ក្រុមហ៊ុន Unicharm លំដាប់លេខ ១ របស់ប្រទេសជប៉ុនផ្នែកខោទឹកនោមកូនក្មេង ប្រកាសដាក់លក់ផលិតផលខោទឹកនោមម៉ាកជប៉ុន “Moony” ជាផ្លូវការនិងលើកដំបូងនៅក្នុងទីផ្សារកម្ពុជា

ភ្នំពេញ៖ ក្រុមហ៊ុន Unicharm ត្រូវបានបង្កើតឡើងនៅប្រទេសជប៉ុនប្រមាណ ៦៥ ឆ្នាំមុន មានការិយាល័យកណ្តាលនៅទីក្រុងតូក្យូ ហើយបច្ចុប្បន្នកំពុងចែកចាយផលិតផលរបស់ខ្លួននៅប្រហែល ៨០ ប្រទេសជុំវិញពិភពលោក។

ដូចដែលអ្នកទាំងអស់គ្នាបានដឹងហើយថា ប្រទេសជប៉ុនគឺជាប្រទេសមួយដែលផ្តោតសំខាន់ និងយកចិត្តទុកដាក់យ៉ាងម៉ត់ចង់ទៅលើគុណភាព។ តាមរយៈផលិតផលដែលមានគុណភាពខ្ពស់ Unicharm ជាក្រុមហ៊ុនដែលយកចិត្តទុកដាក់ និងឈរជាមួយអ្នកប្រើប្រាស់យ៉ាងស្មោះត្រង់នៅគ្រប់ដំណាក់កាលនៃជីវិត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយជឿជាក់ជានិច្ចថា «គុណភាពពិតប្រាកដ ចាប់ផ្តើមពីការថែរក្សា និងការយកចិត្តទុកដាក់។» ផលិតផលរបស់ Unicharm បានទទួលការជឿទុកចិត្តយ៉ាងខ្ពស់ពីបណ្តាប្រទេសនានា។

នៅថ្ងៃនេះ Unicharm បានប្រកាសជាផ្លូវការអំពីការដាក់លក់ម៉ាក “Moony” ដែលជាម៉ាកគុណភាពពិសេស មានដើមកំណើតពីប្រទេសជប៉ុន នៅក្នុងព្រះរាជាណាចក្រកម្ពុជា។ ការជ្រើសរើសកម្ពុជាជាទីផ្សារដាក់លក់ បង្ហាញពីការជឿជាក់របស់យើងចំពោះសក្តានុពលនៃការអភិវឌ្ឍន៍នាពេលអនាគតរបស់ប្រទេសនេះ ព្រមទាំងការជឿទុកចិត្តលើសេចក្តីស្រឡាញ់ និងការយកចិត្តទុកដាក់យ៉ាងខ្លាំងរបស់ឪពុកម្តាយកម្ពុជា ចំពោះកូនតូចៗរបស់ពួកគេ។

·     ផលិតផលទាំងនេះត្រូវបានផលិតនៅរោងចក្រនៅប្រទេសជប៉ុន។ ខណៈដែលក្រុមហ៊ុនមួយចំនួនដែលមិនមែនជាក្រុមហ៊ុនជប៉ុន បានដាក់ពាក្យដូចជា “Japan Quality” ឬ “Japan Technology” នៅលើការកញ្ចប់ ដោយគ្មានមូលដ្ឋានច្បាស់លាស់ ហើយលក់ផលិតផលដូចជាផលិតនៅជប៉ុននោះ ប៉ុន្តែ Unicharm គឺជាផលិតផល Made in Japan ពិតប្រាកដ។

Unicharm គឺជាក្រុមហ៊ុនដែលបានបង្កើតខោទឹកនោមប្រភេទស្លៀក (pants-type diapers) និងជាក្រុមហ៊ុនដំបូងគេនៅលើពិភពលោក ដែលបានផលិត និងចែកចាយផលិតផលនេះ។ ចាប់តាំងពីឆ្នាំ 1981 ដែលគិតមកដល់បច្ចុប្បន្នគឺបាន ៤៥ ឆ្នាំហើយដែល ក្រុមហ៊ុន យូនីឆាម គឺជាក្រុមហ៊ុនលំដាប់លេខ ១ ក្នុងវិស័យផ្សារហ៊ុននៅក្នុងប្រទេសជប៉ុន។

Moony គឺជាផលិតផលដែលបានបង្កើតឡើង ថ្មីផ្នែកបច្ចេកវិទ្យាដែលមានលក្ខណៈពិសេស និងតាមស្តង់ដារផលិតដ៏តឹងរឹងរបស់ប្រទេសជប៉ុន។ Moony ត្រូវបានរចនាឡើង ដើម្បីផ្តល់ភាពទន់ និងសុវត្ថិភាពដល់ទារក និងផ្តល់សេចក្តីស្ងប់ចិត្តរាល់ថ្ងៃដល់មាតាបិតា និងអ្នកថែទាំ។

ហើយយើងខ្ញុំសង្ឃឹមថា Moony នឹងក្លាយជាចំណែកមួយក្នុងការគាំទ្រទាំងការលូតលាស់និងសុខភាពល្អរបស់ទារក ដែលធ្វើអោយជីវិតប្រចាំថ្ងៃរបស់គ្រួសារកម្ពុជាពោរពេញដោយក្តីស្រឡាញ់។ ខ្ញុំសូមអរគុណយ៉ាងជ្រាលជ្រៅចំពោះការយកចិត្តទុកដាក់ស្តាប់របស់អស់លោកលោកស្រីដែលបានអញ្ជើញចូលរួមកម្មវិធីនៅក្នុងថ្ងៃនេះ។

សុន្ទរកថានេះត្រូវបានថ្លែងយ៉ាងមានឥទ្ធិពលក្នុងព្រឹត្តិការណ៍សម្ពោធដ៏មានអត្ថន័យនេះដោយ លោក Takua Hayashi (Cambodia Business Controller) នៃក្រុមហ៊ុន Unicharm Corporation៕