កក្រើកពិភពលោកជាមិនខាន! វណ្ណដា និង ជី​ ដេវីត ចាប់ដៃគ្នាចេញចម្រៀង?

កម្សាន្ត៖ ផ្ទុះបណ្ដាញសង្គម ក្រោយម្ចាស់ភោជនីយដ្ឋាន ព្រះដាក់ បានបង្ហោះសារអបអរដែលតារាចម្រៀងរ៉េបដ៏ល្បីល្បាញប្រចាំប្រទេសកម្ពុជាទាំង២នាក់គឺ លោក វណ្ណដា និង លោក​ ជី ដេវីត បានទៅស្រស់ស្រូបអាហារនៅកន្លែងរបស់ខ្លួន។

នៅក្នុងការបង្ហោះនោះ បានភ្ជាប់ជាមួយរូបភាព៣សន្លឹក ដែលមាន លោក វណ្ណដា ថតជាមួយហ្វេន និង រូប លោក ជី ដេវីត ក៏បានថតជាមួយហ្វេនតែមួយដូចគ្នាផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើទោះបីជាម្ចាស់ភោជនីយដ្ឋាន មិនបានបញ្ជាក់ថា តារារ៉េបទាំង២នាក់ ស្រស់ស្រូបអាហាររួមតុគ្នាឬយ៉ាងណានោះ ប៉ុន្ដែមហាជនបានដាក់ការសង្ស័យថា លោក វណ្ណដា និង លោក​ ជី ដេវីត ច្បាស់ជាណាត់ជួបគ្នា ដើម្បីពិភាក្សាររឿងចេញចម្រៀងជាមិនខាន។

យ៉ាងណាមិញ ម្ចាស់ហាង បានបញ្ជាក់ប្រាប់ ខ្មែរឡូត ដែរថា ចំពោះការរួមតុឬយ៉ាងណានោះ ពួកគេមិនអាចប្រាប់បាននោះទេ ព្រោះវាជាសិទ្ធឯកជនរបស់តារាទាំង២ ដូចនេះ យើងមានតែចាំមើលថា តើការសង្ស័យមួយនេះ នឹងក្លាយជាការពិតឬយ៉ាងណា៕

ប្រភព៖ ព្រះដាក់ 

• ងួន ចាន់ដេវីត
• វណ្ណដា
• ចម្រៀង
• រូបភាព
• តារាខ្មែរ