ថេណា ឈរច្រៀងយ៉ាងខ្ចូត ពង្រាយមន្ដស្នេហ៍ដាក់ហ្វេនពេញហ្វេសប៊ុក (មានវីដេអូ)

កម្សាន្ត៖ ថ្មីៗនេះ តារាចម្រៀងសម្លេងស្រទន់ លោក ថេណា បានធ្វើឲ្យហ្វេនៗនាំគ្នាចាប់អារម្មណ៍ពេញបណ្ដាញសង្គមតាមរយៈវីដេអូមួយដែលទើបនឹងបង្ហោះ។ ស្របពេលនឹងចេញចម្រៀងថ្មីផងនោះ តារាប្រុសរូបនេះ បានថតវីដេអូប្រម៉ូតចម្រៀងខ្លួន ធ្វើស្ទាយ៍បែបខ្ចូតៗ ទាក់ទាញចិត្តអ្នកទស្សនាមែនទែន។

ទន្ទឹមនឹងនេះ បទដែលទើបនឹងទម្លាក់គឺមានចំណងជើងថា ដេញ ដែលទើបនឹងចេញបានប៉ុន្មានថ្ងៃប៉ុណ្ណោះ រីឯសន្ទុះនៃការគាំទ្រវិញ បទនេះត្រូវបានគេនិយមស្ដាប់ពេញអ៉ិនធើណែតបាត់ទៅហើយ។ ក្រឡេកទៅមើល លោក ថេណា វិញ លើកនេះ បានបង្ហាញភាពក្រមិកក្រមើមគួរឲ្យក្នាញ់ក្នុងវីដេអូខ្លីនេះ ធ្វើឲ្យអ្នកមើលលង់ស្នេហ៍កាន់តែខ្លាំង។

មិនតែប៉ុណ្ណោះ បើនិយាយពីសមត្ថភាពសិល្បៈរបស់ ថេណា វិញ គឺលោកមានជំនាញនិពន្ធចម្រៀង ធ្វើភ្លេង ចេះលេងហ្គីតា ឯសម្រស់ក៏សង្ហាទៀត មួយវិញទៀតនោះ ចម្រៀងបទណាក៏ពីរោះ ធ្វើឲ្យអ្នកស្ដាប់បញ្ចូលមនោសញ្ចេតនាទៅតាមប៉ារ៉ូលតែម្ដង៕

ប្រភព៖ Tena Khimphun

• ថេណា
• វីដេអូ
• តារាខ្មែរ