រំភើបមែនទែន! ជាថ្មីម្ដងទៀត G-Devith និង​ ទេព បូព្រឹក្ស បាននាំយកតន្ត្រីបូករួមវប្បធម៌ខ្មែរទៅកាន់ពិភពលោក (មានវីដេអូ)

កាលពីថ្មីៗកន្លងទៅនេះ តារាចម្រៀងរ៉េបដ៏ល្បីល្បាញប្រចាំរាជាណាចក្រកម្ពុជា លោក G-Devith និង តារាចម្រៀងស្រីសហសម័យ អ្នកនាងTep Boprek បានរួមគ្នាសម្ដែងបង្ហាញវប្បធម៌ខ្មែរលើឆាកអន្តរជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើឆាកតន្ត្រីដ៏ធំអស្ចារ្យនៃកម្មវិធី Round Festival 2026 នៅឯប្រទេសហ្វីលីពីន ដែលមានអ្នកទស្សនារាប់ម៉ឺននាក់ និងរាប់សិបម៉ឺននាក់តាមបណ្ដាញអ៉ិនធើណែត។ មិនតែប៉ុណ្ណោះកម្មវិធីនេះ ចូលរួមដោយតារាល្បីៗជុំវិញពិភពលោក ជាកិត្តិយសធំធេងដែលតារាចម្រៀងខ្មែរទាំង២ដួង បានឡើងសម្ដែង ថែមទាំងបង្ហាញវប្បធម៌ខ្មែរ តាមរយៈរបាំអប្សរាទៅកាន់ទស្សនិកជនអន្តរជាតិ។ 

ខណៈពេលដែលនៅប្រទេសកម្ពុជាកំពុងមានកម្មវិធីនគរសង្ក្រាន្ត ជាទូទៅសិល្បករតែងតែទទួលបានការងារជាហូរហែឬអាចនិយាយបានថា ជាឪកាសកើបលុយ បែរជាអ្នកទាំង២បោះបង់ឪកាសនេះ ហើយយកឪកាសនាំយកតន្ត្រីសិល្បៈខ្មែរទៅក្រៅប្រទេស ដោយមិនចំណេញថវិកាសោះ ថែមទាំងចំណាយដើមទុនខ្លួនឯងទៅទៀត នេះគឺជាការលះបង់ដ៏ធំធេញជូនទៅកាន់ប្រទេសជាតិ និងសង្គមសិល្បៈតន្ត្រីទាំងមូល។ 

ពិតជាធ្វើបានល្អឥតខ្ចោះ លោក G-Devith និងអ្នកនាង ទេព បូព្រឹក្ស តែងតែខិតខំប្រឹងប្រែងផ្សព្វផ្សាយសិល្បៈខ្មែរ ពិសេសជាចំណែកនាំប្រទេសជាតិទៅតាមខ្លួនជានិច្ច៕

វីដេអូ G-Devith ៖

 https://www.facebook.com/share/v/1GTHyroA3n/

https://www.facebook.com/share/r/18UmZPgU6c/

https://www.facebook.com/share/r/18gvp8xp3z/

វីដេអូ ទេព បូព្រឹក្ស ៖ https://www.facebook.com/share/r/1CN4HptJdY/

• ទេព បូព្រឹក្ស
• ងួន ចាន់ដេវីត
• វីដេអូ
• តារាខ្មែរ