ក្ដៅក្រហាយពេក! លោក Flick ដៀលកូនក្រុមចំៗកាលប្រកួតទល់នឹង AT.Madrid ថាលេងចឹងៗអី សមនឹងគេស៊ីដល់...

 កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា លោកគ្រូបង្វឹក Hansi Flick ពិតជាមានការខឹងសម្បានឹងកូនក្រុមរបស់លោកខ្លាំងណាស់ នាអំឡុងការប្រកួតទល់នឹង Atletico Madrid ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីយប់ឈានចូលថ្ងៃទី១៣ខែកុម្ភៈកន្លងទៅនេះ ក្រុមភ្ញៀវ Barcelona បានទៅចួបក្រុមម្ចាស់ផ្ទះ Atletico Madrid ក្នុងជំនួបវគ្គពាក់កណ្ដាលផ្ដាច់ព្រ័ត្រពានរង្វាន់ Copa Del Rey ជើងទី១ ដោយលទ្ធផល ក្រុមលោកត្រូវម្ចាស់ផ្ទះលត់ ៤ ទល់នឹង០ ខណៈកីឡាករ Eric Garcia ស៊ុតបញ្ចូលទីខ្លួនឯងបើកឆាកតែម្ដង។

យ៉ាងណាមិញ ៤គ្រាប់ដំបូងទាំងនេះសុទ្ធតែកើតឡើងនៅតង់ទី១ទាំងអស់ ដែលធ្វើឲ្យលោកគ្រូបង្វឹកសញ្ជាតិអាល្លឺម៉ង់រូបនេះក្រពុលមុខជាខ្លាំង ហើយពេលម៉ោងសម្រាកតង់នោះ លោកបានស្ដីបន្ទោសទៅកូនក្រុមថា បើសិនជាបន្តលេងរបៀបនេះទៀត គឺសមនឹងចាញ់គេដល់ទៅ ៧ ទល់នឹង០ ឯណោះ មិនមែន ៤-០ នោះឡើយ។

តែយ៉ាងណាមិញ នៅតង់ទី២ កីឡាកររបស់ Barcelona គ្មានឱកាសបានរកគ្រាប់បាល់វាយបកតាមស្មើក្រុមម្ចាស់ផ្ទះនោះឡើយ ទើបរក្សាលទ្ធផលនេះដល់ចប់ការប្រកួត៕