ល្បីនៅថៃមិនអស់ចិត្ត វណ្ណ ដា ហោះទៅដល់វៀតណាម រហូតដល់គេចុះផ្សាយបែបនេះ

វៀតណាម៖ កាលពីថ្មីៗនេះ នៅលើគេហទំព័រ សារព័ត៌មានវៀតណាមមួយ បានធ្វើការចុះផ្សាយទៅនឹង តារាចម្រៀងរ៉េប វណ្ណ ដា ជាមួយនឹង កេរ្តិ៍ឈ្មោះដ៏ល្បីល្បាញក្នុងនាមជា ការពាំនាំ វប្បធម៌ប្រទេសរបស់ខ្លួន ដាក់ចូលក្នុងចម្រៀង ដោយក្នុងនោះគេបានសរសើរ លើកឡើងដូច្នេះថា៖

ចម្រៀងការរ៉េប ដែលមានប្រភពចេញពីអ្នកមានទេពកោសល្យ តាមដងផ្លូវនៃទីក្រុងញូវយ៉ក បានធ្វើឲ្យបទហ៊ីបហប បានប្រែក្លាយទៅជាទម្រង់សិល្បៈ ជាលក្ខណៈសកល ជាពិសេសនៅអាស៊ីអាគ្នេយ៍ សិល្បករជាច្រើនបាននាំយកលក្ខណៈវប្បធម៌ តាមរយនិយមប្លែកៗ មកដាក់ក្នុងបទចម្រៀងរបស់ពួកគេ។ ក្នុងចំណោមនោះ វណ្ណ ដា តារារ៉េបប្រុសមកពីប្រទេសកម្ពុជាបានបង្ហាញស្មារតីវប្បធម៌ខ្មែរក្នុង MV របស់លោកផងដែរ។
ដោយតាមរយៈ ការធ្វើបទសម្ភាសន៍មួយថា វណ្ណដា បានលើកឡើងថា តាមពិតអាស៊ីអាគ្នេយ៍ត្រូវបានចាត់ទុកថាជាទ្វីបដាច់ស្រយាលមួយដែលមានអាយុកាលវែង ឈរលើតម្លៃប្រវត្តិសាស្ត្រ នេះក៏ជាប្រភពនៃការបំផុសគំនិតសម្រាប់តារារ៉េបប្រុសរូបនេះ បានធ្វើការនិពន្ធបទចម្រៀងរ៉េបផ្សារភ្ជាប់នឹងវប្បធម៌ខ្មែរ ព្រោះតែមានមនុស្សមិនច្រើនទេដែលស្គាល់វប្បធម៌របស់ខ្មែរ គ្រាន់តែគិតថាវាជាឈ្មោះប្រទេសនៅក្នុងអាស៊ីតែប៉ុណ្ណោះ។
ទៀតសោត ជាមួយនឹងសមត្ថភាពក្នុងការប្រើប្រាស់នូវលំហូរដ៏គួរអោយចាប់អារម្មណ៍ គួបផ្សំនឹងទំនុកច្រៀងដ៏រំជួលចិត្ត វណ្ណ ដា បានទទួលនូវមតិវិជ្ជមានជាច្រើនអំពីដែលតារារ៉េបប្រុសរូបនេះបានបង្ហាញពីមោទនភាពជាតិនៅក្នុងបទចម្រៀងរបស់លោក អាចនិយាយបានថា «Time to Rise» ជាបទចម្រៀងរបស់តារារ៉េបប្រុសខ្មែរដែលសហការជាមួយតារាចម្រៀងចាប៉ីប្រចាំប្រទេសលោកតា គង់ ណៃ។ ការរួមផ្សំគ្នានៃរ៉េប និងហ្គីតាចាប៉ី បានធ្វើឱ្យមានរូបភាពនៃប្រទេសកម្ពុជា ដែលមានប្រវត្តិសាស្ត្រដ៏យូរលង់ ពោរពេញដោយភាពស្រស់ស្អាតវប្បធម៌ ដែលបានបង្ហាញអរិយធម៌ខ្មែរ ដែលទស្សនិកជនអាចមានអារម្មណ៍ថា សារដែលតារាចម្រៀងរ៉េបប្រុសម្នាក់នេះបានរ៉េប ពិតជាមោទនភាពសម្រាប់ជាតិរបស់លោកណាស់។
ចំពេលមានលំហូរតន្ត្រីជាសកល អ្នករ៉េបនៅក្នុងបណ្តាប្រទេសក្នុងអាស៊ីអាគ្នេយ៍ បានលេចចេញជា គំនិតប្លែកថ្មីជាមួយនឹងចង្វាក់ចាក់ហ៊ីបហប។ ដោយក្នុងនោះ សិល្បករអាស៊ីអាគ្នេយ៍ជាច្រើនជាទូទៅបានបង្កើតសហគមន៍ហ៊ីបហបភាសាដើម និងទាក់ទាញការចាប់អារម្មណ៍ពីអ្នកទស្សនាមិនថាក្នុងស្រុក ក៏ក្រៅស្រុកក្តី។ សម្រាប់លោក វណ្ណដា ជាពិសេស លោកពិតជាបុគ្គលលេចធ្លោមួយរូបរបស់សិល្បករនៅអាស៊ីអាគ្នេយ៍ ដែលបានចូលរួមចំណែកក្នុងការរីកចម្រើននៃសិល្បៈការរ៉េប លើវិថីក្នុងប្រទេសរបស់លោក ក៏ដូចជាតំបន់អាស៊ីអាគ្នេយ៍ដូច្នេះដែរ។

ព័ត៌មានវៀតណាម

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភព៖ Hip Hop Neva Sleeps

សូមទស្សនារូបភាពខាងក្រោម៖

វ៉ាន់ ដា

តារាខ្មែរ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

វ៉ាន់ ដា

SPONSORED CONTENT

ល្បីនៅថៃមិនអស់ចិត្ត វណ្ណ ដា ហោះទៅដល់វៀតណាម រហូតដល់គេចុះផ្សាយបែបនេះ

In Case You Missed It