ស្វាមី សាន់ឆាយ ធ្វើរឿងមួយនេះ ពេលចូលរួមកម្មវិធី ជាមួយ ម្ដាយនាង

កម្សាន្ត៖ លោក DJ Koo ដែលជាស្វាមីរបស់តារាសម្តែងស្រី Barbie Hsu បានចេញទៅញ៉ាំអាហារពេលល្ងាចជាមួយនឹង ម្តាយ និងបងប្អូនរបស់នាង បន្ទាប់ពី រូបលោកបានរក្សាភាពស្ងប់ស្ងាត់មួយរយៈ ចាប់តាំងពី ភរិយារបស់ខ្លួនបានស្លាប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ប្រភព ​​​​Sinchew បានឲ្យដឹងថា ពិធីជប់លៀងនេះ ត្រូវបានរៀបចំដោយ MC Dee Hsu ដែលជាប្អូនស្រីរបស់ Barbie Hsu នៅភោជនីយដ្ឋានមួយកន្លែង ក្នុងទីក្រុងតៃប៉ិ ដើម្បីអបអរសាទរនាងឈ្នះពានរង្វាន់ Golden Bell Award។ អ្នកស្រី Huang Chun Mei ដែលជាម្ដាយ Barbie Hsu រួមទាំង Dee Hsu និងស្វាមីរបស់នាង និងប្អូនស្រីរបស់នាង រួមទាំងសាច់ញាតិជិតស្និទ្ធមួយចំនួន ក៏បានចូលរួម។

អ្នកថតរូបបានបង្ហាញថា បន្ទាប់ពីពិធីជប់លៀង ក្រុមគ្រួសារទាំងមូលបានចាកចេញម្តងមួយៗ។ ពេលចាកចេញ លោក DJ Koo បានដាក់ដៃរបស់ខ្លួន នៅលើស្មារបស់ម្តាយរបស់ Barbie Hsu ហើយម៉ាស្សាស្មារបស់អ្នកស្រី បន្ទាប់មក ជូនដំណើរទៅឡាន។ សកម្មភាពរបស់លោក គឺធម្មជាតិ និងមានភាពស្និទ្ធស្នាល ដែលត្រូវបានពិពណ៌នាដោយប្រព័ន្ធផ្សព្វផ្សាយថា មានភាពកក់ក្តៅ និងរួសរាយរាក់ទាក់។ ទន្ទឹមនឹងនេះ អ្នកស្រី Huang មើលទៅហត់នឿយ រាងស្គមជាងមុន ភ្នែកមើលទៅ ហាក់បីដូចជាទើបតែយំ។ 

ចាប់តាំងពីលោក Barbie Hsu បានទទួលមរណភាពមក ក្រុមគ្រួសាររបស់នាង មិនទាន់បានយកឈ្នះលើវិបត្តិផ្លូវចិត្តនៅឡើយទេ។ ទន្ទឹមនឹងនេះដែរ លោក DJ Koo ដែលជាស្វាមីរបស់នាង ក៏មិនទាន់បានយកឈ្នះលើការឈឺចាប់នៃការបាត់បង់ភរិយារបស់ខ្លួននៅឡើយ។ ជារៀងរាល់ថ្ងៃ រូបលោក តែងទៅទីបញ្ចុះសព ដោយយកអាហារ និងភេសជ្ជៈមកដាក់លើផ្នូររបស់នាង ដែលធ្វើឲ្យមនុស្សជាច្រើនមានអារម្មណ៍ក្ដុកក្ដួលក្នុងចិត្ត ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន
• តារាកូរ៉េ