ក្រោយលាក់ទុកជំងឺច្រើនឆ្នាំ សឿ សុធារ៉ា ទៅមន្ទីរពេទ្យពិគ្រោះផ្នែកចិត្តសាស្ត្រ

ភ្នំពេញ៖ តារាសម្ដែងអ្នកនាង សឿ សុធារ៉ា ជាតារាស្រីដែលទទួលបានប្រជាប្រិយភាពខ្លាំង។ ទន្ទឹមនឹងភាពជោគជ័យលើវិថីសិល្បៈគេដឹងថានាងធ្លាប់បានផ្អាកការងារសិល្បៈជាង១០ឆ្នាំបន្ទាប់ពីរៀបការរួច។ ពិតណាស់ បច្ចុប្បន្នតារារូបនេះ មានកូនប្រុសស្រី២នាក់ដោយកូនស្រីជាកូនច្បង និងកូនប្រុសជាប្អូន។ 

យ៉ាងណាមិញ ថ្មីៗនេះអ្នកនាង សឿ សុធារ៉ា បានងាកមកចូលសិល្បៈវិញ ខណៈកូនៗកាន់តែធំដឹងក្ដី។ ក្នុងនោះដែរ ស្របពេលចូលប្រឡូកលើវិថីចាស់ធ្លាប់ដើរពីមុនមិនបានប៉ុន្មានផង នាងត្រូវបានគេដឹងថា បច្ចុប្បន្នកំពុងមានជំងឺប្រចាំកាយ។ ដោយនាងធ្លាប់បានបង្ហើបប្រាប់ជារឿយៗថា ជំងឺមួយនេះកើតឡើងមកអស់ជាច្រើនឆ្នាំមកហើយ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង ក្រោយលាក់ទុកជំងឺអស់ជាច្រើនឆ្នាំពីភ្នែកមហាជន កាលពីម្សិលមិញនេះ អ្នកនាង សឿ សុធារ៉ា បានទៅមន្ទីពេទ្យ ដើម្បីពិគ្រោះជាមួយគ្រូពេទ្យផ្នែកចិត្តសាស្ត្រ។ លើសពីនេះទៅទៀត បន្ទាប់ពីមហាជន និងហ្វេនបានដឹងថាតារាស្រីរូបនេះ បានទៅព្យាបាល និងពិគ្រោះជាមួយគ្រូពេទ្យរួច ពួកគេបានជូនពរឲ្យនាងឆាប់ជាសះស្បើយគ្រប់ៗគ្នា៕ 

សូមទស្សនារូបភាពខាងក្រោម៖

ប្រភពរូបភាព៖ កៅ សីហា

• សឿ សុធារ៉ា
• រូបភាព
• តារាខ្មែរ