លាហើយ! ជើងចាស់ R.Madrid រូបនេះនឹងចាកចេញពីក្លិប ពេលចប់រដូវកាល

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា កីឡាករ Dani Carvajal ដែលជាប្រធានក្រុម Real Madrid បច្ចុប្បន្ន បានសម្រេចចិត្តចាកចេញពីក្លិបហើយនៅចប់រដូវកាលនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការសម្រេចចិត្តនេះបានធ្វើឡើងដោយ Carvajal ផ្ទាល់ ខណៈដែលខាងក្លិប Real Madrid ក៏បានទទួលយកការសម្រេចចិត្តរបស់កីឡាករសញ្ជាតិអេស្ប៉ាញរូបនេះផងដែរ។ Dani Carvajal គឺជាកីឡាកររៀមច្បងរបស់ Real Madrid ដែលបានចូលរួមជាមួយក្លិបតាំងពីអាយុ១០ឆ្នាំ ហើយនាឆ្នាំ ២០១០ កីឡាកររូបនេះបានឡើងមកលេងឈុត B របស់ Real Madrid ហើយបានបង្ហាញមុខជាកីឡាករឈុតធំរបស់ក្រុមអធិរាជស ចាប់តាំងពីឆ្នាំ២០១៣។

មកទល់ពេលនេះ Dani Carvajal ជាកីឡាករដែលបានជួយក្លិបឈ្នះពានរង្វាន់ជាច្រើន សរុបទាំងអស់២៧ពានឯណោះ ដោយក្នុងនោះមានពាន La Liga ចំនួន ៤,  Copa Del Rey ចំនួន ២ និងពាន Champions League ចំនួន ៦ ផងដែរ៕