តើក្រុមមួយណានឹងក្លាយជាជើងឯកម្ចាស់ពានរង្វាន់ CS2 Asia Championships 2026 ប្រចាំតំបន់អាស៊ី?

នៅក្នុងប្រវត្តិសាស្ត្រនៃព្រឹត្តិការណ៍ CS Asia Championships មិនទាន់មានក្រុមមកពីអាស៊ី ណាមួយធ្លាប់ ឈ្នះ ពាន រង្វាន់ នេះ នៅ ឡើយ​ទេ។ ប៉ុន្តែសម្រាប់ឆ្នាំនេះក្រុមខ្លាំងៗបំផុតប្រចាំតំបន់នឹងមកជួបជុំគ្នានៅទីក្រុងស៊ាងហៃ។ ខាងក្រោមនេះ​ជា​ការ​ចុះ​ផ្សាយ​ពិសេស​​ពី 1xBet ស្តីពីទម្រង់នៃការប្រកួត និងក្រុមដែលមានឱកាសឈ្នះពានរង្វាន់ច្រើនជាងគេ។

ព្រឹត្តិការណ៍ CS Asia Championships ត្រូវបានបង្កើតឡើងដំបូងបង្អស់នៅក្នុងឆ្នាំ2018 ដោយកាលនោះក្រុម NAVI ជា​ម្ចាស់​ជើង​ឯក​ដំបូងគេ។ នៅឆ្នាំបន្ទាប់ ក្រុមMOUZ បានឈ្នះពានរង្វាន់នេះ បន្ទាប់មកការប្រកួតក៏ត្រូវបានខកខានអស់រយៈពេល 4 ឆ្នាំ។ ការ​ប្រកួត​​​នេះបានត្រលប់មកវិញនៅក្នុងឆ្នាំ 2023 ដែលព្រឹត្តិការណ៍ CS Asia Championships 2023 បាន​ក្លាយ​ជាការ​ប្រកួត​ដំបូង​ៗ​គេ​បង្អស់​សម្រាប់ហ្គេមជំនាន់ថ្មី CS2 ហើយកាលនោះក្រុម FaZe Clan ជាអ្នកឈ្នះ។ចំណែកឯក្រុមដែលកំពុង​កាន់កាប់​ពាន​រង្វាន់​បច្ចុប្បន្ន​ គឺក្រុម Legacy មកពីប្រទេសប្រេស៊ីល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទម្រង់នៃការប្រកួត និងក្រុមចូលរួម

ព្រឹត្តិការណ៍ CS Asia Championships 2026 នឹងត្រូវរៀបចំឡើងនៅទីក្រុងស៊ាងហៃ ចាប់ពីថ្ងៃទី 19 ដល់ថ្ងៃទី 24 ខែ​ឧសភា​ដែល​មាន​ប្រាក់រង្វាន់សរុបដល់ទៅ$1,000,000។ នៅក្នុងវគ្គដំបូង ក្រុមចូលរួមទាំង 16 នឹងត្រូវបែងចែកជាពីរក្រុមស្មើគ្នា។ បន្ទាប់​ពី​ការ​ប្រកួត​ជម្រុះតាមរូបមន្តចាញ់ពីរដង ក្រុមឆ្នើមចំនួនបីមកពីក្រុមនីមួយៗនឹងឡើងទៅវគ្គបន្ត។ ក្រុមដែលឈរនៅកំពូលតារាង​នឹងឡើង​ទៅ​រង់ចាំនៅវគ្គពាក់កណ្តាលផ្តាច់ព្រ័ត្រតែម្តង ខណៈក្រុមលេខពីរ និងលេខបីត្រូវប្រកួតចាប់ផ្តើមពីវគ្គបួនក្រុមចុងក្រោយ។

នៅថ្ងៃចុងក្រោយនៃការប្រកួត អ្នកគាំទ្រនឹងបានទស្សនាការប្រកួតដណ្តើមចំណាត់ថ្នាក់លេខបីនិងការប្រកួតវគ្គផ្តាច់ព្រ័ត្រដ៏ជក់ចិត្ត ដោយ​ក្រុមជើងឯកនឹងទទួលបានពានរង្វាន់ CS2 ប្រចាំអាស៊ី ព្រមទាំងប្រាក់រង្វាន់ចំនួន $400,000។

ក្រុមអ៊ីស្ពតភាគច្រើន (14 ក្នុងចំណោម 16 ក្រុម) ទទួលបានការអញ្ជើញចូលរួមដោយផ្ទាល់ផ្អែកលើចំណាត់ថ្នាក់ពិភពលោករបស់ Valve។ បើទោះជាមានក្រុមមួយចំនួនបានបដិសេធការអញ្ជើញក្តី ប៉ុន្តែសមាសភាពក្រុមចុងក្រោយនៅតែជា​ក្រុមខ្លាំង​បំផុតក្នុ​ង​ប្រវត្តិ​សាស្ត្រ​នៃការប្រកួតនេះ។ ចំណែកកៅអីដែលនៅសល់ទាំងពីរគឺបានមកពីការប្រកួតជម្រុះតាមតំបន់ ដែលបានទៅលើក្រុមចិន TYLOO និង Lynn Vision។

បញ្ជីឈ្មោះក្រុមដែលត្រូវចូលរួមប្រកួតក្នុងព្រឹត្តិការណ៍ CS Asia Championships 2026 មានដូចខាងក្រោម៖

●PARIVISION

●Team Falcons

●MOUZ

●The MongolZ

●Team Liquid

●B8

●3DMAX

●Legacy

●NRG

●paiN Gaming

●M80

●BC.Game

●MIBR

●Ninjas in Pyjamas

●TYLOO

●Lynn Vision

អ្វីដែលគួរឱ្យកត់សម្គាល់ផងដែរនោះគឺវត្តមានដ៏ច្រើនកុះកររបស់ក្រុមមកពីតំបន់អាមេរិក។ ក្រុមសរុបចំនួនប្រាំមួយមកពីអាមេរិក​ខាង​ជើង​ និងអាមេរិកខាងត្បូងរួមមាន Liquid, Legacy, NRG, paiN Gaming, M80 និង MIBR បានសម្រេច​ចិត្ត​ធ្វើ​ដំណើរ​មក​កាន់​ទី​ក្រុង​ស៊ាងហៃ ដោយក្នុងនោះមានក្រុមខ្លះទើបតែបញ្ចប់ការប្រកួតជាផ្លូវការនៅព្រឹត្តិការណ៍ IEM Atlanta 2026 ភ្លាមៗតែម្តង។

ក្រុមមានសង្ឃឹមឈ្នះខ្ពស់ និងក្រុមមានសង្ឃឹមទាប

មកដឹងពីក្រុមខ្លាំងកំពូលទាំងប្រាំដែលមានឱកាសឈ្នះពានរង្វាន់នេះជាងគេ៖  

●The MongolZ៖ ក្រុមដែលខ្លាំងបំផុតប្រចាំតំបន់អាស៊ីមួយនេះចូលរួមប្រកួត​ក្នុង​នាម​ជា​ក្រុម​ដែលមានសង្ឃឹម​ឈ្នះ​ខ្ពស់​ជាង​គេបំផុត។មុនពេលមកដល់ទីក្រុងស៊ាងហៃក្រុមដែលមានដៃគូសហការធំមកពី1xBetមួយនេះត្រូវឆ្លង​កាត់​ការ​ប្រកួត​នៅកម្មវិធីPGL Astana 2026ដែលនេះមានន័យថាពួកគេនឹងមកដល់ព្រឹត្តិការណ៍CS Asia Championships 2026ក្នុងទម្រង់លេងដ៏ល្អបំផុត។

●Team Falcons៖ ក្រុមដែលពោរពេញដោយកំពូលអ្នកបាញ់ដូចជាNiKo, m0NESYនិងkyousukeមួយនេះទើប​តែ​ត្រូវ​បាន​ពង្រឹងសមត្ថភាពបន្ថែមដោយការនាំយកប្រធានក្រុមដ៏ល្បីល្បាញkarriganមកពីក្រុមFaZe Clan។ការ​ដោះ​ដូរ​កីឡាករ​នេះបានធ្វើឱ្យក្រុមFalconsក្លាយជាគូប្រកួតដ៏គួរឱ្យខ្លាចបំផុតទោះបីជា​សមាជិក​ថ្មីមិនទាន់​មាន​ពេល​ច្រើន​ដើម្បី​លេង​ឱ្យស៊ីចង្វាក់គ្នាក៏ដោយ។

●PARIVISION៖ ក្រុមរបស់Jameធ្វើបានយ៉ាងល្អនៅដើមរដូវកាលដោយបានឈ្នះពានរង្វាន់BLAST Bounty Winter 2026ហើយទទួលបានចំណាត់ថ្នាក់លេខពីរនៅកម្មវិធីPGL Cluj-Napoca 2026។ក្រុមនេះធ្លាប់​ឈរ​នៅ​កំពូល​តារាង​ទាំង​5ប្រចាំពិភពលោកអស់រយៈពេលយ៉ាងយូរប៉ុន្តែហាក់អន់ថយបន្តិចវិញក្នុងរយៈពេលប៉ុន្មានខែចុងក្រោយនេះ។ការ​ឈ្នះ​​ពាននៅស៊ាងហៃអាចជួយឱ្យPARIVISIONត្រលប់មកឈរក្នុងចំណោមក្រុមខ្លាំងលំដាប់កំពូលឡើងវិញមុនពេលការប្រកួតកម្មវិធីធំៗនៅរដូវក្តៅមកដល់។

●3DMAX៖ កាលពីឆ្នាំមុនក្រុមមកពីប្រទេសបារាំងមួយនេះបានខកចិត្តយ៉ាងខ្លាំងដោយបានចាញ់ក្រុមLegacyក្នុង​លទ្ធផល​2-3នៅវគ្គផ្តាច់ព្រ័ត្រទាំងប្រផិតប្រផើយ។ផ្អែកលើការបង្ហាញទម្រង់លេងរបស់ពួកគេក្នុងរដូវកាលនេះពួកគេ​មាន​ឱកាសខ្ពស់ក្នុងការសងសឹកនិងដណ្តើមយកពានរង្វាន់ជើងឯកនាពេលនេះ។

●MOUZ៖ បើស្ថិតក្នុងស្ថានភាពធម្មតាក្រុមMOUZប្រាកដជាមានឈ្មោះនៅក្នុង​លំដាប់​ខ្ពស់​នៃ​ក្រុម​ដែល​មាន​សង្ឃឹម​ឈ្នះ។​ប៉ុន្តែនៅក្នុងខែមេសាក្រុមនេះបានដាក់កីឡាករJimpphatនិងBrollanឱ្យសម្រាកហើយជំនួស​មក​វិញ​ដោយ​កីឡាករ​វ័យក្មេងxelexនិងកីឡាករjLមកពីក្រុមNAVI។ដោយសារតែការផ្លាស់ប្តូរសមាជិកភ្លាមៗបែបនេះក្រុមMOUZអាចនឹង​លេងល្អខ្លាំងបើសមាជិកថ្មីលេងស៊ីចង្វាក់គ្នាបានលឿនឬក៏អាចនឹងធ្លាក់ទម្រង់លេងទាំងស្រុងតែម្តងមុនពេល​ការ​ប្រកួត​កម្មវិធីធំមកដល់។

ចូលរួមគាំទ្រក្រុមដែលអ្នកស្រឡាញ់នៅក្នុងព្រឹត្តិការណ៍ប្រកួត CS2 ដ៏ធំបំផុតប្រចាំតំបន់អាស៊ី!