តិចអត់ដឹង! ជាប់ឈ្មោះជានាយកុយ ល្បីមកដល់បច្ចុប្បន្ន ដោយសាររឿងនេះសោះ (មានវីដេអូ)

កម្សាន្ត៖ ប្រិយមិត្តច្បាស់ជាដឹងស្រាប់ហើយថា លោកពូកុយ ឬ នាយកុយ គឺជាតារាកំប្លែងជើងចាស់មួយរូប ដែលមានប្រជាប្រិយភាពយ៉ាងខ្លាំង លោកតែងតែផ្ដល់សំណើចទៅកាន់អ្នកទស្សនាមិនចេះជិនណាយ។ ជាពិសេស ប្រិយមិត្តឆ្ងល់ទេថា រហ័សនាម នាយកុយ នេះ បានមកពីណា ហើយហេតុអ្វីបានជាធ្វើឲ្យតារាកំប្លែងឈ្មោះកុយនេះមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើក្រឡេកទៅមើលវីដេអូសម្ភាសន៍នៅក្នុងកម្មវិធី VTalk វីរៈសិល្បករជើងចាស់រូបនេះ បានទម្លាយពីប្រវត្តិនៃការចាប់ផ្ដើមដាក់ឈ្មោះមួយនេះ ជាប់មកដល់បច្ចុប្បន្ន។ នៅក្នុងនោះ កាលពីជំនាន់លោកនៅក្មេងៗអាយុខ្ទង់១០ឆ្នាំ រូបលោកត្រូវសម្ដែងជាតួអង្គឯក ក្នុងរឿង «ចៅស្រទាប់ចេក« ប៉ុន្ដែលោកសុខចិត្តបោះបង់ចោលមិនធ្វើជាតួឯក ព្រោះតែលោកចាប់អារម្មណ៍ទៅលើតួអង្គ នាយកុយ ដែលជាតួបែបថ្លុកកំប្លែង ជាមិត្តរបស់តួអង្គចៅស្រទាប់ចេកនោះទៅវិញ។

ទន្ទឹមនឹងនោះ​ តួអង្គនាយកុយនេះ ត្រូវបានអ្នកទស្សនាពេញចិត្តជាខ្លាំង ដែលធ្វើឲ្យលោកទៅណាមកណាក៏គេស្គាល់ថា នាយកុយ។ មិនតែប៉ុណ្ណោះ រូបលោកក៏រកឃើញខ្លួនឯងថា ខ្លួនចូលចិត្តកំប្លែង និងស្រឡាញ់អត្តចរិតនាយកុយនេះណាស់ ទើបជាប់ឈ្មោះ កុយ រហូតមកដល់បច្ចុប្បន្ន៕

ប្រភព៖ 3fun channel Cambodia

ដើម្បីឲ្យកាន់តែច្បាស់ សូមទស្សនាវីដេអូខាងក្រោម៖

• នាយកុយ
• វីដេអូ
• តារាខ្មែរ