Son Ye Jin និង ស្វាមី បង្ហាញភាពស្រស់ស្អាត ចូលរួមកម្មវិធីមួយនេះ ជាមួយគ្នា

កម្សាន្ត៖ គូស្វាមីភរិយា តារាសម្ដែងប្រុស លោក Hyun Bin និង តារាសម្ដែងស្រី Son Ye Jin បានទាក់ទាញការចាប់អារម្មណ៍ជាពិសេស ពីប្រព័ន្ធផ្សព្វផ្សាយ និងទស្សនិកជនជាច្រើន នៅពេលដែលអ្នកទាំងពីរ បានចូលរួមពិធីប្រគល់រង្វាន់ Blue Dragon Film Awards ឆ្នាំ ២០២៥ នៅល្ងាចថ្ងៃទី ១៩ ខែវិច្ឆិកា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាសម្ដែងស្រី Son Ye Jin បានដើរលើកម្រាលព្រំក្រហមនៃពិធីប្រគល់រង្វាន់ Blue Dragon Film Awards លើកទី ៤៦ ដែលព្រឹត្តិការណ៍នេះ បានធ្វើឡើងនៅ KBS Hall ក្នុង Yeouido ទីក្រុងសេអ៊ូល។ តារាស្រីរូបនេះ បានជ្រើសរើសរ៉ូបដែលអាចមើលឃើញច្បាស់ បង្ហាញពីសម្រស់សិចស៊ីរបស់នាង។

នៅឆ្នាំនេះ ខ្សែភាពយន្តរបស់ Son Ye Jin ដែលមានចំណងជើងថា «No Other Choice» ត្រូវបានតែងតាំងសម្រាប់ពានរង្វាន់ភាពយន្តល្អបំផុត រួមជាមួយខ្សែភាពយន្តរបស់ស្វាមីនាងដែលមានចំណងជើងថា «Harbin»។

គូស្វាមីភរិយាមួយគូនេះ បានអង្គុយក្បែរគ្នានៅក្នុងពិធីប្រគល់រង្វាន់។ កាសែតកូរ៉េ Newsen និង Osen បានសរសើរអ្នកទាំងពីរថាជាគូស្នេហ៍ដ៏ស្រស់ស្អាត និងភ្លឺស្វាងបំផុតនៅក្នុងព្រឹត្តិការណ៍នេះ ហើយរំពឹងថា ពួកគេនឹងឈ្នះពានរង្វាន់ខ្ពស់ នៅក្នុងពិធីប្រគល់រង្វាន់ឆ្នាំនេះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ