សមាគមសម្ភពនិងរោគស្រ្តីវិទ្យាកម្ពុជា និងក្រុមហ៊ុន DKT Mekong សហការគ្នាដើម្បីពង្រឹងការថែទាំមាតាផ្នែកសង្គ្រោះបន្ទាន់ នៅក្នុងសិក្ខាសាលាពាក់កណ្តាលអាណត្តិលើកទី២៥ ស្តីពីសម្ភពវិទ្យានៅប្រទេសកម្ពុជា

រាជធានីភ្នំពេញ – ថ្ងៃទី១៣ ខែមិថុនា ឆ្នាំ២០២៦ – ក្រុមហ៊ុន DKT Mekongបានចូលរួមសហការជាមួយសមាគមសម្ភព និងរោគស្ត្រីវិទ្យាកម្ពុជា(SCGO) ក្នុងការរៀបចំសិក្ខាសាលាពាក់កណ្តាលឆ្នាំអាណត្តិលើកទី ២៥ របស់ខ្លួនដោយជោគជ័យ នៅសណ្ឋាគារភ្នំពេញ ដោយមានការចូលរួមពីគ្រូពេទ្យសម្ភព និងរោគស្ត្រីជាង ៣៤៥នាក់ និងតាមប្រព័ន្ធ Zoom មកពីមន្ទីរពេទ្យបង្អែកខេត្តនិងមណ្ឌលសុខភាពស្រុកនានាទូទាំងប្រទេសកម្ពុជា។ក្រោមប្រធានបទ“ពង្រឹងកិច្ចសង្រ្គោះបន្ទាន់ផ្នែកសម្ភព” ព្រឹត្តិការណ៍ពេញមួយថ្ងៃបានប្រមូលផ្តុំអ្នកជំនាញផ្នែកសម្ភព ក្នុងការផ្លាស់ប្តូរចំណេះដឹងអន្តរជាតិ និងការចូលប្រើប្រាស់ធនធានសុខភាពបន្តពូជដោយផ្ទាល់នៅក្នុងវេទិកាតែមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សិក្ខាសាលានេះមានការចូលរួមពីសំណាក់ ឯកឧត្តមសាស្ត្រាចារ្យ ឡឹក​ តារា រដ្ឋលេខាធិការក្រសួងសុខាភិបាល លោកសាស្ត្រាចារ្យ គុំ កាណាល់ប្រធាន SCGO វាគ្មិនអន្តរជាតិមកពីប្រទេសជប៉ុន និងហុងកុង រួមជាមួយអ្នកឯកទេសឈានមុខគេនៅកម្ពុជាមកពី NMCHC, KSFH និងមន្ទីរពេទ្យ Calmette។ បទបង្ហាញចំនួនដប់ដែលដឹកនាំដោយអ្នកជំនាញបានគ្របដណ្តប់លើប្រធាន​បទសំខាន់ៗ រួមមានការគ្រប់គ្រងការហូរឈាមក្រោយសម្រាល (PPH) នីតិវិធីវះកាត់សម្រាលកូន ការស្ទះសរសៃឈាមក្នុងទឹកភ្លោះ ជំងឺក្រពេញទីរ៉ូអ៊ីតលើសក្នុងពេលមានផ្ទៃពោះ និងភស្តុតាងថ្មីៗអំពីប្រូបាយអូទិកក្នុងការថែទាំសម្រាលកូន។ សិក្ខាសាលានេះបានបញ្ចប់ជាមួយនឹងការប្រកាសសមាសភាពគណៈកម្មាធិការក្រុមប្រឹក្សាភិបាល SCGO ថ្មីផងដែរ។

ក្នុងនាមជាដៃគូសហការមួយនៃសិក្ខាសាលានេះ ក្រុមហ៊ុន DKT Mekong ក៏មានវត្តមានចូលរួមដើម្បីពង្រីកឥទ្ធិពលនៃព្រឹត្តិការណ៍នេះឲ្យលើសពីបន្ទប់សិក្ខាសាលា។ ដោយមើលឃើញថាអ្នកឯកទេសផ្នែកសម្ភពជួរមុខរបស់ប្រទេសកម្ពុជា គឺជាអ្នកអប់រំផង និងអ្នកអនុវត្តជាក់ស្តែងផង ក្រុមហ៊ុន DKT Mekong បានរៀបចំការចូលរួមរបស់ខ្លួនជុំវិញសសរស្តម្ភសំខាន់បីគឺ ចំណេះដឹង ការចូលប្រើប្រាស់ និងការគាំទ្រ ដែលសសរស្តម្ភនីមួយៗត្រូវបានរៀបចំឡើងដើម្បីបំពេញតម្រូវការជាក់លាក់របស់​អ្នកជំនាញវេជ្ជសាស្ត្រដែលចូលរួម។

អ្នកចូលរួមអាចចូលមើលសំណាកផលិតផល ពិគ្រោះដោយផ្ទាល់ជាមួយ​អ្នកតំណាងក្រុមហ៊ុន DKT Mekong និងចូលមើលសម្ភារៈអប់រំស្តីពីសុខភាពផ្លូវភេទ​ និងសុខភាពបន្តពូជ។ ស្តង់នេះបានបង្កើតការប្រាស្រ័យក្រៅផ្លូវការ ប៉ុន្តែមានខ្លឹមសារសម្រាប់ការសន្ទនារវាងអ្នកផ្តល់សេវាថែទាំសុខភាព និងអង្គភាពដែលពង្រឹងតួនាទីរបស់ ក្រុមហ៊ុន DKT Mekong ជាដៃគូដែលគួរឱ្យទុកចិត្តនៅក្នុងប្រព័ន្ធអេកូឡូស៊ីសុខភាពបន្តពូជរបស់ប្រទេសកម្ពុជា។

ក្រុមហ៊ុន DKT Mekong ពិតជាមានសេចក្តីសោមនស្សរីករាយក្នុងការចូលរួមក្នុងសិក្ខាសាលាមួយនេះ ដែលជាការចូលរួមចំណែកក្នុងការគាំទ្រទៅដល់ការពង្រឹងចំណេះដឹងផ្នែកសុខភាពផ្លូវភេទ និងសុខភាពបន្តពូជទៅកាន់គ្រូពេទ្យសម្ភព និងរោគស្ត្រីនៅក្នុងប្រទេសកម្ពុជា។

អំពីក្រុមហ៊ុន DKT Mekong

ក្រុមហ៊ុន DKT Mekong គឺជាអង្គភាពទីផ្សារសង្គមដែលប្តេជ្ញាក្នុងការកែលម្អលទ្ធផលសុខភាពផ្លូវភេទ និង បន្តពូជនៅទូទាំងតំបន់មេគង្គ រួមមានប្រទេសវៀតណាម កម្ពុជា និងឡាវ។ ដោយផ្អែកលើបទពិសោធន៍ជាងបីទសវត្សរ៍ ក្រុមហ៊ុន DKT Mekong ផ្តល់នូវវិធីសាស្រ្តពន្យារកំណើតដែលមានគុណភាពខ្ពស់ តម្លៃសមរម្យ និងអាចប្រើប្រាស់បាន ព្រមទាំងផលិតផល និងសេវាកម្មសម្រាប់ការរំលូតកូនដោយសុវត្ថិភាព និងការការពារមេរោគអេដស៍។ ក្រុមហ៊ុន DKT Mekong ប្រើប្រាស់យុទ្ធសាស្ត្រទីផ្សារសង្គមប្រកបដោយថាមពល និងគំនិតផ្តួចផ្តើមអប់រំ ដើម្បីផ្តល់សិទ្ធិអំណាចដល់បុគ្គលម្នាក់ៗក្នុងការធ្វើការសម្រេចចិត្តប្រកបដោយព័ត៌មានអំពីសុខភាពផ្លូវភេទ និងបន្តពូជរបស់ពួកគេ។

សម្រាប់ការសាកសួរពីប្រព័ន្ធផ្សព្វផ្សាយ៖

ក្រុមហ៊ុន TWPR Communication Co., Ltd.

លោក សុខ សារ៉ាក់ | បុគ្គលិកផ្នែកទំនាក់ទំនងសាធារណៈ

ទូរស័ព្ទ៖ (+855) 78 289 974

អ៊ីម៉ែល៖ [email protected]