ការចាក់ឫសយ៉ាងជ្រៅក្នុងទីផ្សារកម្ពុជា BYD ទទួលបានអ្នកប្រើប្រាស់១០,០០០នាក់ តាមរយៈផលិតផលឆ្លាតវៃ និងសេវាកម្មគ្រឿងបន្លាស់ដ៏ល្អប្រសើរ

នៅថ្ងៃទី ២៣ ខែឧសភា BYD Cambodia បានរៀបចំពិធីអបអរសាទរ ថ្លែងអំណរគុណ ដល់ អតិថិជនម្ចាស់រថយន្ត មួយម៉ឺននាក់ និងពិធីប្រគល់រថយន្តទី ១០,០០០គ្រឿង យ៉ាងអធិកអធម។ ដៃគូក្នុងឧស្សាហកម្ម តំណាងសារព័ត៌មាន និងម្ចាស់រថយន្តជាច្រើនបានជួបជុំគ្នា ដើម្បីរួមគ្នា ធ្វើជាសាក្សីនៃសមិទ្ធិផលជាប្រវត្តិសាស្ត្រ ក្នុងការចាក់ឫស យ៉ាងជ្រៅ ក្នុងទីផ្សារកម្ពុជារបស់ BYD។

ការទម្លាយភាពជោគជ័យនៃការលក់១០,០០០គ្រឿងនេះ មិនត្រឹមតែជាការបង្ហាញឱ្យឃើញ ដោយផ្ទាល់នូវ ការទទួលស្គាល់ពីទីផ្សារនោះទេ ប៉ុន្តែវាក៏ជាលទ្ធផលនៃកម្លាំងស្នូលដ៏រឹងមាំរបស់ BYD ក្នុងការចាក់ឫស និងបម្រើ អ្នកប្រើប្រាស់ក្នុងស្រុកលើគ្រប់ទម្រង់ ដោយផ្អែកលើវិស័យស្នូលទាំងប្រាំ រួមមាន៖ ការផលិតនៃរោងចក្រក្នុងស្រុក, ការសម្របសម្រួលប្រព័ន្ធឆ្លាតវៃជាភាសាខ្មែរ, បណ្តាញសេវាកម្មគ្រប់ដណ្តប់គ្រប់តំបន់, ឃ្លាំងស្តុកគ្រឿងបន្លាស់ខ្នាតធំ និងការបណ្តុះបណ្តាល ធនធានមនុស្សក្នុងស្រុក។ ព្រមទាំងបានបង្ហាញយ៉ាងច្បាស់ពីទំនុកចិត្តដ៏ខ្ពង់ខ្ពស់ របស់ អតិថិជន កម្ពុជាទៅលើម៉ាកសញ្ញា ផលិតផល និងសេវាកម្មរបស់ BYD ផងដែរ។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Yang Chao អ្នកគ្រប់គ្រងទូទៅ ក្រុមហ៊ុន Harmony ICAR សាខាប្រទេសកម្ពុជា បានថ្លែងសុន្ទរកថាក្នុងពិធី អបអរសាទរនេះ។ នៅក្នុងការថ្លែងសន្ទរកថា លោក Yang Chao បានមានប្រសាសន៍ថា ការសម្រេចបាននូវ ការប្រគល់រថយន្តចំនួន ១០,០០០ គ្រឿងដោយជោគជ័យរបស់ BYD Cambodia គឺជាសមិទ្ធផលជាប្រវត្តិសាស្ត្រ ដ៏សំខាន់មួយនៃការចាក់ឫសយ៉ាងជ្រៅនៅក្នុងទីផ្សាររថយន្ត ថាមពលថ្មីនៅកម្ពុជា។ នៅពីក្រោយ សមិទ្ធផល ដ៏លេចធ្លោនេះ គឺកើតចេញពីការសម្រេចចិត្តយ៉ាងម៉ឺងម៉ាត់ និងទំនុកចិត្តដ៏ពិតប្រាកដរបស់ម្ចាស់រថយន្តកម្ពុជារាប់ម៉ឺន នាក់ ហើយក៏ជាផ្លែផ្កានៃការខិតខំប្រឹងប្រែងយ៉ាង យកចិត្តទុកដាក់ និងការជម្នះ ឧបសគ្គនានាជាជំហានៗរបស់ ក្រុមការងារក្នុងស្រុកទាំងអស់របស់ BYD Cambodia ផងដែរ។

លោកបានសង្កត់ធ្ងន់ថា ចាប់តាំងពីបានឈានជើងចូលក្នុងទីផ្សារកម្ពុជាមក BYD តែងតែប្រកាន់ខ្ជាប់នូវ ទស្សនវិជ្ជា នៃការអភិវឌ្ឍន៍រយៈពេលវែង ដោយបោះបង់ចោលនូវគំនិតអាជីវកម្មរយៈពេលខ្លី ហើយប្រកាន់ខ្ជាប់នូវការចាក់ឫស ការរៀបចំខ្លួនឱ្យស៊ីសង្វាក់គ្នា និងការបម្រើប្រជាជនក្នុងស្រុក។ ចាប់តាំងពីការបង្កើតឧស្សាហកម្មរូបវន្ត, ការដាក់បញ្ចូល បច្ចេកវិទ្យាឆ្លាតវៃ, ការបង្កើតបណ្តាញសេវាកម្ម, ការធ្វើឱ្យប្រសើរប្រព័ន្ធគ្រឿងបន្លាស់ រហូតដល់ ការបណ្តុះបណ្តាល ធនធានមនុស្សក្នុងស្រុក ក្រុមហ៊ុនបានចាក់ឫសយ៉ាងជ្រៅក្នុងទីផ្សារក្នុងស្រុកលើគ្រប់វិស័យ និងបានបំពេញកាតព្វកិច្ច សង្គមរបស់សហគ្រាសយ៉ាងពិតប្រាកដ។ ទៅថ្ងៃអនាគត ក្រុមហ៊ុននឹងបន្តបង្កើនការវិនិយោគលើការរៀបចំយុទ្ធសាស្ត្រ លក្ខណៈក្នុងស្រុកពេញលេញ ដើម្បីតបស្នងនូវទំនុកចិត្តរបស់ម្ចាស់រថយន្តគ្រប់រូប តាមរយៈផលិតផលដែលមាន គុណភាពខ្ពស់ បច្ចេកវិទ្យាដ៏រឹងមាំ និងសេវាកម្មដ៏កក់ក្តៅ ព្រមទាំងបន្តជួយជម្រុញការធ្វើទំនើបកម្ម ការធ្វើដំណើរ បៃតងនៅកម្ពុជា និងជម្រុញការអភិវឌ្ឍន៍ប្រកបដោយគុណភាពខ្ពស់នៃវិស័យថាមពលថ្មីក្នុងស្រុក។

ការបង្កើត និងដាក់ឱ្យដំណើរការរោងចក្រក្នុងស្រុក ពង្រឹងគ្រឹះឧស្សាហកម្មឱ្យកាន់តែរឹងមាំ

BYD បានចំណាយទុនវិនិយោគចំនួន ៣២ លានដុល្លារអាមេរិក ដើម្បីបង្កើតរោងចក្រផលិតរថយន្ត ថាមពលថ្មី ដំបូងបង្អស់នៅកម្ពុជា ដែលមានទីតាំងនៅក្នុងតំបន់សេដ្ឋកិច្ចពិសេសក្រុងព្រះសីហនុ។ នាពេលបច្ចុប្បន្ន រោងចក្រនេះ បានដាក់ឱ្យដំណើរការផលិតកម្មដោយជោគជ័យ ដោយសម្រេចបាននូវការផលិតរថយន្តទាំងមូលនៅក្នុងស្រុក។ ដោយផ្អែកលើសមត្ថភាពផលិតកម្មក្នុងស្រុក ម៉ូឌែលរថយន្តដូចជា Sealion 5 ត្រូវបានផលិត និងប្រគល់ជូននៅ ក្នុងស្រុកផ្ទាល់។ ជាងនេះទៅទៀត ក្រុមហ៊ុននឹងបន្តជម្រុញការផលិតក្នុងស្រុកនូវម៉ូឌែលពេញនិយម ផ្សេងទៀត ដូចជា រថយន្តភីកអាប់ Shark 6 Super Hybrid ជាបន្តបន្ទាប់ ដើម្បីបន្តធ្វើឱ្យផលិតផលកាន់តែសម្បូរបែប ឆ្លើយតបចំតម្រូវការ ប្រើប្រាស់ដ៏ចម្រុះសម្រាប់ការធ្វើដំណើរជាលក្ខណៈគ្រួសារ ការធ្វើដំណើរប្រចាំថ្ងៃ និងការប្រើប្រាស់ក្នុងអាជីវកម្មនៅកម្ពុជា ដោយឈរជើងយ៉ាងរឹងមាំនៅក្នុងទីផ្សារក្នុងស្រុកតាមរយៈ ឧស្សាហកម្មរូបវន្ត។

គំនិតផ្តួចផ្តើមដំបូងគេនៃប្រព័ន្ធអេកូឡូស៊ីឆ្លាតវៃជាភាសាខ្មែរ នាំមុខគេជាគំរូនៃការធ្វើដំណើរឆ្លាតវៃក្នុងស្រុក

BYD បានក្លាយជាម៉ាកសញ្ញារថយន្តអន្តរជាតិដំបូងគេបង្អស់នៅកម្ពុជា ដែលសម្រេចបាននូវការប្រើប្រាស់ ប្រព័ន្ធបញ្ជាក្នុងរថយន្ត និងការដំណើរការកម្មវិធី APP ជាភាសាខ្មែរ ក្នុងស្រុក យ៉ាងពេញលេញ ដោយបានបំបែក ឧបសគ្គផ្នែកភាសានិងការប្រើប្រាស់ប្រព័ន្ធឆ្លាតវៃមុនគេបង្អស់។

ម៉ូឌែលរថយន្ត សំខាន់ៗក្រោមប្រេនមានដូចជា TI7ជាដើម ត្រូវបានបំពាក់មកជាស្តង់ដារនូវផ្ទាំងបញ្ជាភាសាខ្មែរដើម ហើយកម្មវិធី BYD APP ផ្លូវការក៏ត្រូវបានរៀបចំជាភាសាខ្មែរគ្រប់មុខងារទាំងស្រុងផងដែរ។ ដោយផ្អែកលើប្រព័ន្ធ ភ្ជាប់បណ្តាញឆ្លាតវៃ ម្ចាស់រថយន្តអាចដោះសោររថយន្តដោយមិនបាច់ប្រើសោរផ្ទាល់ និងបញ្ជារថយន្តពីចម្ងាយ ដោយលាឈប់ទាំងស្រុងពីការប្រើប្រាស់សោរធម្មតាបែបប្រពៃណី ដែលស្របទៅនឹងទម្លាប់នៃ ការប្រើប្រាស់ របស់ អតិថិជនក្នុងស្រុក ធ្វើឱ្យការធ្វើដំណើរឆ្លាតវៃក្លាយជាលក្ខណៈក្នុងស្រុក និងផ្តល់ភាពងាយស្រួលយ៉ាងពិតប្រាកដ។

ការរៀបចំបណ្តាញសេវាកម្មគ្រប់ដណ្តប់គ្រប់តំបន់ វិនិយោគធំលើការសាងសង់ឃ្លាំងគ្រឿងបន្លាស់ដើម្បី ដោះស្រាយកង្វល់ក្នុងការប្រើប្រាស់រថយន្ត

BYD បានពង្រីកបណ្តាញសេវាកម្មក្រៅប្រព័ន្ធ របស់ខ្លួននៅកម្ពុជាយ៉ាងលឿនបំផុត។ នាពេលបច្ចុប្បន្ន ក្រុមហ៊ុនមានបណ្តាញសេវាកម្មលក់ចំនួន ១០ កន្លែង  និងមជ្ឈមណ្ឌលសេវាកម្មក្រោយការលក់ ដែលកំពុង ដំណើរការ ជាប្រចាំចំនួន ៤ កន្លែង ព្រមទាំងមានមជ្ឈមណ្ឌលសេវាកម្មក្រោយការលក់ចំនួន ២ កន្លែងទៀតដែលជិតនឹង បញ្ចប់ ការសាងសង់ និងបើកដំណើរការក្នុងពេលឆាប់ៗនេះ។ បណ្តាញទាំងនេះគ្របដណ្តប់យ៉ាងពេញលេញលើទីក្រុងស្នូលៗ ដូចជា ភ្នំពេញ ព្រះសីហនុ និងសៀមរាប ដោយផ្តល់នូវសេវាកម្មនៅជិតលោកអ្នកបំផុត ទាំងការមើលរថយន្ត ទិញរថយន្ត និងការថែទាំ។

ទន្ទឹមនឹងនេះ ក្រុមហ៊ុនក៏បានបើកដំណើរការខ្សែទូរស័ព្ទ Hotline បម្រើសេវាកម្មដោយឥតគិតថ្លៃទូទាំងប្រទេស៖ 180 020 8899 ដើម្បីឆ្លើយតបបានទាន់ពេលវេលាចំពោះការសាកសួរព័ត៌មាន បណ្តឹងតវ៉ា សេវាកម្មសង្គ្រោះបន្ទាន់ តាមដងផ្លូវ និងតម្រូវការថែទាំរបស់ម្ចាស់រថយន្ត ដោយនាំយកគុណភាពដើមពីរោងចក្រ និងការធានាស្ដង់ដារមកអនុវត្ត ផ្ទាល់នៅក្នុងរាល់ព័ត៌មានលម្អិតនៃសេវាកម្មនីមួយៗ។

នៅក្នុងពិធីអបអរសាទរនេះ BYD បានប្រកាសជាផ្លូវការនូវផែនការធ្វើឱ្យប្រសើរសេវាកម្មដ៏សំខាន់មួយគឺ៖ បន្ថែមទុនវិនិយោគពិសេសចំនួន ៦ លានដុល្លារអាមេរិក ដើម្បីរៀបចំសាងសង់មជ្ឈមណ្ឌលស្តុកគ្រឿងបន្លាស់ ផ្តាច់មុខដែលមានផ្ទៃដីលើសពី ៥,០០០ ម៉ែត្រការ៉េ ដែលគម្រោងនេះនឹងដាក់ឱ្យដំណើរការជាផ្លូវការនៅក្នុងឆ្នាំ ២០២៦។ បន្ទាប់ពីមជ្ឈមណ្ឌលស្តុកគ្រឿងបន្លាស់នេះត្រូវបានបញ្ចប់ វានឹងជួយជម្រុញអត្រាផ្គត់ផ្គង់គ្រឿងបន្លាស់ ឱ្យមានស្ថេរភាព រហូតដល់ ៩៩% ដោយសម្រេចបាននូវការដឹកជញ្ជូនគ្រឿងបន្លាស់យ៉ាងលឿនបំផុតក្នុងរយៈពេល ១.៥ ម៉ោងនៅក្នុងតំបន់ភ្នំពេញ និងការដឹកជញ្ជូនទៅដល់ទីកន្លែងក្នុងថ្ងៃដដែលសម្រាប់រាល់ការកម្ម៉ង់ពីបណ្តាខេត្ត។ នេះជាការកាត់បន្ថយរយៈពេលរង់ចាំគ្រឿងបន្លាស់យ៉ាងច្រើន និងដោះស្រាយទាំងស្រុងនូវកង្វល់ ដែលម្ចាស់រថយន្ត ត្រូវរង់ចាំគ្រឿងបន្លាស់យូរ និងការផ្គត់ផ្គង់យឺតយ៉ាវ ដោយបង្កើតនូវ ការធានា សេវាកម្មធ្វើដំណើរដ៏កក់ក្តៅ និងមានសុវត្ថិភាពបំផុតសម្រាប់ម្ចាស់រថយន្តរាប់ម៉ឺននាក់។

ការចាក់ឫសយ៉ាងជ្រៅនៃធនធានមនុស្សក្នុងស្រុក រួមផ្សំថាមពលយុវវ័យ បង្ហាញពីមុខមាត់ក្រុមការងារ

BYD តែងតែចាត់ទុកការបណ្តុះបណ្តាលធនធានមនុស្សក្នុងស្រុកជាគ្រឹះនៃការអភិវឌ្ឍន៍រយៈពេលវែង។ នាពេលបច្ចុប្បន្ន ក្រុមការងារនៅកម្ពុជាមានចំនួនសរុប ៤៥៧ នាក់ ដែលក្នុងនោះបុគ្គលិកក្នុងស្រុក មានសមាមាត្រ ខ្ពស់រហូតដល់ ៩៦%។ រាល់មុខតំណែងស្នូលៗទាំងអស់ ទាំងផ្នែកលក់ ផ្នែកសេវាកម្មក្រោយការលក់ ផ្នែកផលិតកម្ម ផ្នែកគ្រប់គ្រង និងផ្នែកបម្រើអតិថិជន គឺសុទ្ធតែមានធនធានមនុស្សក្នុងស្រុកជាស្នូល។

សហគ្រាសបានរៀបចំវគ្គបណ្តុះបណ្តាលជំនាញវិជ្ជាជីវៈជាប្រចាំ និងបង្កើតផ្លូវឡើងឋានៈប្រកបដោយតម្លាភាព និងយុត្តិធម៌ ដោយបានទាក់ទាញយុវជនក្នុងស្រុកជាច្រើនឱ្យមកចាក់ឫសក្នុងឧស្សាហកម្មថាមពលថ្មី ប្រើប្រាស់ ការអភិវឌ្ឍន៍របស់សហគ្រាសដើម្បីជម្រុញការបង្កើតការងារក្នុងស្រុក និងផ្តល់សមត្ថភាពវិជ្ជាជីវៈ ដើម្បី ជម្រុញ ការរីកចម្រើននៃធនធានមនុស្សក្នុងឧស្សាហកម្ម ព្រមទាំងចូលរួមចំណែកយ៉ាងសកម្មក្នុង ការអនុវត្ត កាតព្វកិច្ច សង្គមរបស់សហគ្រាស។

នៅក្នុងកម្មវិធីអបអរសាទរនេះ ក្រុមការងារបុគ្គលិកក្នុងស្រុករបស់ BYD កម្ពុជា បានឡើងលើឆាក ដើម្បីសម្តែង កម្មវិធីសិល្បៈយ៉ាងអស្ចារ្យ។ បុគ្គលិកទាំងអស់ពោរពេញដោយស្មារតី និងថាមពលយ៉ាងខ្លាំងក្លា ដោយបានប្រើប្រាស់ ការសម្តែង ដ៏អស្ចារ្យដើម្បីបង្ហាញពីសាមគ្គីភាព និងភាពរស់រវើកនៃក្រុមការងារវ័យក្មេង ព្រមទាំងបានឆ្លុះបញ្ចាំង យ៉ាងរស់រវើកនូវវប្បធម៌សាជីវកម្ម ដែលពោរពេញដោយភាពកក់ក្តៅ ភាពស្និទ្ធស្នាល និងការរីកចម្រើនទៅមុខ។ ទន្ទឹមនឹងនេះ ថ្នាក់ដឹកនាំក្រុមការងារផ្នែកលក់ក៏បានបង្ហាញខ្លួនរួមគ្នា និងបានបង្កើតកម្មវិធី ឆ្លើយសំណួរយករង្វាន់ នៅលើឆាក ដែលធ្វើឱ្យទំនាក់ទំនងជាមួយម្ចាស់រថយន្តកាន់តែខិតជិតគ្នា និងបង្ហាញ យ៉ាង ពេញលេញ នូវវិជ្ជាជីវៈ និងសេវាកម្មដ៏ស្មោះត្រង់ និងជាក់ស្តែង។

ពេលវេលាដ៏មានកិត្តិយស! ប្រគល់រថយន្តគ្រឿងទី ១០,០០០ ដែលជាសមិទ្ធិផលប្រវត្តិសាស្ត្រយ៉ាងជោគជ័យ

កម្មវិធីបានឈានចូលដល់ខណៈពេលដ៏គួរឱ្យរំភើបបំផុតប្រចាំឆ្នាំ ដោយនៅលើឆាកបានរៀប ចំពិធីប្រគល់ រថយន្ត ទី ១០,០០០គ្រឿង របស់ BYD កម្ពុជា យ៉ាងអធិកអធម ដែលជាការកត់ត្រាជាផ្លូវការនូវកិត្តិយសនៃសមិទ្ធិផលជា ប្រវត្តិសាស្ត្រ ក្នុងការចាក់ឫសយ៉ាងជ្រៅក្នុងទីផ្សារក្នុងស្រុក ។ នៅក្នុងពិធីនេះ លោក Chen Daoyin នាយកផ្នែក ប្រតិបត្តិការ សហគ្រាសលក់រថយន្ត BYD តំបន់អាស៊ីប៉ាស៊ីហ្វិក សាខាប្រទេសកម្ពុជា និងលោក Yang Chao អ្នកគ្រប់គ្រងទូទៅក្រុមហ៊ុន Harmony ICAR សាខាប្រទេសកម្ពុជា បានឡើងលើឆាករួមគ្នា ដើម្បីប្រគល់រថយន្តថ្មី ជូនដល់ ម្ចាស់រថយន្តទី ១០,០០០គ្រឿង ដោយមានភ្ញៀវកិត្តិយស និងម្ចាស់រថយន្តទាំងអស់ នៅក្នុងកម្មវិធីរួមគ្នា ធ្វើជា សាក្សី នៃពេលវេលាប្រវត្តិសាស្ត្រនេះ។

សំឡេងគាំទ្រពិតប្រាកដជាសាក្សីនៃភាពរឹងមាំ ​  ម្ចាស់រថយន្តគំរូចែករំលែកបទពិសោធន៍ប្រើប្រាស់រថយន្ត ដ៏សម្បូរបែប

នៅក្នុងកម្មវិធីនេះ ក៏មានការអញ្ជើញជាពិសេសដល់ម្ចាស់រថយន្តគំរូដំបូងគេបង្អស់ចំនួន ៣ រូបឡើងលើឆាក ដើម្បីចែករំលែកបទពិសោធន៍ប្រើប្រាស់រថយន្តជាក់ស្ដែង។ តាមរយៈអារម្មណ៍ពិតនៃការប្រើប្រាស់រថយន្តជាក់ស្តែង វាបានបញ្ជាក់ពីកម្លាំងស្នូលនៃផលិតផល BYD ​និងអត្ថប្រយោជន៍នៃ ការសម្របសម្រួល ឱ្យស៊ីសង្វាក់គ្នា នឹង លក្ខណៈក្នុងស្រុក ដែលធ្វើឱ្យសំឡេងគាំទ្រមានភាពស្មោះត្រង់ និងមានការទាក់ទាញចិត្តយ៉ាងខ្លាំង។

ម្ចាស់រថយន្ត BYD Seal 5 ដំបូងគេបង្អស់នៅកម្ពុជា បានកោតសរសើរយ៉ាងខ្លាំងទៅលើ អត្ថប្រយោជន៍ នៃ ការសន្សំសំចៃថាមពលដ៏អស្ចារ្យនៃម៉ូឌែលនេះ។ គាត់បាននិយាយដោយស្មោះត្រង់ថា កាលពីមុនពេលបើកបររថយន្ត ប្រើប្រេងសាំង ថ្លៃសាំងប្រចាំខែចំណាយខ្ពស់រហូតដល់ ២៥០-៣០០ ដុល្លារអាមេរិក ដែលជាការចំណាយដ៏ច្រើន។ បន្ទាប់ពីបានផ្លាស់ប្តូរមកទិញរថយន្ត BYD Seal 5 ដែលជាប្រភេទ Super Hybrid មក ដោយផ្អែកលើការបង្ហាញ ការសន្សំសំចៃថាមពលដ៏លេចធ្លោ ថ្លៃចំណាយលើការប្រើប្រាស់ឡានប្រចាំខែគឺត្រូវការត្រឹមតែ ៣០ ដុល្លារអាមេរិក ប៉ុណ្ណោះ ដែលបានកាត់បន្ថយការចំណាយលើការធ្វើដំណើរប្រចាំថ្ងៃយ៉ាងច្រើន ធ្វើឱ្យការធ្វើដំណើរ បៃតងសម្រេចបាន នូវការសន្សំសំចៃ និងស្រួលចិត្តយ៉ាងពិតប្រាកដ។

ម្ចាស់រថយន្ត Ti7ដំបូងគេបង្អស់នៅកម្ពុជា បានទទួលស្គាល់យ៉ាងជ្រាលជ្រៅទៅលើគុណភាពនៃការបើកបរ និងបទពិសោធន៍កម្លាំងម៉ាស៊ីនរបស់រថយន្ត។ លោកបានមានប្រសាសន៍ថា Ti7មានការឆ្លើយតបយ៉ាងរហ័ស ការបង្កើនល្បឿនមានភាពរលូន និងមានការបង្ហាញសមត្ថភាពយ៉ាងល្អឥតខ្ចោះ។ ទន្ទឹមនឹងនេះ ភាពស្ងប់ស្ងាត់នៃ រថយន្តទាំងមូលគឺល្អខ្លាំងណាស់ ការបើកបរក្នុងទីក្រុងគឺស្ងាត់គ្មានសំឡេងរំខាន និងមានភាពងាយស្រួលខ្លាំងក្នុង ការបើកបរ។ មុខងារឆ្លាតវៃលក្ខណៈក្នុងស្រុកដែលបានបំពាក់នៅលើរថយន្ត បានសម្របសម្រួល យ៉ាងជ្រៅទៅនឹង ទស្សនីយភាពនៃការធ្វើដំណើរក្នុងស្រុក និងបានបង្កើនភាពងាយស្រួលនៃការប្រើប្រាស់រថយន្តប្រចាំថ្ងៃលើគ្រប់វិស័យ។

ម្ចាស់រថយន្ត BYD Sealion 7 ដំបូងគេបង្អស់នៅកម្ពុជា បានផ្តោតការយកចិត្តទុកដាក់ លើការចែករំលែក បទពិសោធន៍នៃការប្រើប្រាស់រថយន្តឆ្លាតវៃ និងភាពជាក់ស្តែងនៃលំហទូលាយក្នុងរថយន្ត។ គាត់បានមានប្រសាសន៍ថា មុខងារបញ្ជាឡានពីចម្ងាយរបស់ BYD APP ដែលបានសម្របសម្រួលជាលក្ខណៈក្នុងស្រុក គឺស៊ីសង្វាក់គ្នា យ៉ាងល្អ ឥតខ្ចោះទៅនឹងទស្សនីយភាពប្រចាំថ្ងៃ ដូចជាការទៅទទួលកូន និងការរង់ចាំបណ្តោះអាសន្នជាដើម ដែលអាចបញ្ជាសីតុណ្ហភាពពីចម្ងាយ និងត្រួតពិនិត្យមើលរថយន្ត ប្រកបដោយសុវត្ថិភាព និងភាពងាយស្រួល។ ទន្ទឹមនឹងនេះ លំហខាងក្នុងរថយន្តដ៏ធំទូលាយ អាចឆ្លើយតបបានយ៉ាងងាយស្រួលនូវតម្រូវការធ្វើដំណើរ ទៅក្រៅ ក្រុងជាលក្ខណៈគ្រួសារ និងការដឹកជញ្ជូនវ៉ាលីធំៗ ដែលផ្តល់អត្ថប្រយោជន៍ជាក់ស្តែងយ៉ាងពេញលេញ។ គាត់ក៏បានផ្តល់ការវាយតម្លៃខ្ពស់ចំពោះកម្មវិធីថ្លែងអំណរគុណរបស់ BYD កម្ពុជា នាពេលនោះផងដែរ។

នៅក្នុងកម្មវិធី ក៏មានការចាប់ឆ្នោតផ្សងសំណាងជាច្រើនជុំ ដើម្បីផ្តល់ជូននូវកាដូដ៏កក់ក្តៅ ដែលពោរពេញដោយភាពស្មោះត្រង់ក្នុងការថ្លែងអំណរគុណ និងតបស្នងដល់ម្ចាស់រថយន្តទាំងអស់សម្រាប់ការទុកចិត្ត និងការរួមដំណើរជាមួយគ្នារហូតមក។

ឈរជើងលើចំណុចចាប់ផ្តើមថ្មី បន្តចាក់ឫសយ៉ាងជ្រៅក្នុងទីផ្សាររថយន្តថាមពលថ្មីនៅកម្ពុជា

ការប្រគល់រថយន្ត១០,០០០គ្រឿង គឺជាសមិទ្ធិផលប្រវត្តិសាស្ត្រដ៏លេចធ្លោមួយ ហើយវាក៏ជាចំណុចចាប់ផ្តើមនៃ ការខិតខំប្រឹងប្រែងថ្មីមួយផងដែរ។ ទៅថ្ងៃអនាគត BYD នឹងបន្តចាក់ឫសយ៉ាងជ្រៅក្នុងទីផ្សារកម្ពុជា បន្តពង្រឹង សមត្ថភាពផលិតកម្មនៃរោងចក្រក្នុងស្រុក, ការធ្វើបច្ចុប្បន្នភាពប្រព័ន្ធឆ្លាតវៃលក្ខណៈក្នុងស្រុក, ការពង្រីកបណ្តាញ សេវាកម្មគ្រប់ដណ្តប់គ្រប់តំបន់, ការប្រតិបត្តិការប្រព័ន្ធស្តុកគ្រឿងបន្លាស់ និងការកសាងធនធានមនុស្សក្នុងស្រុក ដែលជាវិស័យស្នូលទាំងប្រាំ ព្រមទាំងបន្តធ្វើឱ្យព័ត៌មានលម្អិតនៃផលិតផល និងសេវាកម្មកាន់តែមាន ភាពល្អ ប្រសើរឡើង លើកកម្ពស់បទពិសោធន៍ដំណើរការទាំងមូលរបស់អ្នកប្រើប្រាស់ និងប្រើប្រាស់បច្ចេកវិទ្យាឆ្លាតវៃបៃតង ដើម្បីផ្តល់ថាមពលដល់ការធ្វើដំណើរដ៏ស្រស់ព្រងរបស់ប្រជាជនកម្ពុជា។ ក្រុមហ៊ុននឹងខិតខំប្រឹងប្រែងអស់ពី សមត្ថភាពដើម្បីបង្កើតម៉ាកសញ្ញារថយន្តថាមពលថ្មីដែលត្រូវបានទទួលស្គាល់ និងទុកចិត្តបំផុតពី អ្នកប្រើប្រាស់ នៅកម្ពុជា ព្រមទាំងរួមចិត្ត រួមដំណើរ និងរួមគ្នាឈ្នះនាពេលអនាគតជាមួយម្ចាស់រថយន្តរាប់ម៉ឺននាក់។