៏ជិតចូលរោងដែរ ពោលគឺក្នុងខែតែមួយជាមួយនឹងក្មួយប្រុសតែម្តង ដែលធ្វើឲ្យមហាជននាំគ្នាចាំអ៊ុតមើលកូនកម្លោះជានរណាទៅ ដែលអាចបណ្តើរតារាស្រីរូបនេះជាកូនក្រមុំបាន?។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាន់តែល្បីរឿងជិតរៀបការ គេក្រឡេកឃើញ តារាចម្រៀង ពេជ្រ សោភា លែងលាក់លៀមគេឯង បណ្តើរគូស្នេហ៍លោក ឆឹម សក្កដា ផ្អែមល្អែមពេញមុខពេញមាត់ ក្នុងពិធីមង្គលការក្មួយប្រុសបង្កើត ធ្វើឲ្យហ្វេនៗដាក់ការរំពឹងកាន់តែខ្ពស់ថា កូនកម្លោះតារាចម្រៀង ពេជ្រ សោភា ប្រាកដជាលោក សក្កដា ជាក់ជាមិនខាន ប៉ុន្តែដើម្បីឲ្យកាន់តែច្បាស់នោះ មានតែរងចាំមើលទាំងអស់គ្នា ព្រោះឮគេល្បីថា ពិធីមង្គលនឹងចាប់ផ្តើមអាទិត្យក្រោយនេះហើយ៕

• ពេជ្រ សោភា
• ការងារ
• ជីវិត
• រូបភាព
• តារាខ្មែរ