ទេព បូព្រឹក្ស ធ្វើអីក៏ខុស? អ្នកគាំទ្រនាំគ្នាបង្ហាញក្ដីអាណិតចំពោះ ទេព បូព្រឹក្ស បន្ទាប់ពីត្រូវបានគេរិះគន់ក្នុងកម្មវិធីមួយ

កម្សាន្ត៖ ផ្ទុះការចាប់អារម្មណ៍ពេញបណ្ដាញសង្គមបន្ទាប់ពីមានការរិះគន់ទៅកាន់តារាចម្រៀងស្រី អ្នកនាង ទេព បូព្រឹក្ស ពាក់ព័ន្ធនឹងការប្រគំតន្ត្រីខ្នាតតូច ដើម្បីផ្សព្វផ្សាយភេសជ្ជៈ និងការប្រកាសឡើងជាទូតសុឆន្ទៈថ្មីនៃក្រុមហ៊ុនភេសជ្ជៈពៅកម្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ មានគណនីហ្វេសប៊ុកមួយបានបង្ហោះរូបភាពភ្ជាប់ជាមួយសារ បច្ចុប្បន្នបានលុបបាត់ទៅហើយ ក្នុងអត្ថន័យចោទប្រកាន់ថា តារាស្រីរូបនេះយកវប្បធម៌មករកស៉ី មើលទៅមិនសមទំនងទៅវិញ បន្ថែមពីនោះក៏មានអ្នកខមិនជាន់ពន្លិចថែមជាបន្តបន្ទាប់ផងដែរ។

ផ្ទុយស្រឡះពីសម្ដីរិះគន់ យើងគ្រប់គ្នាដឹងស្រាប់ហើយថា អ្នកនាង ទេព បូព្រឹក្ស គឺជាតារាចម្រៀងស្រីដែលតែងតែខិតខំប្រឹងប្រែងលើកតម្កើងវប្បធម៌តាមរយៈការបង្កើតបទចម្រៀង និងវីដេអូបទចម្រៀងដ៏អស្ចារ្យ ដូចជាបទ “ទេវរាជ” និង “វិរនារី Top of the lady” និងចម្រៀងជាច្រើនទៀតដែលរួមគ្នាផលិតជាមួយលោក ងួន ចាន់ដេវីតផងដែរ។

ជាមួយគ្នានោះ អ្នកគាំទ្រជាច្រើនបាននាំគ្នាបង្ហោះសារលើកទឹកចិត្តទៅកាន់អ្នកនាង ទេព បូព្រឹក្ស ថាសូមកុំឲ្យបាក់ទឹកចិត្ត និងនៅតែបន្ដនាំយកវប្បធម៌ជាតិផ្សព្វផ្សាយឲ្យបានជាបន្ដទៀត។ អ្នកគាំទ្រក៏បានបង្ហាញការខឹងសម្បារលើបុគ្គលដែលចោទប្រកាន់ និងមានបំណងជាន់ពន្លិចទៅកាន់អាយដលដូចគ្នា និងកំពុងតែនាំគ្នាវែកញ៉ែកពេញបណ្ដាញហ្វេសប៊ុក។

នៅក្នុងនោះមហាជនទូទៅក៏បង្ហាញនូវការហួសចិត្ត និងអាណិតទៅកាន់តារាស្រីរូបនេះជាខ្លាំង ដោយសារតែរូបនាងតែងតែត្រូវគេតាមចាប់កំហុសគ្រប់រឿងរ៉ាវ បើទោះបីជានាងខិតខំដើម្បីប្រយោជន៍ជាតិយ៉ាងណាក្ដី។

អមជាមួយគ្នានេះដែរ សូមសរសើរនូវការខិតខំព្យាយាមរបស់តារាចម្រៀងទេព បូព្រឹក្ស និងលោក ជី ដេវីត ក៏ដូចជាតារាចម្រៀងដ៏ទៃជាច្រើនទៀតដែលតែងតែខិតខំប្រឹងប្រែងលើកស្ទួយវប្បធម៌ជាតិតាមរយៈវិស័យតន្ត្រី៕

អត្ថបទដោយ៖ Min 

• ទេព បូព្រឹក្ស
• តារាខ្មែរ